O ton grave e reflexivo da súa voz convidan a cada individuo á súa intimidade. Cancións entre o visible e o invisible, entre a realidade e o soño con títulos que en si mesmos poderían ser aforismos universais. Unha fortaleza vibrante e electrónica, armada de instrumentos musicais singulares, incluso xoguetes, enxeñada e dirixida por Noiserv.
Un dos máis creativos e estimulantes proxectos musicais xurdidos en Portugal na última década en Música no Claustro.
A profundidade relixiosa da compositora rusa de orixe tártara Sofia Gubaidulina (1931) dialogará coa música española de diferentes compositores e épocas nas mans do acordeonista serbio Nikola Tanaskovic. Desde Antonio de Cabezón, organista da capela musical da emperatriz Isabel de Portugal e ao servizo de Carlos V desde 1538, ás Arquitecturas do silenzo de José María Sánchez-Verdú (1968).
A fascinación que produciu a viola da gamba desde a súa aparición na Península Ibérica a finais da Idade Media estendeuse deseguido por toda Europa e mantívose ao longo dos anos ata ben entrado o século XVIII. Era un instrumento capaz de imitar a voz humana como ningún outro, que seduciu polo seu timbre, a súa enorme versatilidade e a súa elegancia.
No ano 1914, o libreiro e anticuario Pedro Vindel descobre o manuscrito das sete cantigas, asinadas en letras vermellas, polo trobador Martín Codax (s. XIII-XIV). Un acontecemento de grande importan- cia para a historia da literatura e da música galaico-portuguesa, ao tratarse da única fonte que contén a música destas cantigas.
Son galego, Son cubano (Neira Vilas & Roi Casal) clausurará as Festas do Apóstolo 2016 cun gran concerto na praza da Quintana.
A banda está composta polos mellores músicos de Cuba e Galicia e está prevista a participación de convidados especiais.
A Asociación Galicia Fiddle é unha organización sen ánimo de lucro que xorde no ano 2010 na comarca de Vigo en torno á aula de violín da ETRAD (Escola Municipal de Música Tradicional e Folk de Vigo), que serviu de aglutinador daqueles violinistas interesados na música tradicional.
A programación de Galicia Culturea conta coas actuacións desta centenaria formación vocal que recupera e mantén vivas composicións tradicionais galegas.
Galicia Culturea é unha programación da Consellería de Cultura, Educación e Ordenación Universitaria da Xunta de Galicia para a dinamización cultural do verán en distintos concellos de Galicia.
Espazos alternativos no caso de chuvia:
O Carballiño. 14 de setembro, ás 20,00 h. Na Praza Maior e, no caso de choiva, será no Auditorio Municipal (Avda. do Balneario s/n).
O universo percusivo de Odaiko nace da mestura e da inquedanza por explorar as múltiples tradicións de ritmos e instrumentos do planeta. Levan no seu nome o son dominante dun vello e voluminoso tambor xaponés que hoxe vibra con intensidade a ritmo de muiñeira.
Concerto dentro da programación Galicia Culturea, da Consellería de Cultura, Educación e Ordenación Universitaria da Xunta de Galicia para a dinamización cultural do verán en distintos concellos de Galicia
Espazos alternativos no caso de choiva:
Vento no programa da man de cinco profesionais comprometidos coa nova creación –Álex Salgueiro (fagot), Benxa Iglesias (trompa), Antonio Suárez (clarinete), David Villa (óboe) e Joan Ibáñez (frauta)–, que presentan o seu novo traballo, No vento.
Actuación dentro do programa Galicia Culturea, da Consellería de Cultura, Educación e Ordenación Universitaria da Xunta de Galicia para a dinamización cultural do verán en distintos concellos de Galicia
Espazos alternativos en caso de choiva:
A Banda Crebinsky volve a Santiago de Compostela polas Festas do Apóstolo.
Esa noite estarán acompañados por Molotov Jukebox e a entrada é de balde.
