A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Odaiko presenta Ritmo do camiño baseado nos tres pilares do folclore, PERCUSIÓN, DANZA E VOZ; tres elementos abrazados da contemporaneirade e da frescura que Odaiko aporta o panorama musical.
Partindo da base de catro Licenciados en Percusión clásica e de grandes representantes da danza como son Nova Galega de Danza, nas gaitas acompañáronnos nestes 15 anos, Budiño e Anxo Lorenzo, nas voces Guadi Galego e Xiana Lastra....
MERGULLA NO FONDO MARIÑO.
Pompeiras, mergulladores, peces e unha chea de especies do océano chegan ás rúas: Ou SÉQUITO DO CAPITÁN NEMO.
Sinopse: O Consello Municipal está reunido para determiñar se o pago do rescate da bibliotecaria municipal debería figurar como gasto de persoal ou como un gasto do fondo de Cultura... Un brote de varicela entre a banda de secuestradores complica ainda máis as cousas: poucas persoas quedan ben con granos na cara pero para uns ladróns resulta desastroso. O inxenio e o corazón da bibliotecaria raptada fará virar os acontecementos e traerá novidades importantes para a Biblioteca Municipal e para as vidas dos terribles secuestradores.
O que levamos nas maletas é un percorrido musical e lúdico centrado nas últimas cancions de Magín Blanco. Das súas maletas van aparecendo elementos ( titeres, libros, bonecos, ferramentas, instrumentos de percusion etc..) que introducen cada canción e convidan a interactuar nesta achega para convertila nunha festa onde todos poidamos sentirnos integrados e participes.
Gran espectáculo de maxia infantil-familar cos mellores magos e magas de España.
O Mago Paco reune os mellores magos infantís de España para facer un dos mellores espectáculos de maxia adicado o público infantil-familiar que poidas chegar a ver.
Un gran evento máxico que encherá a vila de ilusión, risas, abraios e moita moitas sorpresas.
Sumérxete no mundo da fantasia e deixa ceive a túa imaxinación. Volve a converterte nun neno ou nena e verás que todo é posible da man destes artistas do ilusionismo.
Non verás nada igual!!!
Elenco artístico: Darío Escudero, Miguel A Otero, Juan Collazo, Joaquín Rodríguez e Antonio Ocampo
A partir dunha escenografía impactante feita en galicia por Hipia Celta Cia. e musicado por Odaiko surxe este espectáculo creado para a Animación de calquera vila galega donde a Maxia, a música e o circo fan del un especáculo único.
Espectáculo de nova creación, no formato de teatro itinerante e animación de rúa, ambientado na Europa do Leste de principios do Siglo XX.
Esta é a historia dun destista dos Cárpatos ambulante, que percorre co seu carromato as vilas en busca de pacientes para a súa consulta; a través de xiros inesperados da historia e utilizando diferentes técnicas ( clown , música en directo, maxia, títeres ) coñeceremos o seu curioso pasado, e descubriranos unha nova historia totalmente inesperada, cun final sorprendente.
O espectáculo “O Cego na Feira” trata de recrear esas “actuacións” que facían estes personaxes polos pobos e aldeas galegas. Oli Xiráldez como Cego e Gustavo Couto como Lazarillo, interpretan romances, crimes, mitos e historias recollidas na nosa tradición pero van un pouco máis lonxe. Aportan un toque de humor ao que foi este duro oficio na antigüidade, e crean novas historias con temas actuais que por desgraza nunca pasan de moda; tales como a política, a nova emigración etc, pero sempre dende o punto de vista irónico e sarcástico da vida.
“Frear o momento” é o quinto traballo discográfico de Ith. Os oito temas que o conforman beben da creatividade dos últimos dous anos. Fieis ao puro estilo da música rock, as composicións tratan temas ben diversos entre si, mais todos xiran arredor dun eixo común: a reflexión.
Un espectáculo de danza-teatro e cabaré pensado para prazas e escenarios en aberto.
Plenamente evocador. Unha viaxe polas emocións, o arte e a música que recrea as vangardas e movementos políticos de principios do século XX."
Un espectáculo de escenario que nos traslada a principios do século XX, a un periodo marcado pola guerra e a aparición das primeiras vangardas. Innovador, cunha estética "vintage", e unha fórmula escénica que crea imaxes evocadoras e emocionantes entroncadas co aspecto cinematográfico.
