Divertida proposta didáctica dirixida a un público familiar no que a complicidade co público é a ferramenta para que o espectador disfrute dunha maxistral clase de enxeño.
Odaiko amosa instrumentos super novidosos e virtuosas composicións feitas por eles mesmos e que, xunto cunha sorprendente posta en escena e o humor retranqueiro, fan deste espectáculo outro éxito asegurado.
Actuación dentro da Rede galega de teatros e auditorios.
De Vacas é o proxecto musical das vocalistas Faia Díaz, Inés Salvado e Paula Romero, ao que decidiron incorporar a Guillerme Fernández (guitarra). Déronse a coñecer a través de internet cunha sorprendente versión do Gangnam Style, de Psy. E iso que, cando decidiron poñer en marcha o experimento, pretendían ser un grupo de versións das Spice Girls, pero Guillerme convenceunas para amplar o abano de artistas aos que versionar.
Best boy é o resultado de anos de acumulación de experiencias e vivencias: desde proxectos musicais case improvisados acumulando quilómetros de furgoneta, ata performances de madrugada acompañando as sesións de DJs de moda ; sen esquecer as interminables jams nas que a versatilidade e a soltura en escena son necesarias aliadas.
Influencias ? pois todas : desde o blue grass ao funk máis clásico , desde o soul da motown ata o rock sureño, o pop, o jazz
Dende que se coñeceron na gala de entrega de premios do III Festival Primavera de Cine en Vigo, os compoñentes do Trío Caspervek (Brais González, Blas Castañer e Eduard Vecbasticks) seguiron moi de preto a Nelson Quinteiro ata integrarse definitivamente entre os músicos dos directos do disco "Orquesta Gharbo!" que o cangués deu en ofrecer ao longo de diferentes puntos da xeografía galega.
Uxía lambona e a Banda Molona é unha banda musical infantil que nace no ano 2014 e está formada por Pali ao baixo, Ñoc á batería, Diego á gaita e frauta, Serghaño á guitarra, Roscón ao acordeón e eu cantando e animando! .
Ten o obxectivo de facer cantar e bailar “coma toliños” a todos os nenos e nenas, achegándolles a música tradicional galega dun xeito atractivo para eles, cambiando estilos musicáis, letras…, e temas propios sempre en galego.
Conta a historia de como As Maimiñas deciden ir unha tarde de paseo. Sen darse conta, seguindo unhas cunchas amarelas que atopan no camiño, andando, andando, andando, chegan a distintos países. En cada un deles amósanse cancións e danzas típicas (creadas por nós). Aproveitamos para “disfrazarnos” coa roupa ou complementos que caracterizan cada un dos países visitados.
Homenaxe ao trio vocal "Andrew Sisters".
Elas especializáronse sobre todo no swing, o boogie-woogie, e novos hits co seu selo
persoal: rápidas síncopas vocais.
Tamén fixeron grandes hits de jazz, baladas, folk, e música relixiosa.
Como naquela epoca, a través de temas como "In A Mellow Tone", "Lil' Darling", "Hit That Jive" etc., Gallaecia Big Band acompaña ao trío vocal feminino "The Lollipops", as cales harmonizan a tres voces calquera tipo de melodía.
O Festival Feito a Man presenta A Festa BalGalaika, unha celebración do encontro entre as músicas ‘gipsy’ dos Balcáns e as músicas bailables da tradición galega; o encontro entre as músicas do oriente e do occidente europeo.
O Festival Feito a Man quere con esta festa BalGalaika render unha homenaxe moi especial a esta irrepetible banda no seu XX aniversario. Esta formación mítica de gipsy brass, que naceu en Zece Prajini (norleste de Romanía), acadou xa a categoría de patrimonio da humanidade.
O Real Coro Toxos e Froles tivo as súas orixes no seo da Orquestra Ferrolá de Pulso e Púa Airiños D'a Miña Terra, no contexto dunha xira por Cataluña en 1907. En 1914 a agrupación comeza a darlle forma ao nacemento dun coro galego na cidade de Ferrol e en 1915 leva a cabo a súa primeira actuación no Teatro Jofre de Ferrol, baixo a dirección de Lorenzo Barja.
Cántigas da Terra foi fundado en 1916 co gallo de recuperar e espallar a música e a cultura galegas. O seu repertorio conta con máis de setecentas partituras, entre alalás, pandeiradas, maneos,foliadas, muiñeiras, cántigas de berce, cantares de arrieiro e de desafío ou alboradas.
Procuran tamén a preservación do traxe tradicional, buscando antecedentes históricos e estudando as variación das distintas comarcas, así como o coidado da lingua galega coa recollida de termos propios. Tamén recollen todo tipo de instrumentos musicais populares, recuperando os xa en desuso.
