Encontros é un espectáculo multidisciplinar, onde o teatro físico, a danza e o novo circo se conxugan para crear un código propio de expresión, un punto de partida para comunicar, para contar ó público as inquedanzas que nos invaden. A comedia e o virtuosismo forman parte desta montaxe ecléctica onde dúas persoas se recoñecen despois dunha tempada sen verse, tómanse de novo as medidas, tócanse, úlense, séntense, e comezan de novo o seu camiñar, xuntos.
O amparo dos paraugas, brincar nas pozas e charcos, o divertido da choiva... todo o que é causa dela e que tanto nos gusta: a herba, as árbores, flores, as hortas, alimentos, as paisaxes verdes, etc. Dúas personaxes que ensinan ao público con xogos, bailes e enredos que cantidade de cousas nos trae a choiva, antes e despois de que ela veña ou marche.
Espectáculo feito para a primeira infancia respectando os seus estímulos, tempos e xeitos de asimilación, duración e achegamento aos elementos empregados na representación.
Palabras sinxelas, cristalinas e situacións transparentes. É unha peza fragmentaria, constituída de secuencias ás veces dialogadas, ás veces silenciosas. Xestos comúns e sen sentido común. Dulce de leche é sentir, gustar, cheirar, ver e escoitar. Tamén cantamos, bailamos imaxes, poesías e músicas, xogamos historias. Achegámonos aos nenos e ao seu mundo sensorial.
Ingredientes: Un pouco de leite, un pouco de vainilla, azucre e mel. Pero tamén necesitamos dúas bailarinas-actrices, atrezo e cartel.
Unha delicada obra visual e poética para os máis pequenos. A maxia da cor e do instante presente. Nun xardín zen sete bolboretas deixáron as súas cores para pintar o mundo. Outono, inverno, primavera e verán son os escenarios das cousas sinxelas e os seus grandes cambios, porque todos crecemos e transformámonos como lle ocorrerá ao noso protagonista, un verme chamado Cucú.
Dirección e creación: Branca do Barrio
Intérpretes: Esther Velategui e Eva Sanz/Iria Angulo/Esther Aja
O argumento de Cartas de las Golondrinas de Escena Miriñaque baséase na íntima correspondencia real que os emigrantes españois mantiveron coas súas raíces e as súas xentes desde países concretos como Arxentina e Uruguai e explora as motivacións e vicisitudes destes. En paralelo investiga as similitudes cos contemporáneos inmigrantes no noso país agora territorio de Europa. Cartas e relatos persoais, descubrimento do estranxeiro, de outro, do outro e tamén relatos da separación e da nostalxia.
O actor Josito Porto fala daquelas cousas que sempre estiveron presentes e nunca antes nos decatamos delas. Moitos "porques" van deixar de representar unha dúbida para os seres humanos a partires de xa, a humanidade vivirá moito máis tranquila.
Chega o novo espectáculo de Peter Punk.
Chega un espectáculo que reflicte a situación actual da cidadanía: Peor Imposible ... ou case.
Peter Punk logo de triunfar en Galicia, España e xiras por Brasil, Italia, Palestina, Portugal e exóticas illas como As Canarias pensaba que xa todo ía ser doado na súa carreira e que xa estaba lanzado en pos do éxito.
Peor Imposible desmostra que nada diso a traves dun cúmulo de fracasos, números fallidos e desastres que, cando menos, provocaron a hilaridade do público.
A Compañía Asacocirco transforma calquera espazo nun pequeno picadero de novo circo, onde a risa, o risco e a espectacularidade están garantidas en todas as súas actuaciónes. O estilo e humor destes artistas non ten fronteiras e cativou a público de todas as idades.
Tania Arias Winogradow, bailarina e coreógrafa. Formada en danza e estudos escénicos en Madrid (a súa cidade natal), Nova York (Movement Research) e Montpellier (Centro Coreográfico Nacional).
Traballa en colaboración con outros artistas da escena, fundamentalmente desde a linguaxe da danza ata a linguaxe das abellas.
Andrea ea, ea chega coa súa maleta disposta a desvelar un segredo, os seus contos bailan, descubriuno un día por casualidade e agora non deixan de bailar pero para iso precisan escoitar música e contos.
“Bailando cos contos” presenta un espectáculo que vai fiando diferentes contos, todos relacionados co baile, a música ou as cantigas.
