Concerto

O Quintento Bataraz toca música folk arxentina coa clásica formación do tango: bandoneón, violín, contrabaixo, guitarra e piano. É un concepto orixinal, cuxa calidade foi destacada ao ser gañador en dúas categorías dos Premios Gardel en 2015: Mellor álbum de folclore e Mellor novo artista de folclore. A formación do Quinteto Bataraz comezou en 2013 en todo o pianista, compositor e arranxador Lisandro Baum, favorecendo a recuperación da conexión perdida entre o tango e folclore.

Ninguén toca a harpa como Edmar Castaneda. Os críticos expresaron o seu asombro pola súa virtuosidade, suntuoso lirismo, rítmica inventiva e a súa auténtica enerxía creativa. O seu colaborador, Paquito D’Rivera, describiuno como “un enorme talento, un dos máis orixinais músicos da Gran Mazá”.

Cando Gisela João presentou o seu álbum de debut en 2013, rapidamente escalou aos máis altos niveis da música portuguesa. A súa voz -profunda, apaixoada e forte aínda que cun toque de vulnerabilidade sensible- atopou eco instantaneamente co público e coa crítica por igual.

Durante unha década os irmáns Adnan, asfar e Majaz Joubran estiveron expandindo as fronteiras da música contemporánea feita co ud (laúde árabe), co Trío Joubran, tocando nos máis prestixiosos auditorios e compoñendo música para filmes premiados. Agora, logo de dez anos de vida parisina, o irmán máis novo, Adnan, está amosando a súa propia identidade musical xunto co Trío.

Bumba II: De Zigala a Zemambiquo é unha colaboración entre artistas de Santiago de Compostela e Maputo. Entre Fran “Narf” Pérez, un dos principais compositores e líderes da música contemporánea galega, e Timbila Muzimba, un colectivo fundado por un grupo de mozos mozambicanos músicos e bailaríns en Maputo no ano 1997. Todos xunto teñen actuado en España, Portugal e Mozambique ao longo dos últimos dez anos.

Formado por Jorge Montes, Fernando Buide e Alejandro Sanz contan neste proxecto coa colaboración de Juan Ibáñez e nace sen límites de repertorio, estilos ou formación. Basea o seu ideal de traballo na calidade e respecto pola música. O propio nome quere reflectir un meticuloso pragmatismo á hora de afrontar os proxectos, concertos etc. Na súa faceta didáctica é un proxecto multidisciplinar, que ten como principal obxectivo mostrar o punto de encontro entre diferentes linguaxes artísticas, partindo sempre dunha idea musical.

Afrofunk animado, ritmos hip-hop, jams de rapidísimas guitarras: a música de Jupiter Bokondji reflicte as súas moitas experiencias. Nado en Kinshasa, empezou a tocar cando a súa avoa, unha curandeira tradicional, en cerimonias e funerais. En 1974, o seu pai, diplomático, foi enviado ao Leste de Berlín, onde Jupiter descubriu o rock. Logo voltou a Kinshasa convencido de que a música que escoitara en Europa tiña raíces na historia dos 450 grupos étcnicos doCongo e que esa música podería ser unha forza unificadora.

No norte de Tunicia, entre as montañas e a fronteira alxeriana, atópase o pequeno pobo de Bargou. Situado nunha das zonas máis pobres de Tunicia, posúe un auténtico patrimonio cultural chamado ‘salhi’. Ritmos e instrumentación -tambores de marco, guembri, frautas- conectadas coa música bereber, pero o illamento rural de Bargou encargouse de que alí medrara un estilo propio, aínda que sen gravacións orixinais.

Kondi Band é unha asociación entre Sorie Kondi (Serra Leoa), que toca o kondi (thumb piano) e o produtor americano Chief Boima, que tamén ten ancestros neste país africano. O proxecto foi creado logo de que Boima se atopase cun vídeo dun dos temas de Sorie, ‘Without Money No Family’. Sorprendido pola súa característica voz, polas letras comprometidas e unha forma incrible de tocar o instrumento que el mesmo fixo, Boima tivo claro que tiña que mesturalo.

United Vibrations son os irmáns Ahmad, Kareem e Yussef Dayes e Wayne Francis II. O seu son é unha mestura de ska e punk. A súa lista de inspiracións musicais vai de John Coltrane a Fela Kuti, de Weather Report a Bob Marley, de Ali Farka Touré a Sun Ra e unha miríada de sons do mundo.