Cultura no Camiño

Estabades agardando por unha gran festa e por fin chegou! Chega... PEQUE DISCO MOC MOC!!!

Convertiremos nunha auténtica disco móbil circense infantil todo espazo ó que levemos este espectáculo.

O espectáculo transcorre sobre as diferentes etapas da vida e todo o que nela ocorre, coas súas cousas positivas e as súas cousas negativas, desde a infancia ata a vellez. Pero máis aló do entretemento, gustaríame lograr que o espectador poida levar algo diferente. Creo firmemente que o poder chegar a tocar as emocións é máis difícil, pero tamén cala máis profundo. Ao final, como dicía Abraham Lincoln, o que importa non son os anos de vida, senón a vida dos anos, e na Vida Mesma o que máis importa é que goces do espectáculo, teñas a idade que teñas.

Unha obra máxica con ilusións sen azucre industrial, conservantes nin colorantes, realizado por un ilusionista da morea,... do montón, mais do montón bo.

Espectáculo de ilusionismo sen edulcorar, humor e participación da concorrencia, composto en "clave de fa": fabuloso, fascinante e fantástico, nun proceso artesanal arrufado cara o imaxinario.

Un cambio de look para todos os públicos.
Un xeito de ver as cousas dende outro punto de vista, unha visión de como adaptarse para seguir sobrevivindo. Unha barbería itinerante que non ten lugar físico concreto. Adapta o seu traballo ó tipo de público e ó espazo onde se atope.
Calquer lugar, transformarase nun espazo onde o circo, a maxia e todas as cousas que saian da nosa imaxinación teñen cabida. Él mesmo aprenderá que cos soños calquera pode facer o que se propoña. E o que era un simple barbeiro, vaise transformar en todo un artista.

O Baúl do Mago e espectáculo Unipersoal.

"Camino y en mis adentros las

palabras caminan tambíen, en busca

de otras palabras,para contar las

historias que ellas quieran contar  (...)

Las palabras caminan latiendo..."

Eduardo Galeano

Despois de 29 anos percorrendo os camiños do mundo, o mago Teto presenta o seu espectáculo máis persoal.

Manuela lembra historias e cancións de xuventude da súa avoa e da súa vida na aldea.

Os tempos cambiaron, quizáis demasiado rápido nalgúns aspectos, pero non o suficiente noutros.

Manuela e a súa avoa teñen un plan: van rescribir o final das súas historias, onde a partir de agora, todas as voces conten

A través deste espectáculo reflexionaremos sobre o paso do tempo, a igualdade de xénero, o rural e a atención á terceira idade.

Isla Le triska presenta este delirante espectáculo no cal combina disciplinas de Novo Circo: malabares, pallaso, equilibrios... con excentricidades e xogos co público.

Un personaxe eléctrico e moi tolo sorprenderá a todos realizando proezas como: malabares incribles, memorizar centos de nomes, darlles novos usos a obxectos cotiás, pelexar co público ou converter a un neno nun grande artista de circo. Habilidade, perspicacia, velocidade mental e sobretodo tontería, moita tontería.

Pequenos e grandes sacarán ó tolo que levan dentro.

Rejhuz e Glakghs Setén son dous pequenos diaños, os fillos ni-ni de Satanás. O seu pai, canso destes dous inútiles, decidiu botalos do inferno para que aprendan a gaña-lo mal eles mesmos. 

Rejhuz, o mais grande, é un ególatra petulante que inventou un dispositivo para conseguir almas e demostrarlle ao seu pai que é un digno herdeiro. Xunto á súa irmá Glakghs, unha completa imbécil que o segue a todas partes, chegan á Terra dispostos a dominar á humanidade pero... que atoparán? Son realmente estes dous "pobres diaños" tan intelixentes como presumen? 

UN SACO DE CONTOS é un espectáculo de narración oral composto por unha selección variada de contos con temática variada adaptable ao público infantil de distintas idades.

Os contos contados nesta sesión saen dun saco máxico cargado de historias que, libremente, vai regalando a cambio de recitados, trabalinguas, cantos, adiviñas...