Obradoiro

Empezaremos o obradoiro cunha explicación, realizada sobre unha selección de plantas que axudan a rexenerar o aire e manter a humidade - tales como suculentas, fieitos e plantas de baixo mantemento -d e como contribúen á sostibilidade do microecosistema.

A continuación, realizaremos a montaxe do ecosistema na ecocápsula e plantaremos as especies no seu interior. Incluiremos outros elementos naturais que contribúan á estabilidade do ecosistema, como rochas para conservar a humidade e recipientes de auga.

Neste obradoiro aprenderemos sobre ciencia e tecnoloxía mentres nos divertimos, ademais de reflexionar sobre a importancia de reutilizar, reciclar e coidar o medio ambiente.

Construiremos robots cos compoñentes técnicos necesarios e, ademais, con materiais reciclados. Todo pode cobrar vida cun toque creativo.

Cada robot será único, feito con materiais que atoparemos na biblioteca para darlles unha segunda oportunidade. A medida que avancemos, experimentaremos con diferentes deseños, inventaremos novas formas de movemento e deixaremos voar o maxín.

PRAZAS ESGOTADAS. FORMULARIO PECHADO.

As e os participantes do obradoiro aprenderán a técnica de encadernación xaponesa. 

A partir de 18 anos

3 sesións: martes 11, mércores 12  e xoves 13 de novembro de 18:00 a 19:30 h.

15 prazas

Cres que educar e coidar é un reto que se aprende día a día?

Un sábado ao mes abrimos un espazo para pais e nais que queren reflexionar, aprender e compartir sobre igualdade, corresponsabilidade e coidado en familia.

O primeiro deles será "Responsabilidade ou correspondencia" 

Falaremos das diferenzas entre ser responsable e corresponsable, e de como repartir as tarefas e decisións no fogar de forma equilibrada. Un encontro para pensar, dialogar e construír familias máis xustas e conscientes.

PRAZAS ESGOTADAS. FORMULARIO PECHADO.

Palitroques é un obradoiro de arquitectura e xeometría aplicada, desenvolvido a partir dun recurso didáctico que se basea nun sistema construtivo de barras e unións para a montaxe de figuras e estruturas. 

Desenvólvese nun formato de xogo en equipo, no que se deberán superar diversos retos nun tempo determinado, como nunha xincana construtiva. 

Público infantil de 6 a 12 anos

Espazo de obradoiros da Biblioteca

2 quendas:

Quenda 1: 11:00-12:00 h.

PRAZAS ESGOTADAS. FORMULARIOS PECHADOS.

É posible construír con aire?

Pódese vivir dentro dunha nube? 

Neste obradoiro proponse aprender a construír nubes a través da tecnoloxía da arquitectura inflable. 

Orixinal obradoiro que consistirá na construción do inflable pero tamén na experimentación do seu espazo interior. 

Público infantil de 6 a 12 anos

Espazo de obradoiros da Biblioteca

2 quendas:

Quenda 1: 11:00-12:00 h.

Quenda 2: 12:00-13:00 h.

15 prazas por quenda

PRAZAS ESGOTADAS. FORMULARIOS PECHADOS.

O obxectivo da actividade é familiarizar aos participantes coas disciplinas STEAM, en concreto coa robótica, na resolución de problemas e na execución de proxectos para nenas e nenos entre 6 e 12 anos, fomentando así o gusto e a curiosidade pola ciencia e a tecnoloxía. 

A actividade consistirá en construír e programar por bloques un robot, empregándose unha metodoloxía activa na que os/as participantes resolverán un reto empregando o material facilitado. 

Público infantil de 6 a 12 anos

PRAZAS ESGOTADAS. FORMULARIOS PECHADOS.

A ciencia proporciona as ferramentas necesarias para comprender mellor o mundo que nos rodea. Fomenta a curiosidade e o sentido crítico. Lanza luz sobre a relación entre os seres humanos e a natureza, e lémbranos que os recursos naturais non son ilimitados. 

Actividade interactiva onde se farán experimentos científicos que todos os participantes poden levar a cabo, espertando o seu interese pola ciencia e a investigación. 

Público infantil de 6 a 12 anos

Espazo de obradoiros da Biblioteca

Novo obradoiro no Museo do Castro de Viladonga. Desta volta, para aprender a relatar memorias pasadas e presentes de forma gráfica, con debuxos e palabras. Para iso, interactuarase coas pezas, co castro e coas persoas asistentes. Guiado por Adela Vázquez Veiga.

Está pensado para público de todas as idades, co obxectivo de coñecer técnicas de relato gráfico, empregar esas técnicas para relatar lugares e situacións e compartir os relatos nunha posta en común.

A inscrición pódese realizar no teléfono 982 870 160, e será por orde de inscrición.

Crearemos unha escola de auténticas/os exploradoras/es  que deberán superar unha serie de obstáculos para sobrevivir a unha aventura na xungla. Que facer para soportar a calor máis abrasadora e o frío máis intenso? Como enfrontarnos aos animais perigosos? ... etc

Aprenderemos unha chea de trucos para sobrevivir nas situacións máis adversas.Tamén coñeceremos a historia das/os exploradoras/es máis destacadas/os, as cidades perdidas, tribos estrañas, civilizacións desaparecidas…

Explorania será unha aventura inesquecible!

Data e hora: venres, 7 de novembro ás 18:00