Exposición

A exposición "Ksado. Iconas de Galicia" afonda na historia da fotografía galega da man do autor Luis Casado e recolle arredor de 300 pezas entre fotografías, postais, cromos e material fotográfico.

Esta mostra ofrece a oportunidade de facer un percorrido dun cuarto de século a través dunha selección das obras procedentes das mostras temporais e organízase atendendo aos diferentes programas expositivos que o centro foi configurando. Porque as exposicións son efémeras (volant), pero os fondos permanecen (manent).
Conta con 117 pezas de máis de 50 artistas que integraron no seu día as mostras expositivas que acolleu o museo ao longo destes anos, como «Peregrinacións do mundo», «As outras peregrinacións» ou «Patrimonio e Camiño».

Unha das partes máis importantes do museo é tamén unha das máis descoñecidas: os almacéns. Neles consérvase a colección do Museo Etnolóxico, unha colección en continuo crecemento e cunha grande variedade de pezas. A natureza propia do museo non permite expor nas salas todo o patrimonio que pasa a formar parte da colección, ben por espazo, tempo ou discurso expositivo. É por iso que naceu “BEN(S)VIDOS”, un proxecto expositivo no que se lle da lugar a pezas que pasan a formar parte da colección e que esperaban ser expostas nas salas do museo.

Entre as actividades culturais que se van celebrar no ciclo Folk na Beira do Sar, inaugurase a exposición fotográfica "A Ras do Sar", con 64 instantáneas de 32 membros do colectivo Fotoforum Compostela que poñen en valor as distintas identidades deste barrio compostelán.

Na procura dunha maior visibilidade a un oficio a piques de desaparecer, e que formou parte da vida cotiá de toda Galicia, o Museo do Castro de Viladonga ven de organizar o “III Encontro Internacional de Cestería no Camiño”, tras a grande aceptación dos encontros anteriores, e consolidando xa unha liña de encontro no Conxunto Etnográfico das Pallozas do Cebreiro con cesteiros e cesteiras de diferentes procedencias, creando un espazo no que comparten e difunden coñecementos ao mesmo tempo que mostrar os seus traballos ao numeroso público que visita este conxunto, entrada en Galicia do Camiño

Mostra bibliográfica que reúne as novelas finalistas da XVIII edición do Premio de Novela Casino de Santiago:

• Coa man esquerda de Xabier Quiroga. Xerais 
• La nieta de Bernhard Schlink. Anagrama
• Las despedidas de Jacobo Bergareche. Libros del Asteroide
• Las singularidades de John Banville. Alfaguara
• Los reyes de la casa de Delphine de Vigan. Anagrama

Na primavera de 2025 abrirase o periodo de votación.

No segundo andar. Pode visitarse durante o horario de apertura da biblioteca.

De eso no nos vamos a ocupar ahora (Aunque no quita que le demos un par de vueltas más adelante) é unha exposición de Andrés Michelena con Roc Laseca.

Que é literatura africana, en que lingua ven escrita, que asuntos trata? Quen son os escritores africanos? Onde residen e de que cor é a súa pel?.

Abdelaziz Báraka Sakin, pregúntase se “dado que non existe idioma algún que podamos chamar ‘lingua africana’ senón milleiros de linguas locais, cabe preguntarse se a literatura africana é calquera que veña escrita nalgunha de elas”, Para terminar concluíndo que “as letras non poden adscribirse a ningunha nación ou pobo, senón que portan simplemente a identidade de cada autor”.

A Galería Metro presenta a segunda exposición de Paula Vincenti. A inquietude da artista pola procura de respostas segue, e lévaa a propoñernos que quizais non é suficiente expornos preguntas críticas sobre a nosa identidade, senón que ese “eu son así” se constrúe explorando a relación entre o pasado e o futuro, tomando conciencia das oportunidades que ofrece o presente para levar a cabo ese necesario cambio de rumbo, esa viraxe cara a unha sociedade con menos ruído, mais introspectiva, menos egocéntrica…
 

O Presente Futuro da artista Rut Massó coñecida polo seu enfoque innovador e a súa habilidade para fusionar diferentes técnicas artísticas, ofrecerá aos asistentes unha proposta expositiva que convida a unha reflexión profunda sobre a temporalidade e a existencia.
A formulación de Massó de crear paisaxes que visualizan a súa propia orixe leva ao espectador a un bucle de tempo no que diferentes perspectivas temporais fúndense entre si.