Teatro

Un home parado diante dun semáforo en vermello queda cego de súpeto. É o primeiro caso dunha cegueira branca que se expande de xeito fulminante. Internados en cuarentena ou perdidos na cidade, os cegos terán que enfrontarse co que existe de primitivo na natureza humana: A vontade de sobrevivir a calquera prezo.

Nun mundo así, haberá esperanza? Con todo, cabe a posibilidade de que homes e mulleres se rediman pola práctica da lei, da solidariedade, da moral e da ética.

Sarabela Teatro adapta esta afamada e coñecida novela do Premio Nobel de Literatura José Saramago.

Sinopse: Chega o Nadal a Santiago de Compostela, e con el  as panxoliñas, o turrón, as pagas extras e o tradicional rapto do Neno Xesús do Belén. Nestas datas ninguén debería cear só en Noiteboa e por iso Mariví,unha entrañable xubilada, contrata a dous profesionais para que lle fagan compaña. Arturo, unha vella gloria con delirios de grandeza, é un asiduo nas festas de Mariví. Pero para Nico, un estudante con escasos recursos, é a primeira vez. Para todos, esta Noiteboa será difícil de esquecer. 

En Olivia y Eugenio, nai e fillo enfrontan unha situación extrema onde se cuestionan valores que xorden en tempo de crises. A traxedia achégase irremediablemente a Olivia, que rememora o seu pasado facendo un sincero axuste de contas co seu marido, nai, amizades, médicos, e con todos aqueles que presumen de ser normais, como políticos, profesionais e deportistas con éxito. Sobre eles Olivia exponse se son máis normais que o seu fillo Eugenio, un mozo con síndrome de Down.

Protagonizada por Concha Velasco, Rodrigo Raimondi e Hugo Aritmendiz.

É un día de agosto de 1912 na casa de James Tyrone, célebre autor de teatro, rodeado da súa esposa e dos seus dous fillos. O que comeza como unha plácida xornada de veraneo na casa a carón do mar convértese pouco a pouco nun combate descarnado a medida que os demos familiares saen á luz. Unha loita sen cuartel de catro seres humanos fascinantes, condenados a vivir xuntos mentres tratan de reavivar os rescaldos do amor pasado mentres cae a noite...

España, século XXI. Tres mulleres xoves agardan a ser atendidas na sala de espera do xinecólogo. Mentres Lucía (Déborah Vukusic) desexa quedarse urxentemente embarazada do seu mozo de toda a vida antes de cumprir os 30; Ada (Rocío Romero) aborrece ós nenos e opta por combinar varios métodos anticonceptivos xa que o único que pretende sacar á luz son as súas alerxias vaxinais; Verónica (Arantxa Treus), embarazada de oito meses, destripa as súas emocionantes aventuras sexuais que darán lugar a un inesperado final onde os principios, coma os condóns, tamén rompen.

Moncho Borrajo asume esta peza como peche da triloxía que empezou hai catro anos, despois da súa volta aos escenarios. A primeira montaxe foi: Golfus Hispánicus e a reflexión do monólogo de Marco Antonio e Julio César e a súa relación co autónomo; no segundo encontrou a inspiración no manifesto que escribiu Quevedo a Felipe IV amosándolle o seu descontento xeral e así naceu: Yo, Quevedo.

Todo acontece nunha luxosa casa de casa campo clónica inscrita nunha urbanización de nivel alto. Ao dono parece que lle vai ben na vida: é alto funcionario do estado, e recibe a visita de fin de semana do seu máis estreito colaborador, un trepa que ven para mostrar a súa nova esposa, un símbolo de status económico. Os quiméricos inquilinos complétanse co fillo dos propietarios, grande demais para que lle muden os cueiros, e unha aupair sueca que non lle importa facerllo.

Viva el Cuponazo é un sainete escrito por Rafael Mendizábal no que o autor relata as aventuras e desventuras de Angustias e Calixto, un matrimonio que vive nun barrio de chabolas. Ao longo dos dous actos recibirán a visita de "falsos ionkis", atracadores a domicilio e ata da deusa fortuna.

Duración aproximada 90 minutos.

Kassa é un espectáculo de teatro visual que se desenvolve ao redor dos principios da escultura. A estrutura escenográfica, os actores, os bailaríns e as videoproxeccións constitúen un organismo vivo en constante movemento e transformación que comunica a través dos sons, dos obxectos, das cores, das formas, das luces e dos textos.

Tras enviar as súas esposas a un chalé da serra, dous amigos planean unha fin de semana de troula con dúas señoritas de "vida alegre". A situación complícase cando comezan a aparecer cadáveres no salón da casa; por outra parte, as esposas, a metade de camiño, danse conta de que esqueceron na casa as chaves do chalé e non teñen máis remedio que volver para recollelas.