O Dezasete, é unha actividade previa ao Festiletras que a Fundación Eduardo Pondal, co apoio da Consellería de Cultura, Educación e Universidade, prepara para os días 14, 15, 16 e 17 de maio como parte da programación das Letras Galegas 2022.
Todos e todas ouvimos falar sobre o Othello de Shakespeare pero, de que trata realmente esta obra teatral? E de que maneiras novas se pode explicar esta historia shakespeariana? Alba Sarraute & Les Ofèlies fano utilizando a linguaxe do circo, a través de acrobacias, de música e dos corpos dos e das intérpretes para crear un conxunto de imaxes cargadas de poesía coas que, desde a mirada de Desdémona, esposa de Othello, adentrarémonos nos aspectos máis dramáticos da condición humana... cun sorriso nos beizos.
Desnortadas é unha proposta poético-musical que xorde do último poemario da autora carballesa Rosalía Fernández Rial, Desnortada (Espiral Maior, 2021), que desta volta inclúe un cd con varios dos poemas musicados pola autora, acompañada pola virtuosa acordeonista asturiana María Álvarez Santiago (Maraya Zydeco), considerada como unha das mellores de Europa.
Este espectáculo para todas as idades, está cargado de humor, ironía e sobre todo, da improvisación que tanto caracteriza a Moskis. A simpatía da obra, acompañada da teatralidade que lle achega o artista, forman o póker de ases perfecto para conquistar ao seu público.
O humorista Óscar Barata conta cunha gran traxectoria profesional. Desde moi pequeno, interesouse polo teatro, ata comezar a súa carreira profesional na creación e dirección de obras de teatro.
Fantastic Colofón é o espectáculo de clausura do EMHU, creado expresamente para o festival. Nel, Silvia Abril (Masterchef Celebrity, A túa cara sóame e presentadora dos Premios Goya), Luis Piedrahita (O Formigueiro e O Club da Comedia), David Fernández (Latexa Motiv, Chikilicuatre) e David Amor (O Club da Comedia, A túa cara sóame) preséntannos un espectáculo único e exclusivo cheo de monólogos, sketches, gags e moitas sorpresas.
Creación escénica multidisciplinar que mestura a dramaturxia teatral, a danza, a música, a poesía e o audiovisual. Unha viaxe desde a ficción dun caso particular, baseada nun feito histórico, ao universal.
Atravesar a sombra como camiño ineludible e o sacrificio como acto artístico por excelencia. En tempos de profunda revisión persoal e social... que queda cando non queda nada?
Enric Montefusco, despois de rodearse nos seus últimos espectáculos dos artistas máis inquedos e innovadores, volve cruzar a liña que separa a música das artes escénicas para protagonizar a súa proposta máis poética e radicalmente íntima. Faino acompañado de Xavier Bobés, que traballa desde hai máis de quince anos cos obxectos e o seu simbolismo.
O actor galego gañador dun Goya, Luis Zahera, visitará Burela para facer rir a todos co seu espectáculo Historias e histerias.
Nesta ocasión desfrtarase da faceta máis cómica de Zahera, cun monólogo repleto de historias onde por suposto as risas están totalmente garantizadas.
Oswaldo Digón, cómico galego que comezou a súa carreira artística realizando máis de 400 actuacións infantís de contacontos en 1996. Actor de teatro profesional nas obras: “Terapia de Grupo”, “ Lisistrata”, “A Rolda”, “ Azos de Esguello”, “Los Duguis”, “Alma Mater”, “La visita”… Paralelamente, Oswaldo Digón enche teatros como actor cómico, entre os seus logros está a súa actual integración en “Nuevos Cómicos” de Paramount Comedy. No ano 2003 gañou o concurso de “Forum Comedia” e foi finalista do “Concurso de Comedia de Laracha” (A Coruña), co espectáculo “Historia de mi Historia”.
Unhas poucas casas poden ser unha aldea, moitas casas poden ser unha cidade.A nosa casa naceu nunha aldea que agora é unha cidade.Aí está, arrodeada doutras.É de madeira, ten xardín e dalle moito o sol.
Antes non tiñamos veciños, pero pouco a pouco foron chegando Hortensia, a florista, que ten unha casa que recende moi ben; Telmo , o veciño equilibrista; Arabela, que é cantante de ópera; O señor Antón, que é un vello mariñeiro... e a nosa amiga Rita, a gata de Marcelina, que ven de visita á hora da merenda.
