Concerto

Frankenstein!! é teatro musical, cabaré, ópera... iso e máis. Esta é a proposta da programación didáctica, infantil, xuvenil e familiar das Xornadas de Música Contemporánea

HK Gruber atravesa as barreiras entre xéneros seguindo a estela dos heroes de cómic e iconas cinematográficas que enchen os versos de H. C. Artmann. As fantasías infantís mestúranse con pesadelos de adultos na medida en que atopamos a Frankenstein, vampiras, a Superman ou a Batman, en situacións que van do macabro ao humorístico.

As Xornadas de Música Contemporánea acollen a estrea absoluta de 'Elementa!' , proposta do quinteto Zoar con música expresamente composta por Fernando Buide e Federico Mosquera.

Da parte visual do espectáculo encárgase Ana Inés Jabares, premio Linbury de Escenografía, quen deseñou a escena que Xiana Vilas e Alfonso Rivera e Belén Bouzas encherán de dinamismo a través do teatro físico.

Froito do proxecto de recuperación do arquivo histó- rico da formación compostelá impulsado polo programa Descubrindo as nosas músicas, na primeira parte dedicada á música galega de finais do século XIX e principios do XX, poderemos gozar da inspiración que Rosalía de Castro supuxo no compostelán Pepe Curros (A orillas del Sar e Airiños da miña terra) e dun valse de Felipe Paz Carbajal.

Joaquín Meijide, máis coñecido como Xocas, é un versátil e inquedo clarinetista galego, apaixonado da música contemporánea e de cámara, cunha traxectoria avalada, entre outros moitos argumentos, polo prestixioso galardón Henri Selmer para clarinete baixo…

Este concerto das Xornadas de Música Contemporánea enmmárcanse en aDesTempo, programación didáctica, infantil, xuvenil e familiar

Contos de sempre contados como nunca, é concerto para caixa de música, orquestra e narrador, intepretadoo pola Orquestra do Espazo de Cámara da USC, con Mario Diz como director.

Recomendado para nenos e nenas a partir de 6 anos.

Entrada de balde, previa recollida.

Siempre/Todavía é un espectáculo singular no que xunto á música de Alfredo Aracil, para piano solo, as imaxes de Alberto Corazón, proxectadas sobre unha pantalla, nos van pouco a pouco desvelando un texto...

A súa materia prima son unhas anotacións do propio Alberto Corazón nos seus cadernos de viaxe durante unha transcendental estadía en Damasco antes da traxedia que hoxe a asola.

Na historia da música sobran referencias ao aspecto non humano, referencias ao diabólico do son dun instrumento… o violín. Esta visión do instrumento ben pode ter que ver con dous aspectos inexplicables pola súa contradición: a súa enigmática forma, que practicamente non mudou nada dende a súa orixe hai case medio milenio, e a súa infinita capacidade de adaptarse a cada estilo de música de calquera época…

John Cage escribía: “estou máis confundido que nunca sobre as posibilidades case ilimitadas do violín”.

Rhythm & Blues, dosis de garaxe, e un gran sex-appeal fan que as súas cancións sexan como potentes golpes de calor, convertendo os seus espectáculos nunha quente e furibunda pista de baile. Liderados pola enerxía e a feiticeira voz da sedutora e carismática riot-girl Ciara Thompson, os Buttshakers están creando o seu propio camiño a base dun cálido, e cru rhythm and blues, con esencia do mellor da música soul que tanto aman.

Ben Poole, a nova revelación do bluesrock británico, sorprendeu a propios e estraños na súa última xira por España ofrecendo espectáculos de máis de 2 horas onde a súa guitarra e voz falaron por si soas. Agora regresa para presentar o seu incrible novo traballo en directo "Live At The Royal Albert Hall". Ben está influenciado polo blues pero á súa vez infundiu ao seu estilo un contundente enfoque do rock. Nos últimos anos está a falarse del como un dos maiores talentos da guitarra en Europa.

Le Bestiaire de Apollinaire-Poulenc-Dufy é unha obra creada a partir do ciclo de cancións do mesmo nome que Francis Poulenc compuxo en 1919.