A biblioteca cede o espazo á Asociación de psicoanálise aplicado Gradiva para a realización dunha actividade na que se levará a cabo a lectura e explicación do traballo “Repensando el TDAH” de Andrés Sampayo Salgueiro, presidente da Asociación, que foi galardoado co Premio FEAP no ano 2022.
Para público adulto. Entrada libre ata completar a capacidade da sala.
No marco dos “Diálogos entre a psicoanálise e a arte” a biblioteca cede o espazo para a realización do Diálogo entre as psicoanalistas Eugenia Insua e Rosa Vázquez e a escritora Emma Pedreira.
Emma Pedreira (A Coruña, 1978) ten publicado máis dunha ducia de poemarios, entre os que podemos destacar "O libro das mentiras", "Antídoto" ou "As voces ágrafas". O seu poema "Lista da compra da viúva" foi considerado en 2017 o Mellor Poema do Mundo.
Toda responsabilidade individual fundaméntase no colectivo humanizado e social desde os cimentos do territorio concreto, do territorio ético e do territorio cultural. Sen resultar definitivos, territorios de multiplicidade: espazos de reflexión, de vida substantiva e de toda circunstancia que implique compromiso.
Conferencia online sobre a música tradicional co Museo de Artes decorativas de Kiev. Coa intervención de Pablo Seoane, experto en música e instrumentos tradicionais galegos.
Charla que pretende crear un espazo no que persoas vencelladas a grandes incendios forestais relaten as súas vivencias, como se fosen libros vivos, e o público asistente faga preguntas, buscando o establecemento dun diálogo participativo.
O cristianismo primitivo en Galicia: novas propostas. A conferencia será impartida por María Loira Enríquez, Doutora en Arqueoloxía. Profesora Titora da UNED-A Coruña.
A actividade é presencial e online.
Djibuti é un enclave estratéxico, no que conviven militares de varias potencias e unha poboación da que non se adoita contar nada. David Pena Rodríguez é un xove enxeñeiro que está a traballar neste territorio dende fai uns anos.
Actividade presencial e online.
A biblioteca cede o espazo para a realización da charla “O pano de ramo“ que estará a cargo de José Codesido. Nado na parroquia de Dornelas, concello de Silleda, está vencellado coa música e o baile tradicional dende pequeno, circunstancia que o leva a interesarse tamén pola vestimenta tradicional.
Ten unha gran colección de todo tipo de mantóns, especialmente os panos de ramo.
No marco dos “Diálogos entre a psicoanálise e a arte” a biblioteca cede o espazo para a realización dun encontro co coreógrafo e investigador Javier Martín, que desenvolve un proxecto de investigación de corte epistemolóxico e crítico arredor das artes do movemento. Situado na creación coreográfica e performativa, atopa as súas fugas en distintos desbordamentos discursivos e nas súas aplicacións (escrita, conferencias performativas, laboratorios, grupos de investigación, etc).
O propio 25 de novembro poñemos en marcha un espazo para a divulgación e a concienciación sobre as violencias machistas. Situado no Hall de Tirantes do Museo Centro Gaiás, este punto informativo é un lugar para dialogar e compartir experiencias, pero tamén para coñecer o impacto de todas aquelas accións que menoscaban a dignidade, estímaa e a integridade física e mental das mulleres e nenas.
