Jorge e María presentan a súa música. Unha proposta para degustar en familia unha recompilación musical de temas propios e algúns éxitos de autores galegos.
Actividade musical dentro do programa Ler conta moito, da Rede de Bibliotecas de Galicia.
Algunha vez pensaches que un libro, amais de ser lido, pode tamén ser escoitado? Os libros son universos que contan historias e transmiten ideas e coñecemento. Mais os libros agochan tamén un universo de músicas ocultas dispostas para a escoita. So hai que saber buscalas e deixarse levar por elas para abrir novos horizontes á lectura de obras da literatura universal.
Actividade para Ler conta moito, da Rede de Bibliotecas de Galicia.
Música infantil para compartir en familia. As Parábolas de Pakolas chega da man de Paco Cerdeira como espectáculo de pequeno formato no que Pakolas, interpreta en directo unha escolla dos seus temas propios para público infantil, con música xirando en torno ao rock e outros estilos que entusiasman aos cativos e cativas, e con letras sempre axeitadas para os mais pequenos.
Este concerto é unha homenaxe ao trio vocal "The Andrew Sisters”. Elas especializáronse sobre todo no swing, o boogie-woogie, e novedosos hits co seu selo persoal: rápidas síncopas vocais.Tamén fixron grandes hits de jazz, baladas, folk e música relixiosa
Ao igual que naquela época, a través de temas como “In A Mellow Tone”, “Lil' Darling”, Hit That Jive” etc., o pianista Cristian Leggiero acompaña ao trío vocal feminino "The Lollipops", que harmonizan a tres voces calquera tipo de melodía.
Silvia Penide presenta durante 2016 o seu LP "Todo pintado de plata" en diversos formatos. Actúa acompañada do guitarrista Rubén Barros e do teclista Serxio Moreira, co que as súas cancións gañan en matices e expresividade.
Mantén un formato íntimo pero ao mesmo tempo posibilita unha musicalidade máis ampla.
Félix Rodríguez Pepe Varela Diego Rosal Pablo Cabanelas.
Píscore son catro prestixiosos músicos fronte a un grande conflito: 16 baquetas e unha soa marimba. Catro músicos dispostos a facela soar do xeito máis orixinal e abraiante. Organizarse xa non vai ser tan doado.
Píscore achéganos a mellor música e moito humor para un concerto singular nunha proposta que se encadra na liña dos grandes espectáculos que mesturan o virtuosismo musical e os ritmos coa comedia xestual.
Este amplamente recoñecido guitarrista, arreglista e compositor galego conta cunha impecable traxectoría artística e representa un gran valor da música da nosa terra . Os seus primeiros estudos céntranse na guitarra clásica, con José María Fiúncho en Lugo e máis tarde no Conservatorio de Vigo onde cursa 3 anos de guitarra con Tomás Camacho.
Xoán Curiel e a banda Son+d2 presentan o seu novo traballo. Un espectáculo moi completo con danza, música en directo e elementos de teatro.
Trátase dun disco-libro editado pola editorial Galaxia que narra as aventuras duns rapaces que na época estival atopan unha creativa maneira de pasar o tempo formando un grupo musical.
Das cabeciñas de Marcelo Dobode e Bea Martínez, e das súas experiencias no mundo da educación musical dirixida á infancia, nace este obradoiro-espectáculo no que miud@s e maiores aprenden, gozan e descubren o mundo das percusións e da arpa neste fermosísimo proxecto.
Espectáculo cunha selección de poemas musicados de escritores galegos, entre os que se encontran Rosalía de Castro, Castelao, Manuel María ou Uxío Novoneyra.
Uxía: voz.
Sérgio Tannus: guitarra e viola caipira.
Santi Cribeiro: acordeón.
Isaac Palacín: percusión.
