Exposición

Esta exposición parte de revisitar o proxecto plástico e vital do artista Paco Pestana, a través dunha aposta expositiva que xira arredor de obras,  documentación e outros elementos do artista, que se atopan en coleccións particulares tentando amosar a intensa personalidade deste artista nun percorrido pola arte e través da amizade. Non se trata dunha exposición antolóxica  senón dun roteiro emocional por pezas de persoas que compartiron amizade, traballo, experiencias ou proxectos co artista.
 

En xaneiro de 2024 cúmprense 25 anos do finamento de Gonzalo Torrente Ballester (Serantes, 1910 – Salamanca 1999). Como arranque das actividades que se preparan dende a Fundación Gonzalo Torrente Ballester, xa está na súa sede da rúa do Vilar "GTB ilustrado", exposición na que se reúnen obras de artistas que ilustraron as primeiras edicións dos libros de GTB, ou que as realizaron posteriormente, a partir da súa lectura.

O Museo de Belas Artes da Coruña presenta un innovador proxecto expositivo no que o uso da tecnoloxía dixital transfórmase nun instrumento efectivo para alcanzar públicos máis amplos, creando novas vías para o seu acceso, coñecemento e deleite a través dos contidos.

O ciclo Lecturas que danzan está formado por dúas  exposicións: Bailarinas antifascistas e El cuerpo danzante a través de narrativas pasadas y futuras.
Ámbalas dúas estarán no vestíbulo do 1 ao 29 de febreiro e no salón de actos do 1 ao 20 de marzo. Poden visitarse durante o horario de apertura da biblioteca.

A exposición internacional Unha vida viquinga é un dos proxectos máis destacados da programación da Cidade da Cultura para 2024. Comprende arredor de 120 pezas, das que un centenar proceden de fóra de España e pertencen a museos de historia e arqueoloxía de referencia en Europa arredor da cultura viquinga, entre eles catro museos nacionais e unha biblioteca nacional. Está comisariada pola doutora en Estudos Escandinavos pola Universidade de Aberdeen, investigadora e especialista na Idade Viquinga, Irene García Losquiño.

Acompañamos o ciclo Lecturas que danzan cunha selección de libros e audiovisuais sobre danza para adentrarse neste mundo ou profundizar sobre certos temas relacionados con esta disciplina.

Pode visitarse no 2º andar da biblioteca durante o horario de apertura.

Porque cada ano desaparecen espectadores das programacións de artes escénicas, Branca Novoneyra e Isabel Cuesta decidiron organizar este ciclo de lecturas na biblioteca para divulgar a arte do movemento entre persoas interesadas na lectura e na danza.

Durante catro sesións empregarán documentos textuais e visuais para convocar a presenza da danza na biblioteca. Lerán textos escollidos que relacionan a arte viva conectada con diferentes manifestacións de diversos eidos como son o activismo, a saúde, a filosofía e a espiritualidade. 

Javier Arce presenta na Fundación DIDAC unha serie de obras pintadas ao óleo sobre liño tensado sobre estruturas de madeira natural de freixo, abeleira, carballo ou eucalipto, convertendo o marco en algo irregular e orgánico que se contrapón á austeridade minimalista habitual na pintura. 

Con relevantes traxectorias individuais Concha Jerez (Las Palmas de Gran Canaria, 1941) e José Iges (Madrid, 1951) desenvolveron de forma paralela, desde hai máis de tres décadas, unha produción común que se contamina e se enriquece na diferenza das súas respectivas linguaxes. A partir do concepto de resignificación, esta mostra conxunta reúne obras realizadas entre 1989 e 2023. Baixo esta idea, o que Iges e Jerez propoñen é, nas súas propias palabras, “unha operación que permite asignarlles a un obxecto, a un medio ou a unha situación calidades ata ese momento inesperadas, imprevistas”.

Enrique Labarta Pose, nado en Baio (Zas), foi escritor e xornalista. Como escritor abarcou poesía, narrativa e teatro, destacando especialmente polos seus contos humorísticos e as súas poesías, tanto líricas como satíricas.