Teatro

Pizpireta é unha gran contadora de contos e sempre vai acompañada do seu gran baúl máxico, só coa axuda dos máis pequenos conseguirá abrilo para que poidan saír todas as historias.

Trátase de historias interactivas acompañadas dos diferente elementos que Pizpireta vai sacando do seu baúl a modo de monicreques, complementos para caracterizar aos nenos e nenas de personaxes de conto e algún que outro elemento máxico.

Este espectáculo forma parte de Cultura no Camiño.

Quico Cadaval e Mofa & Befa

Evaristo Calvo e Víctor Mosqueira

Nestes tempos nos que os artistas son reclamados para traballar a prol das máis variadas causas, Mofa & Befa lanzan o espectáculo máis portatil da súa historia.

'O que hai que ver!' é unha combinacion dalgúns do mellores sketchs da historia de Fulano, Mengano e Citano, con outros de nova creación aos que se lle engaden unha serie de cancións orixinais cargadas de ironía, que crean, en conxunto, un 'todo' variado, dinámico e sorprendente, seguindo a liña de humor que caracteriza á Compañia.

En ¡Canta connosco! combínanse as cancións do disco do mesmo nome con accións dramáticas. Os temas que se tratan entre outros son: o coidado das mascotas; o consumismo na compra de xoguetes; a lectura como pracer fronte á TV e ós videoxogos; a importancia da imaxinación; o xogo do teatro; cancións que axudan a estudar; etc.

Os temas do disco que se interpretan neste espectáculo son: "Dime que fixeches", "O esqueleto", "O libro máxico", e "Ai, Patín".

“Vai ser boa!”é un espectáculo baseado no libro-disco “Pan de millo”, editado pola Editorial Kalandraka e coa produción musical a cargo de Paulo Nogueira e Magoia Bodega, do grupo Treixadura.

Gonçalo Guerreiro mestura os contos de sempre para crear unha nova historia na que conviven o cómico e o poético co teatro xestual e a música.
 
Un espectáculo interactivo, onde as figuras feitas en cartón cobran vida e onde os cativos poden entrar na casa da avoa dos contos para escoitar as súas historias.

Espectáculo que formar parte da programación Cultura no Camiño que leva música, danza, teatro, novo circo e maxia polos concellos onde discorren as rutas xacobeas.

Historias de Vida, Amor, Guerra e case Morte é unha fermosa proposta a medio camiño entre a narración oral e o teatro con música ao vivo.

Ao longo de varias historias recollidas de experiencias reais, Dabopapipa cóntanos historias dos nosos maiores que reflicten dun xeito agarimoso e divertido a realidade na que vivían.
 
Historias de amor, de emigración, de reclusión, guerra e amor contadas desde a tenrura e a emoción nunha proposta que arranca bágoas, lembranzas e sorrisos.

Luís Igrexas e Xabier Deive soben ao escenario para reflexionar sobre unha cuestión simple, sinxela, do máis mundana, unha cuestión que é tan vulgar que lle acontece a calquera, mesmo a un ninguén: A existencia! Esa é a cuestión e non ou outra.
 
A filosofía proclama iso de que un ser humano "pensa, logo existe", pero,... de verdade facemos unha cousa antes ca outra?

No día do seu aniversario, Carmiña Miudiña inicia unha fantástica viaxe. Carmiña é unha pinga de auga pequerrechiña, moi miudiña, de cor azul pero cun sorriso moi grande. Vive nunha nube gris alá no alto do ceo, nunha casiña en forma de botella de auga con toda a súa familia.
 

Autoría e adaptación: Laura Sarasola e Juan Rodríguez
Elenco: Suso Jalda e Juan Rodríguez
 
Caramuxo teatro presenta unha adaptación do conto clásico Xan e as fabas máxicas nunha clave máis contemporanea, misturando o teatro de actor e monicreques.
Sinopse: Xan e a súa avoa vivían nunha pequena casa co único que tiñan, unha vella vaca chamada Flora que xa non daba leite. Un día Xan cambiará á súa amiga Flora por unha fabas moi especiais e ahí comezará unha fantástica aventura...