As roldas pola paisaxe organística galega proseguen a súa andaina, na súa quinta edición de Espazos Sonoros, para visitar os órganos que se atopan ao longo da primeira etapa do Camiño Francés á súa entrada en Galicia, desde O Cebreiro ata Sarria, pasando por Samos. Trátase dos órganos do convento da Magdalena de Sarria, da importante abadía de Samos e da igrexa de Santa María a Real do Cebreiro.
Solo Voces
Dir. Fernando G. Jácome
Adrián Regueiro, órgano
Como remate á xornada de rolda pola paisaxe organística polo Camiño de Santiago, Espazos Sonoros organiza na igrexa de Santa María do Cebreiro, a escoita dun concerto a cargo de Solo Voces, unha das formacións vocais máis consolidadas do panorama musical galego acompañada do organista Adrián Regueiro.
Nesta xornada Espazos Sonoros achegarase aos confíns máis meridionais do país na desembocadura do Miño, fronteira natural entre Galicia e Portugal, nunha zona caracterizada por un microclima amable no que abondan, canda plantacións de kiwis ou mirabeis, plantacións de viñas produtoras dos apreciados viños do Rosal, que conviven con numerosas fortificacións militares transfronteirizas, xurdidas das guerras que enfrontaron a España e Portugal, e que configuran unha das arquitecturas militares máis interesantes do século XVII en Europa. A xornada permitirá un achegamento á cul
César Prata, voz, guitarras, violas, adufe, loops
Ariel Ninas, voz, zanfona, harmónica, loops
Ao noso paso pola comarca do Ribeiro, e como antesala o concerto que terá lugar no Museo Etnolóxico de Ribadavia, Espazos Sonoros propón unha ruta que sairá do propio museo para seguir o camiño á beira do río Avia. Camiñarase río abaixo ata a foz do Avia, no punto no que o río conflúe co Miño, pasando polo Muíño da Raíña e as Ínsuas, ata chegar a Porto Corbeira, un peirao coñecido popularmente como A Barca, pois alí collíase tradicionalmente unha embarcación que permitía cruzar ao outro lado do Miño.
Felisa Segade, voz e percusións tradicionais
Xosé Antón Ferreira, gaita, clarinete, voz e percusións
Estevo Lamas, acordeón, voz e percusións
Felisa Segade, Estevo Lamas e Xosé Antón Ferreira (Pepe de Calo), tres músicos de fonda traxectoria no eido da música tradicional, son os impulsores do proxecto Tres Pesos. Tres xeitos de facer, tres adictos á nosa música, tres caras da mesma moeda para Espazos Sonoros.
Con motivo do concerto inaugural, e para ir quentando motores para posteriores xornadas da programación, Espazos Sonoros propón unha primeira andaina pola fermosísima contorna da igrexa de Santiago de Cereixo, a carón do río Grande. A camiñada partirá da igrexa para continuar polo paseo fluvial cara a Ponte do Porto e seguir ata Carantoña, por unha paraxe de grande interese natural e paisaxístico caracterizada polo bosque de ribeira e abundantes elementos de interese etnográfico como os muíños que se atopan á beira do río.
Baixo este suxestivo título, o programa Espazos Sonoros fai un percorrido polas diferentes sonoridades vocais e instrumentais que se desenvolveron en Francia entre os séculos XII e XIV e trata de ilustrar musicalmente a metamorfose que, neste período, se produciu con respecto á concepción do amor humano.
Para iso, o repertorio escollido toma como punto de partida a obra dos trobadores, poetas-músicos orixinarios do sur de Francia, inventores dun novo tipo de lírica profana que axudaría a codificar as normas do denominado amor cortés.
A xornada de clausura do ciclo Espazos Sonoros, centrada na figura do gaiteiro de Campañó, Xan Tilve, enmárcase na celebración do Día das Letras Galegas dedicado este ano a Xosé Filgueira Valverde. Filgueira, que fora director do Museo de Pontevedra, foi sempre moi consciente do valor etnomusicolóxico dos seus fondos e, a comezos dos anos corenta, ordena e publica o Cancioneiro Musical de Galicia, compilado por Casto Sampedro.
Espazos Sonoros pasa por Bueu para dedicarlle unha xornada ao legado da familia dos Massó, non só desde un punto de vista industrial, senón tamén artístico e musical.
Para iso, proponse unha visita na que poder ollar, desde unha perspectiva diferente, a vila de Bueu a través do legado da familia de industriais Massó e da pegada do poliédrico artista galego, Urbano Lugrís.
