A libraría Huargo Artis, en Bertamiráns, acolle a presentación do novo libro do escritor Francisco Fernández Naval e do ilustrador Manolo Figueiras, publicado por Kalandraka, Os contos da avoa Pepa. O texto fala da perda da memoria e recupera a Galicia rural de antano. No relato están presentes as historias que pasaban de xeración en xeración, dende os contos de fórmula e os xogos tradicionais, ata as adiviñas, as cantigas ou as fábulas.
A poeta Yolanda Castaño e os ilustradores Fran Bueno e Dani Xove falarán la libraría Chan de Pólvora do proceso de creación do libro de poesía ilustrado O puño e a letra, que acaba de publicar Xerais e que se encadra no cómic poético.
A libraría Couceiro acolle a presentación de As nosas letras de Muller a Muller, un percorrido polo día das Letras Galegas e os autores homenaxeados que pon en valor ás escritoras galegas homenaxeadas nas diferentes edicións da xornada. O libro conta con ilustracións da artista compostelá Mareiras e con textos de Ánxela Lema París. A presentación do libro contará coa presenza do profesor Juan M. Monterroso e do crítico literario Armando Requeixo.
Presentación do cómic Elige tu propia avenTira, de F.G.G. Francisco.
A librería Sisargas acolle a presentación de O bestiario científico de Anxos Nogueirosa, de Antonio Manuel Fraga. O libro é premio María Victoria Moreno de Literatura Xuvenil. Acompañarán ao autor a tamén escritora Eli Ríos e a editora Andrea Jamardo.
A novela, ambientada en 1933, segue a Suso, un rapaz obrigado pola mala saúde a pasar o verán nas colonias do Sanatorio Marítimo de Oza, e que descubre un libro especial na viaxe en tren ao sanatorio.
Trátase dun libro de viñetas cuxa protagonista é Dina Mita, unha nena de 9 anos irónica e irreverente que mira con ollo inxenuos, á vez que críticos, a sociedade na que vivimos.
Jaime Burque leva practicando a filmoterapia dende 2004 na súa consulta de A Coruña. Incorpora o cine como ferramenta para chegar á esencia dos problemas das persoas pacientes. Longametraxes coma Qué bello es vivir, Billy Elliot ou Gran Torino convértense en aliados para entrar na mente da persoa.
A biblioteca cede o espazo a Luis Vallecillo e Celtia Figueiras para a presentación da nova editorial Guindastre, que ten como obxectivos o público familiar, a formación en valores inclusivos e o fomento da lectura.
A continuación, nunha actuación dan a coñecer os seus dous primeiros títulos, Cantamos? e U-la Lúa?.
No salón de actos. Entrada libre ata completar capacidade da sala.
Este venres ás 20:15 h, terá lugar no Café Cercano de Ourense (rúa Cardeal Quevedo nº 20) a presentación do libro Camino de Santiago. Guion para una película, de Ramón Otero Pedrayo.
O guión foi un encargo de José Rodríguez de Vicente para a produtora Suevia Films, de Cesáreo González. O autor traballou no guión no outono de 1952, e estaba previsto iniciar a rodaxe en abril de 1953 baixo a revisión de Juan de Orduña, co obxecto de ter listo o filme para o Ano Santo de 1954. O filme non chegou a rodarse, posiblemente polas dificultades técnicas para levalo a cabo.
O poeta Luís Valle presenta o seu libro Para que eu beba, editado a finais de 2017 pola editorial Barbantesa.
"Unha voz lírica celebra, nestes poemas-menhir, ritos de vida e de morte, enxuga a lingua e entréganos a palabra esencial: luz, auga, pedra, paxaro".
