Espazos Sonoros

A xornada inclúe unha visita en barco e andainas pola illa de Sálvora, unha das menos coñecidas do Parque Nacional Marítimo Terrestre das Illas Atlánticas de Galicia. Actualmente despoboada, nela consérvanse restos do antigo poboado e distintas edificacións. Á volta, haberá un xantar conxunto e visita ao Quinteiro de Temperán, unha antiga casa labrega do século XVIII restaurada aos usos do século XIX, que funciona como centro de interpretación da vida rural daquel tempo. 

No marco do Quinteiro de Temperán, en O Grove (Pontevedra), unha casa de labranza reconstruída ao xeito do século XIX, a agrupación Marés realizará a primeira actuación deste ano do ciclo Espazos Sonoros, baixo o nome Iberian Crossroads. 

O espazo natural do Bidueiral de Montederramo está situado entre a Ribeira Sacra e o macizo central de Queixa-Manzaneda. Trátase dun conxunto boscoso dunha grande importancia ecolóxica, integrado na Rede Natura 2000. É un dos bosques de bidueiros con vexetación eurosiberiana que se atopa máis ao sur de Europa.

Nunha fin de semana dedicada á música para guitarra a través da súa evolución histórica, Espazos Sonoros convida a gozar, na tarde do domingo e previamente ao concerto do guitarrista Samuel Diz, dunha visita polo lendario castelo de Pambre, testemuña dos convulsos episodios que protagonizou a nobreza galega durante o século XV.

Paseando doña Silvana polo corredor arriba, tocando nunha guitarra cousa que ela ben sabía […].

Así documenta un romance, recollido no primeiro terzo do século XX polo musicólogo lucense Jesús Bal y Gay a poucos quilómetros de Palas de Rei, a presenza da guitarra na tradición popular galega, mención que inspiraría a única partitura para guitarra deste autor, unha pastoral de estética neoclásica dedicada a Regino Sainz de la Maza, guitarrista que percorrera xa daquela os escenarios de Galicia.

Florian Hasenburger, violín barroco

Wolfgang Heiler, fagot barroco

Daniel Oman, guitarra barroca

Martina Schobersberger, clave

Michael Oman, frautas de bico e dirección

Obras de Bertali, Mealli, Schmelzer, Biber e Froberger, entre outros

Susana de Lorenzo, canto

Alejo Amoedo, piano Abraham Cupeiro, gaita

A sexta das roldas pola paisaxe organística galega  de Espazos Sonoros conducirá os e as participantes, desta volta, a través do Camiño de Santiago do Norte, declarado ben integrante da lista do patrimonio mundial da Unesco en 2005, con paradas en Vilalba, Mondoñedo e Lourenzá.

“Parábase” é unha peza en sete partes que atende ao curso desas relacións especulares e á converxencia dos xestos asimétricos, una especie de construción antifonal sobre a dificultade de concibir calquera identidade. Foi creada especificamente por Pablo Seoane para Espazos Sonoros e para os órganos da igrexa de San Salvador de Lourezá.

Situado na localidade de Arcos da Condesa, no concello de Caldas de Reis, na vizosa comarca da Mahía, existe un taller de fundición de campás, único en Galicia e un dos últimos que quedan na Península Ibérica. Desde a súa creación, hai catro séculos, este taller traballa seguindo o mesmo método artesanal que empregaron os seus antepasados.