Nunca é demasiado tarde para intentalo, para lembrar ou para esquecer, para aprender, para cambiar ou para...
Un concerto acústico, próximo, interactivo, contando historias comúns e vivindo un momento inesquecible. Un disco cheo de cancións positivas, con colaboracións de luxo e a produción de Javier Abreu.
Concerto dentro da programación da Rede galega de música ao vivo. Confirmar concertos nos espazos onde se celebran.
The Lines nace a finais de 2014 composta por catro músicos chegados de outros proxectos previos na escena pop-rock zaragozana.
Coidadas letras anglosaxonas, poderosas guitarras e rifts pegadizos.
Directos viscerais dentro da programación da Rede galega de música ao vivo.
Unha merenda no xardín é o escenario no que se atopan tres instrumentistas, dúas bailarinas e unha actriz. Ela é a anfitriona que invita aos seus amigos a compartir unha tarde placenteira ao redor dunha mesa exuberante, con fina cristalería e abundante froita. Neste espazo bucólinco o tempo deténse mentres xogan coa música e a danza, ou comen e beben entre amigos. A ambientación e os vestidos de época evocan un cadro barroco en movemento.
Temas propios afrontados dende o xénero de rock feito en castelán. Beben do blues de Chicago e da psicodelia dos sesenta (Hendrix, Cream,The Doors), con certos matices do jazz ou do soul, mezclando solventemente estas tendencias musicais coa canción de autor estatal de tradición roqueira (Quique Gonzalez, Ariel Rot, Los Rodriguez, Joaquín Sabina..)
Feminino plural son Silvia Penide (voz) e Carla López (voz e teclado). Este espectáculo xorde da necesidade de ambas artistas de amosar o importante percorrido de diversas mulleres autoras no transcurso da historia da humanidade. Quixeron, por iso, trazar un camiño cheo de historias tanto contadas como cantadas, onde se puidera reflectir en pequenas cápsulas musicais a pegada indelébel das autoras que conforman un inmenso e necesario patrimonio universal.
Lambchop é un grupo liderado por Kurt Wagner é unha das referencias ineludibles cando se fala de música norteamericana.
Próximos ao country alternativo pero con suficiente personalidade para crear unha marca determinada, Lambchop mutaron sempre ao redor do seu compositor principal Kurt Wagner, virando facía terreos máis soul co paso dos anos e mantendo esa pulsión dramática tan característica do grupo de Nashville.
Prexton é un novo guitarrista e cantautor que vive dacabalo entre Cáceres e Galicia. Despois de pasar por bandas de diferentes estilos como o folk, o hip-hop ou o ska, en 2013 decide emprender a súa carreira en solitario con total liberdade creativa. Nesta nova etapa, orientada ao folk de autor con raíces americanas, gaña a Batalla de Bandas da Universidade de Salamanca, obtén o Segundo Premio no Santiautor 2015 e proclámase Finalista do Certame MúsicaXove 2015.
Terry Lee Hale presenta o seu novo disco para Glitterhouse “Blund, Chained, Fettered”.
Músico norteamericano, Terry Lee Hale é o prototipo de músico que estivo en todas partes, que viu moitas cousas e que fixo da estrada o seu fogar.
Divertida proposta didáctica dirixida a un público familiar no que, como foi no caso do vaia Banda, a complicidade co público será a ferramenta para que o espectador disfrute dunha maxistral clase de inxenio . Odaiko móstranos aparatos super novidosos e virtuosas composicións feitas por eles mesmos, e que xunto cunha sorprendente posta en escena e o humor retranqueiro farán deste outro éxito asegurado.
Ivy Moon é unha banda de Santiago de Compostela que inicia o seu percorrido en 2014, debutando no Brincadeira Festival. A partires do seu nacemento, o grupo emprende un percorrido no que a constancia e o talento forman a base para conseguir grandes logros: En só dous anos, Ivy Moon suma xa 2 EP autoproducidos, concertos por toda Galicia e cidades como Madrid, Barcelona ou Granada. Foron finalistas de importantes concursos musicais como o EISV Music (Vigo) en 2015, o BDcoder organizado polo Dcode Festival (Madrid) e tamén o Queixo Maquetón do Festival do Queixo (Arzúa).
