Exposición

Presentamos nesta mostra unha selección de obras que abranguen as relacións entre o mundo da arte téxtil e a literatura; narrativas sobre tecedoras, costureiras, fíos, bordados e tapices, nas que o labor téxtil se constitúe como axente fundamental na creación e transmisión cultural.
Esta mostra é unha invitación a explorar as posibilidades que ofrecen os tecidos, unha escolma de lecturas para tecer e destecer, para lecer e, de ser necesario, tamén para suturar.

O Romantasy ou romantasía en galego é un termo que une as palabras romance e fantasía (fantasy en inglés). As obras que se inclúen baixo este concepto están, habitualmente, inspiradas na mitoloxía o en períodos históricos como a Idade Media ou a Idade Moderna, valéndose así do seu imaxinario para introducir criaturas máxicas como dragóns, fadas, meigas… A pesar disto, neste subxénero, os mundos fantásticos que conforman a base da historia sitúanse nun segundo plano, sendo o verdadeiro protagonista o amor e, consecuentemente, os conflitos románticos dos protagonistas.

Mostra bibliográfica e audiovisual cunha selección de recursos relacionados coas próximas estreas de cine: Bitelchús Bitelchús, Los destellos, Joker: Folie à Deux, Los anillos del poder (T2), Shin Chan, Venom, e moitos máis.

Na mostra atoparás música e películas de Lady Gaga, a primeira entrega do Joker, outras películas de Joaquin Phoenix, libros e peliculas de "El señor de los anillos", os libros nos que están baseadas as películas "Los destellos" e "La habitación de al lado", e moitas cousas máis.

Todo para que poidas prepararte para todo o que está por vir.

Cedemos o espazo para realizar esta exposición que estará do 1 ao 30 de outubro no vestíbulo. Esta mostra, realizada no marco da Exposición Internacional Galicreques 2024, recolle monicreques, marionetas e sombras que ilustran diferentes técnicas e xéneros de diversas partes do mundo, como o teatro tradicional africano ou o teatro oriental chinés, así como unha panorámica do teatro de bonecos de países da súa contorna: Tailandia, Vietnam, Myanmar, A India, Sri Lanka, Indonesia e Taiwan.

O concepto de festa con verbena é algo ligado a Galicia dende hai séculos. Aínda que hai celebracións que tenden á defensa da tradición orixinal, o fenómeno da verbena está intimamente relacionado coa evolución da tecnoloxía, da sociedade e do consumo de música popular.

Na biblioteca seleccionamos unha mostra de autobiografías onde podes adentrarte e explorar as memorias e vivencias de personaxes célebres. Esperámoste!

Do 16 de setembro ao 31 de outubro no 2º andar. Pode visitarse durante o horario de apertura da biblioteca.

Con motivo da entrega do galardón Socia de Honra de GÁLIX á escritora Gloria Sánchez pola súa traxectoria profesional, obra e dedicación á literatura infantil e xuvenil galega, a biblioteca fai unha escolma coas súas obras máis coñecidas.

Do 14 de setembro ao 16 de outubro na sala infantil. Pode visitarse durante o horario de apertura da biblioteca.

Gústache descubrir cousas novas? Sabes o que son os libros ilustrados de non ficción? Poida que este nome non che soe moito pero, e se che dicimos que son libros que van espertar a túa curiosidade, cos que podes aprender ao tempo que te divirtes e vas quedar con ganas de seguir investigando? Se non os coñeces e queres facelo, bótalle unha ollada a algún dos que forman parte desta mostra bibliográfica. Se te entusiasman tanto como a nós, poderás atopar máis na zona de libros informativos da sala infantil. Non deixes de achegarte e explorala. Temos unha chea de títulos cos que vas flipar!

Unha mostra que pretende poñer en valor e potenciar o rico patrimonio relixioso conservado dentro das antigas catro parroquias (San Juan, Santa María Magdalena, Santiago e Oliveira) e dous conventos (Santo Domingo e San Francisco) do municipio ribadaviense. Reúne corenta pezas de orfebrería (cálices, custodias, relicarios...), tallas devocionais, libros sacramentais, ademais de testemuños do arquivo parroquial nunha exposición de produción propia que, ademais Unidade Parroquial de Ribadavia, conta tamén coa colaboración dos franciscanos de Herbón e a Fundación Santa María a Nai.

Esta é unha mostra que recolle un percorrido dos vintecinco anos de traballo expositivo do Museo a través dunha selección das obras procedentes das mostras temporais. Organízase atendendo aos diferentes programas expositivos que o centro foi configurando, de aí o seu nome: as exposición son efémeras (volant), pero os fondos permanecen (manent).

Conta cun total de 117 pezas de 50 artistas que integraron no seu día as mostras expositivas que acolleu o museo.