Pakolas”, rockeiro e guitarreiro, é o nome co que Paco Cerdeira se presenta ante o público infantil, eido no que o músico conta con longa traxectoria. Na súa longa andaina de traballo nas cancións infantís, Paco sempre pon de manifesto que a música é universal pero as letras deben estar pensadas para o público miúdo.
A Música das buguinas é un espectáculo en directo conxunto de Mamá Cabra e BellónMaceiras. Sobre a idea orixinal dos concertos didácticos de música tradicional de BellónMaceiras, Pepablo Patinho escribe o conto da Música das buguinas. Unha proposta que nos ensina a amar e coñecer a nosa música e no que imos descubrindo como soan e como son diferentes instrumentos: gaita, acordeón , guitarra, percusións, instrumentos de vento… neste fermoso espectáculo músico-teatral de BellónMaceiras e Mamá Cabra.
Cantacontos a carón da fiestra é un espectáculo de Ramón Feáns e Manuel Boquete onde o conto, a música e a poesía nos levan da man a través do máxico mundo dos soños. Cunha coidada posta en escena, e valéndose de música orixinal e de sons que acompañan a historia ó xeito das antigas radionovelas, o narrador vainos introducindo nun relato orixinal que narra a fantástica aventura dun neno e que supón un canto á imaxinación, á beleza, á natureza, á igualdade e ó amor. No espectáculo interprétanse as cancións do libro disco “A fiestra dos soños” publicado pola Ed. Galaxia.
Cantigas e Agarimos celebra o centenario da súa fundación co espectáculo Retrincos: unha gala para vos 100 anos, na que se recollen todos os aspectos artísticos relacionados coa Agrupación ao longo deste século de vida: música, baile e teatro, desde unha visión retrospectiva con moita ironía e que dista do mero percorrido cronolóxico pola súa traxectoria.
Esta edición terá lugar o domingo 29 de maio no Centro Cultural Ágora en horario de mañá e de tarde, dividirase en dúas modalidades:
Pandeireteiros/as
Gaiteiros/as solistas (especialidade en toque pechado)
Do mesmo xeito que nos últimos anos a modalidade de pandeireteiros/as estará dividida en catro categorías segundo a idade dos compoñentes, e a modalidade de gaiteiro/a solista será de categoría única sen límite de idade, sendo obrigatorio o uso de toque pechado nesta modalidade.
Tras perder a súa casa por non poder pagala, un novo matrimonio, cunha filla de 10 anos, se muda a casa dos pais dela, pero esa vivenda tamén se verá ameazada polo embargo do banco, ao servir como aval da hipoteca da filla.
2016: Premios Goya: Mellor canción. Nomeada mellor actriz revelación (Pérez Cruz)
2016: Festival de Málaga: Mellor banda sonora
2016: Premios Feroz: Nomeada a mellor música
2016: Premios Gaudí: Mellor música. 4 nom., incluíndo Mellor actriz (Pérez Cruz)
O obxectivo principal do espectáculo é a difusión do noso patrimonio inmaterial de tradición oral como son os cantos de berce. Este proxecto está baseado nun traballo de campo realizado na zona do Barbanza e arredores.
O desafío é durmir á Moraima, que non o consegue por culpa duns pesadelos que ten. Para que se durma recorremos a un receitario herdado que recolle maneiras de durmir cando se teñen pesadelos. O espectáculo ten interacción co público, música e narración.
A actriz María Casares regresa á patria da súa infancia tras corenta anos de exilio. A nena medrou para converterse nos escenarios franceses nunha gran actriz de teatro e da gran pantalla. Tras unha vida chea de éxitos e perdas, Casares regresa ao seu fogar, onde oas pantasmas da memoria axudarana a afondar na súa existencia: quen é María? A peza mestura o cine en directo, o teatro e a música para percorrer os lugares e momentos da vida de María Casares nesta viaxe de retorno á terra.
Inventio é un espectáculo familiar de gran formato no que conviven a comedia e o drama, a danza, o ilusionismo e as artes circenses. Inventio é unha viaxe sensorial, un camiño de regreso á sensibilidade a partir da tradición e a modernidade.
Xan Perillán é un home con sorte, tocoulle nunha rifa unha viaxe a Pernambuco? Pero, onde queda Pernambuco? No hemisferio norte ou no sur?... cun pouco de maxia e a axuda dos nenos seguro que o descubrirá.
