Silvia Penide presenta durante 2016 o seu LP Todo pintado de plata acompañada do guitarrista Rubén Barros e co teclista Serxio Moreira, co que as suas cancións gañan en matices e expresividade. Mantén un formato íntimo pero ao mesmo tempo posibilita unha musicalidade máis ampla.
Voces Femininas é unha fiestra para grandes voces e compositoras de nivel internacional que permite achegalas ao gran público. Con esta filosofía xurdiu o festival en 2008, unha cita que xa merece o recoñecemento no ámbito das artes. Neste 2016 é a súa edición número nove. Nesta ocasión conta coas actuacións de Sóley e Anaïs Mitchell.
Luis Buñuel escribiu en 1927 na Gaceta Literaria: «Metrópolis non é un filme único. Metrópolis son dous filmes pegados polo ventre».
A Real Filharmonía de Galicia interpreta, dentro da programación de Cineuropa2016, a banda sonora do filme de Fritz Lang.
The Pretty Things, considerada a mellor banda británica de rhythm&blues e unha das máis importantes de rock´n roll de todos os tempos. Eternamente comparados con The Rolling Stones (de feito a prensa británica denominounos os curmáns feos dos Stones), a banda está liderada por Phil May e Dick Taylor, quen precisamente mesmo lle daba plantón no seu día a Mike Jagger e Keith Richards por The Pretty para buscar sons máis salvaxes.
A fadista portuguesa Ana Moura volve a Compostela para presentar o seu último disco, ‘Moura’, dentro da súa xira ‘On tour in Europe’.
Ana Moura é a artista portuguesa cunha carrera más puxante na actualidade, con máis de 300.000 discos vendidos, máis dunha ducia de galardóns entre os que destacan dous Globos de Ouro, dos premois Amália e colaboracións con iconas da música como Prince, Rolling Stones, Caetano Veloso, Gilberto Gil ou Herbie Hancock.
Máis información, aquí.
Un personaxe camaleónico e pioneiro. Así é Paddy Steer, músico visionario de Manchester que prefire operar nas periferias. Fundador no seu momento do selo Ninja Tune, Steer cultiva os sons de maneira que o conxunto da súa obra abala entre o hipnótico e o irresistible. Podemos atopar ecos do jazz etíope ou de Sun Ra; entre os seus artistas inspiradores –aínda que como el mesmo di depende da semana- poden estar Hermeto Pascoal, Nina Simone ou Tony Allen. Paddy Steer constrúe as súas ferramentas de traballo: inventa instrumentos e deseña a súa propia indumentaria.
Unha sesión de contos para nenas e nenos de 0 a 5 anos coa música como fío condutor, onde a fantasía, a lingua e a ilusión serán as protagonistas.
Nela, Pablo Díaz irá mesturando contos con algunhas cancións dos seus discos Tic Tac, Toc Toc e, principalmente, Xente miúda, moita fartura.
Reservade a vosa praza.
O seu novo espectáculo 'Método Cardiofónico' baséase nos ritmos de latexos do corazón que o doutor Iriarte gravou nos anos 40.
Tomando como base eses latexos que o doutor Iriarte editou en placas de lousa, Germán Díaz crea todo un universo sonoro. O playasax, a rolmónica cromática ou o órgano de barbaría danse a man coa zanfona e a gravación de loops en directo para crear este espectáculo único.
O ciclo 'Na Raíz' trae esta ben interesante proposta musical coas entradas xa á venda.
Aquaserge, banda liderada por Julien Barbagallo, Julien Gasc e Benjamin Glibert, abre o ciclo 'Vello, raro, novo' cun concerto no Museo de Arte Contemporáneo Gas Natural Fenosa da Coruña.
A entrada ten un prezo de 5 euros e podes mercala na Internet, na recepción do propio museo e en Discos Portobello.
Formados en Sheffield en 2001, nun principio como trío (despois con varios cambios de compoñentes, até chegar ao cuarteto actual), 65daysofstatic é unha formación instrumental que se move polo post-rock de maneira moi persuasiva, cun estilo que nos inicios da súa carreira discográfica, alá por 2004, cando publicaron o seu LP de debut, "The Fall Of Math", foi acertadamente descrito como "a banda sonora dunha nova dimensión onde o rock, o dance e a electrónica son iguais". . A súa discografía consta de seis albums de estudio e un en directo, nove EPs e singles e dúas bandas sonoras.
