Conferencia/Mesa redonda

A rebeldía, a actitude punk e a volatilidade no escénico e no uso da palabra están moi presentes nos directos e nas propostas das protagonistas deste bloque: Nuria Vil e Pablo X. Suárez. Ambas traxectorias camiñan entre as marxes do literario e a performance nas súas intervencións, precisamente pola transformación da palabra falada e dos elementos e recursos cos que se relaciona este xénero. As dúas propostas teñen en común o feito de aliárense no directo con outras persoas e grupos para materializar os seus espectáculos.

Conferencia de María Antonia Pérez Rodríguez sobre o primeiro álbum debuxado por Luís Seoane: Trece estampas de la traición, publicado en 1937 na campaña de propaganda no extranxeiro promovida polo goberno da segunda República española, na procura do apoio internacional fronte aos golpistas.

Luís Seoane denuncia neste álbum os responsables do golpe de estado de 1936 e as consecuencias da guerra na poboación civil.

Composto por 7 actos nos que se coñecerá de primeira man a obra dos creadores galegos explicada por eles mesmos; saber o seu proceso creativo, as motivacións para crear ou a evolución da súa traxectoria.

Esta vez a charla será coa artista ANNE HEYVAERT, que  reflexionará sobre a súa actividade artística, desenvolta especialmente nas disciplinas de debuxo e técnicas gráficas.

Conferencia de Ramsés Pérez, que fará unha aproximación ao patrimonio natural dos valados; falará dos seus beneficios ecosistémicos e da diversidade natural.

Ramsés Pérez, licenciado en Filosofía e Ciencias da Educación pola Universidade de Santiago de Compostela, é coordenador dos Programas e Proxectos de Educación Ambiental de ADEGA (Asociación para a Defensa Ecolóxica de Galiza) dende o ano 2000. Ten levado adiante iniciativas de divulgación e recuperación de valados con voluntariado ambiental.

A importancia desde o comezo do Circo pola presenza de ilustres músicos que dinamizaron a vida musical herculina.

Unha semana despois do estupendo encontro coa montadora Ana Pfaff, celebramos a segunda cita do ano co encontro A cor das palabras, un ciclo organizado polo Concello de Santiago e NUMAX que permite ao público da cidade coñecer de preto o proceso creativo dalgúns dos creadores máis suxestivos do cinema actual. O domingo 15 de maio será a quenda de Helena Girón e Samuel M. Delgado que nesta fin de semana estrean en salas Eles transportan a morte, magnético relato alternativo ao mito das viaxes de Colón filmado entre Galicia e Canarias, terras de orixe dos cineastas.

Un diálogo coa memoria, cun territorio e cunha herdanza colectiva ao fío do esquecemento. Mateo Feijóo, no marco do festival Escenas do cambio 2022, propón ao espectador unha experiencia sensorial coa que favorecer a reflexión ao redor dun legado ao que cómpre darlle voz. Sons do esquecemento ou A navalla do tempo é o título dunha instalación que transporta ata o Museo Centro Gaiás as voces, os sons e as imaxes do pobo de Vilar, en Ourense, nun retrato visual e sonoro que se xestou dentro do programa de Residencias Artísticas do Gaiás 2022

É a sedución a clave do poder? Sobre este tema será a conferencia da xornalista Isabel Rábago, que na súa última novela desentraña as múltiples cadeas que anulan á muller, xa sexa no fascinante mundo das cortesás venecianas do século XVI ou na política actual.

«Nai, non nacemos para ser submisas. Somos histriónicas, altivas, soberbias, descaradas, provocadoras. Ese é o noso poder. Son Verónica Franco e son, e sempre serei, a dona do meu propio destino.»

A mocidade africana será o fío condutor da mesa redonda da segunda edición de Harmatán, Festival Nómade de Cultura Africana.
Os participantes na mesa serán Smockey e Hassane K. Kouyaté, unha oportunidade única de escoitar a dous referentes en África de ámbitos como a música, o teatro ou o activismo.
Smockey foi cofundador do movemento popular Lle Balai citoyen, que mobilizou a miles de mozos e acabou derrocando ao expresidente de Burkina Faso, Blaise Compaoré.

Luis Maura vén de publicar Niño santo na editorial Dos bigotes, onde xa editara Nido de pájaros. O encontro é aberto ao público e estará conducido por Miguel Suárez, membro do Club de lectura QUEERuña .

O festival Corufest donou á Rede de bibliotecas 20 exemplares de Niño santo, que foron lidos polas 40 persoas que integran os dous grupos do club de lectura LGTB.