Luis Zahera presenta o seu espectáculo » Quero facer de galán» No que repasa a multitude de anécdotas surrealistas que lle ocorreron desde a súa infancia.
Repasa o seu momento máis cómicos vividos nos sets de rodaxe, as súas experiencias coñecendo a grandes artistas como Camilo Sexto e un sen fin de historias.
Descobre a bis cómica do personaxe malo que coñeces de series como «Sen tetas non hai paraíso» ,»Vivir sen permiso».
Trébede propón un espectáculo de música e baile tradicionais, dunha hora e media de duración, nas que expón un repertorio resumen dos seus dez anos de traxectoria. Entre este repertorio atoparanse as pezas coas que gañaron diversos premios en diferentes concursos nos que participaron ao longo desta década, así como na súa participación no prestixioso Festival Interceltique de Lorient, en Francia. Neste repertorio verase representada a realidade cultural das catro provincias galegas a través dos cantares, músicas, bailes e vestimentas que se poderán ver durante a actuación.
Neste espectáculo de burbullas con temática mariña, a auga é a protagonista en forma de burbullas de xabón que, da man de dúas personaxes, toman diferentes formas para xogar coas emocións dos cativos. A través de diversos elementos, as burbullas de xabón parecen cobrar vida ofrecendo un espectáculo moi visual e dinámico. A música é moi importante neste espectáculo polo que cada tema é escollido para que o/a espectador/a entre de cheo no mundo do maxín. Luces, burbullas, globos xigantes, espumas e pallasos, unha marabillosa e divertida combinación.
O musical é unha produción orixinal dirixida por Federico Bellone, director artístico de espectáculos de recoñecida traxectoria internacional entre os que destacan Mary Poppins, en Italia, de Disney e Cameron Mackintosh.
O espectáculo conta cun elenco formado por 17 artistas. Ricky Merino interpreta o papel de Sam e a actriz Cristina Llorente dá vida á inigualable Molly. Christian Sánchez e Ela Ruiz interpretan ao amigo e compañeiro de traballo de Sam (Carl) e á enigmática Oda Mae, respectivamente.
Chega a Verín un espectáculo musical para toda a familia onde Gisela, un fada máxica, carismática e con voz anxelical, introduciranos nun fantástico e apaixonada viaxe de moitas aventuras Disney.
Ensinaranos que o planeta hai que coidalo e respectalo, que o mundo mariño é un mundo inmenso e marabilloso e que non hai nada máis belo que mirar no noso interior. Todo isto conseguirao penetrándonos nas marabillosas películas de Disney máis coñecidas.
Quimera é un espectáculo inspirado nunha visión máxica da natureza, onde os soños e a mitoloxía entrelázanse. Calquera ilusión, produto da psique, por improbable que pareza pode tornarse realidade. Pablo Méndez xoga neste espectáculo coa maxia buscando a sorpresa do espectador. Mediante unha linguaxe visual e acrobática esta viaxe fantástica estimula a imaxinación do público ata o final. Unha aventura que non che deixará indiferente.
Os Bolechas presentan un novo espectáculo para a toda a familia... Unha trepidante aventura chea de diversión que atrapará aos pequenos desde os primeiros instantes...
Mostra escénica coa participación da músicos Alba María, Chefa Alonso, Wöyza, a banda interxeracional Deteriorados, a poeta Eva Veiga, alumnos do IES As Lagoas e as experiencias vitais de Dosia González Gómez, Maruxa Lorenzo Selas, Chefa Alonso, Xaime Fandiño e José Piñeiro.
A biblioteca cede o espazo para a presentación pública da lectura dramatizada “Europa entre catro paredes”. Un proxecto de difusión de dramaturxia contemporánea coa tradución ao galego dos textos Idus, de Vanesa Sotelo (Galicia); Engordiño, de Deborah Pearson (Reino Unido); O mundo exterior dimo todo, de Maxi Obexer (Italia/Austria); Gaiola, de Julia Holewinska e A voz humana, de Ricardo Correia.
A pequena Magdalena, está enferma na cama, por culpa da polio. Ela quere ser médica para curar aos nenos e as nenas coma ela. Sintese moi soa, de xeito que, coa súa imaxinación, creará unha amiga imaxinaría chamada Frida que lle ensinará, a fará comprender e querer o ARTE. “FRIDA: LA NIÑA QUE QUERÍA PINTAR” é unha creación de danza-teatro que xunto cos audiovisuais e espazos sonoros, lle dará forma o mundo tan característico de Frida Khalo.
