Este obradoiro de Espazos Sonoros ten como protagonista un instrumento en particular que, malia non acaparar un papel estelar en ningún momento concreto da historia da música, si gozou dunha presenza constante nela: a frauta de bico.
Da man de membros do equipo de catalogación dos órganos de Galicia, os participantes coñecen o esplendor do que foi o patrimonio organístico e musical de Monforte e ollar moi de preto, nunha oportunidade única, os órganos de Santa María da Régoa e San Vicente do Pino, hoxe tristemente silentes, pero que, aínda co paso do tempo, conservan inalterables o seu porte e nobreza.
A Biblioteca Histórica Marqués de Valdecilla, da Universidade Complutense de Madrid, acolle nos seus andeis unha pequena xoia do patrimonio musical galego e ibérico. Trátase dun manuscrito de 1594 dedicado ao cardeal arcebispo de Sevilla, Rodrigo de Castro, que contén unha misa e un motete a seis voces e, agochado no debuxo na portada, un canon tamén a seis voces.
Francesco da Firenze, máis coñecido como Francesco Landini, é un dos compositores italianos de maior sona do chamado trecento. Cego desde neno, Landini aprendeu a tocar diversos instrumentos, era cantor, escribía poesía e compoñía música. Tamén se ten noticia de que era un experto construtor de instrumentos musicais e de que tiña amplos coñecementos de filosofía e astronomía; unha especie de antecesor, en suma, do humanismo renacentista en pleno século XIV.
