Tres compañeiros de piso orbitan compartindo espazo e soidade. A enerxía que conteñen no seu interior marcará os seus destinos. As cousas máis simples, as veces son as máis difíciles de conseguir, os nosos esforzos pérdense na noite como o refulxir dun lucecú que titila até esmorecer, cando non acada a resposta buscada. A órbita do lucecú explora as relacións humanas nunha viaxe curiosa e divertida a través de Marte, Nikola Tesla e os lucecús.
“As palabras non son boas nin malas, o que importa é como se usan. As únicas malas palabras son aquelas que calamos.”
Esta é a historia de Flor una escritora que dende o seu escritorio, cóntanos como descobreu o segredo mellor gardado polos seus pais: a súa adopción. Cando tiña 9 anos, a Flor e ao seu amigo o Pelos encantáballes buscar “malas palabras” no diccionario. A mesma curiosidade levou a Flor a averiguar que os seus pais non eran os seus pais, que os seus avós non eran os seus avós, que os seus tíos, non eran os seus tíos… Flor era adoptada.
O punto de partida de A filla de Woody Allen é o inicio dunha viaxe da protagonista na procura de seu pai, do cal só sabe que vive en Nova Iork e que lle manda un agasallo cada ano polo seu aniversario. Estes agasallos son tesouros para ela e constitúen un crebacabezas co que foi construíndo un mito que a acompaña no seu desenvolvemento vital.
Atoparse con ese mito revélase como a vía para acadar a felicidade, pero tamén supón unha fuxida dunha vida cotiá insatisfactoria. Ela loita. É incansable. É vitalista. E pon todas as súas esperanzas nese ser descoñecido.
Todos os membros da familia de Amabel teñen superpoderes: unha forza descomunal, a velocidade do raio, unha abraiante intelixencia ou mesmo a capacidade de facerse invisible. Pero Amabel aínda non sabe cal é a súa habilidade extraordinaria. Para descubrilo, embarcarase en aventuras ben peculiares.
Espectáculo dentro da programación da Rede galega de salas. Confirmar datas e horas nos espazos onde se representa.
Este proxecto céntrase na investigación do teatro rural amateur e infantil, así coma na creación dende o 2014 de espectáculos para tódolos públicos.
Juan Manuel Frade e Beatriz Rodríguez, xunto con Cristina Collazo formaron parte da primeira peza da compañía, O Circo dos Contos. Na actualidade, Pilar Abades e Cristina Collazo continúan o proceso.
A alfombra máxica é un prelibro onde a artista plástica Mirari Urruzola convida aos máis pequenos a mergullarse nunha viaxe sensorial.
Un lugar de libre experimentación, unha alfombra táctil, sonora e olfativa. Xuntos descobren o pracer de apalpar, manipular, escoitar, ver,... Unha invitación a xogar, explorar, experimentar con todo o corpo.
Xogos, música e outras sorpresas viaxarán cos máis pequenos e cos seus acompañantes adultos por un mundo de emocións e sensacións.
Pablo Sánchez, director e actor
¡É incrible a cantidade de historias que caben sobre unha mesa!
Espectáculo de narración oral, teatro de obxectos, sombras e bonecos baseado en contos populares onde o narrador vai creando diversos mundos a partires das súas histórias enriba dunha mesiña.
Gonçalo Guerreiro mestura os contos de sempre para crear unha nova historia na que conviven o cómico e o poético co teatro xestual e a música.
Un espectáculo interactivo, onde as figuras feitas en cartón cobran vida e onde os cativos poden entrar na casa da avoa dos contos para escoitar as súas historias.
David Espinosa e os seus secuaces do Local Espazo de Creación tentárono na versión máis arbitraria, efectista, artificial e oca das obras completas de William Shakespeare. Unha delirante obra visual que especula coas convencións de espectacularidade, a través de figuras e obxectos cargados de aventuras, romances, luxuria, guerra, traxedia e poder. Un irónico xogo de luces e sombras con numerosas chiscadelas ao cinema, o cómic, as artes plásticas, e á propia historia do teatro.
Bufones
Asombros | Microscopias | Dende a sombra | Bufóns e pallasos
Proposta de Antonio Fernández Lera, escritor, tradutor, editor, xornalista director de escena. Dirixe a compañía Magrinyana desde 1998. Escribe e dirixe as sus propias obras, como esta.
