Autoría:Patricia Toral, Chantal Franco
Patricia Toral.............titiriteira e actriz
Chantal Franco.........titiriteira e actriz
Verónica R. Galán....Compositora e intérprete da música.
Teatro de sombras analóxico e artesán que emprega como linguaxe narrativa a imaxe proxectada e a música en directo.
On é un personaxe coa súa sombra alo que se acompaña na descuberta de paisaxes sonoros e inesperados avatares.
Pepino, Pepone e Pepuccia camiñan polo mundo debuxando no seu mapa os lugares por onde pasan. Estiveron en moitísimos países; o país das chuches, o país da música, o país das cores... e no país dos Mandóns... O seu paso por este país, coincidiu cun gran cambio.
Grazas a Clara, este lugar feo e triste, converteuse nun lugar bonito e feliz. Dende entón coñécese como O país da Igualdade.
Ghazafelhos adapta nunha obra de teatro tres contos da colección A Igualdade Conta de Edicións Embora.
O mar, no seu infinito murmurio trae consigo sons,lendas e tamén cancións.
Dende tempos inmemoriais o mar, ademais de ser unha inesgotable fonte de inspiración para debuxantes, músicos e poetas, agocha historias e aventuras de sereas, piratas e vellos mariñeiros.
A través dos contos e da música, utilizando monicreques, obxectos, instrumentos e por suposto moita imaxinación sumerxerémonos nun universo tan real como lendario, un mundo mariñeiro do que sabemos algunhas cousas e descoñecemos moitas outras.
Un mar que, por enriba de todo debemos coidar e respectar.
Nunha mañá soleada e primaveral, aínda que na tarde chovera un pouco, ao Rei dun reino o don da fala e da risa desapareceronlle.
O Rei non falaba, o rei non quería falar, tampouco quería rir. Os máis achegados ao rei, os asesores do reino e o pobo en xeral non sabían que facer… e pensaban, pasaron días, meses e case un ano, cando de súpeto xurdiu da néboa un bufón, ben, unha bufona, ofrecéndose para devolverlle o don da fala e da risa ao rei a cambio de case nada.
Chelo Garcia Naveira, máis coñecida como Nabiza Girl, é unha superheroína rural galega con denominación de orixe protexida. Os seus poderes proveñen do sulfato.
Espectáculo de humor da actriz Isabel Risco.
Adaptación ao Teatro de Sombras do conto de Michael Grejniec A que sabe a lúa? Título orixinal Wie schmeckt der Mond.
Jorge Rey-Ainternacional Teatro é unha compañía de teatro dirixida por Jorge Rey, director e dramaturgo arxentino que vive en Galicia desde finais dos anos setenta.
Nas ruinas dun Pazo perdido entre bosques e montes latexa a historia da pequena Brancaneves.
A Flop encántalle facer tortas e pasteis, pero o que máis lle gosta é comer as galletas que fai a súa nai. Ese día, ao ir coller unha, atopa unha nota: "Deixo estas galletas para a túa avoa. Son desas de chocolate que tanto che gustan. Non collas ningunha". Que non colla ningunha! Co ricas que están! E é que a Flop basta que lle digan que non a unha cousa, para que lle entren unhas irresistibles ganas de facela.
Autor e director: Diego Anido
Symon, cirurxián autodidacta de gran talento, nace 9 meses, 9 días e 16 horas despois da morte doutro Symon Pédícrí, o seu irmán e homónimo, con cuxa sombra se bate durante toda a súa vida.
Sabedor de que o seu outro eu tivo que morrer para que os seus pais o concibisen, chegou a aplicar o legado científico dos Pédícrí, antigos criadores de cabalos, sobre o seu propio corpo.
Luis explica as súas vivencias vitais como actor e a deriva que o ten levado a interpretar papeis de raro, de non moi listo e sempre de chungo. Farto da vida, da crise, de non ligar e sobre todo de todos este papeis de chungo… pódese afirmar que na súa carreira como actor perségueo o chunguismo, sen dúbida ningunha.
Esta progamación pode sufrir modificacións. Confirmar datas e horas nas propias salas onde se celebra.
