Espazo de encontro para tres obras. Número corto que contén outros números.
Dous conxuntos grupais. Están integrados por trinta e oito elementos que nos suxiren a densidade como idea vertebral da mostra.
Segundo o autor, a disposición das figuras xera “a atmosfera propicia para conducir a mirada sobre un itinerario de máxima aproximación a todo o que pode conmover e dar sentido á inevitable reunión de autor, obra, espectador”.
A tipografía é a arte e a técnica no manexo e na selección de tipos para crear traballos de impresión.
Durante séculos a tipografía converteuse no medio polo que a cultura escrita nos chega a través de sutís trazos e case imperceptibles variacións en liñas, tamaños, grosores e equilibrios.
Esas creacións artísticas consérvanse agochadas nos máis fermosos libros que saíron das prensas.
A imprenta pouco a pouco vai converterse nunha arte en por si. Son os seus estilos e son as súas formas as que van definir os primeiros tipos de letras utilizados polos impresores.
Esta mostra fai un repaso á literatura infantil e xuvenil escrita en lingua galega durante o último século: desde o ano 1922, cando se publica, co pulo de Ramón Cabanillas, a revista infantil «As Roladas», e tamén os primeiros contos, ata os títulos máis actuais.
Supón un recoñecementos a todos eses autores que introduciron a nosa lingua nun xénero ata o momento alleo.
Empezamos abril co Día do libro infantil e xuvenil que se conmemora cada 2 de abril desde 1805 e, para celebralo durante todo o mes, temos preparada na sala infantil unha mostra bibliográfica que percorre os 100 anos de historia do libro infantil e xuvenil en galego como complemento á exposición "Unha árbore de historias" que está instalada no vestíbulo.
Podedes visitar esta mostra na sala infantil do 2 ao 30 de abril no horario de apertura da biblioteca.
Os coleccionistas de formas é a primeira exposición individual de Vicente Blanco en Lugo coa que presenta unha colección de debuxos que xorden da observación da súa contorna inmediata: as zonas rurais de Galiza, onde as tradicións, a arquitectura, a paisaxe e a lingua estanse a esvaecer absorbidas polos modelos neoliberais que priorizan o luxo e o exotismo.
Reunimos ata 100 libros breves pensados para ler en pouco tempo, obras que poden ser un excelente punto de partida para novos lectores e lectoras e un recurso de gran utilidade para lectores máis experimentados que non dispoñan de tempo suficiente para desfrutar da lectura.
A mostra estará dispoñible no 2º andar dende o 3 de abril ata o 31 de maio.
A biblioteca acolle esta exposición organizada pola Biblioteca de Galicia e comisariada pola especialista en literatura infantil e xuvenil Montse Pena Presas.
En palabras de Antonio Murado: "O que pinto últimamente centrase no protagonismo da figura e cómo ésta ocupa o espazo no cadro. Tomo como punto de partida a tradición dos iconos ortodoxos en Bizancio e a pintura mural do protorenacemento no que xa deixou de ser o Imperio Romano de Occidente.
A mostra achéganos a Compostela obras da súa última serie fotográfica, na que Adrio redefine a súa interpretación da paisaxe convidándonos a percorrer a través do seu obxectivo a foresta e as sendas do tudense Monte Aloia.
A exposición «Emocións en perigo» reúne imaxes do proxecto de Flach Ameazados, que levou o fotógrafo a retratar especies en extinción en todo o mundo. En lugar de enmarcalos no seu hábitat natural, Tim Flach optou por retratalos sobre fondos neutros, salientando a personalidade de cada especie e mostrando nalgúns casos actitudes e emocións que habitualmente asociamos aos seres humanos. «Tratei de tender unha ponte e convidar á igualdade, creando retratos de animais cun estilo de representación xeralmente asociado cos humanos para salientar o seu carácter e personalidade».
