Espectáculo

Leonardo, no seu intento por integrarse e adaptarse a Auria fará por superar as robas que a cuadrilla da Roncolla lle obriga a realizar para formar parte da mesma.

Entretanto debe tamén coidar de pecharlle ás galiñas pola noite, porque están a desaparecer misteriosamente e é que na súa granxa outro drama se está a cocer… os raposos teñen atemorizados aos habitantes do galiñeiro cos temibles Biosbardos. A cambio da protección esixen a súa comida preferida: ovos de galiña.

"Canta e baila sen parar" é un divertido espectáculo musical baseado nun repertorio de gran variedade musical e diversión. Un show participativo e cheo de interacción co público onde pequenos e maiores involucraranse e pasarano en grande rodeados de grandes cancións e personaxes.

BOB MARLEY PARA BEBÉS é a segunda parte da triloxía que A Petita Malumaluga iniciou co éxito internacional "Bitels para bebés" (concerto tributo a The Beatles). Música, danza, participación, tecnoloxía, reflexión e novas linguaxes escénicas para o público máis esixente: a primeira infancia e as súas familias.

Ris Ras é un espectáculo para enredar, rir e bailar; un espectáculo musical e teatral para os pequenos e pequenas da casa, onde a palabra e as bromas están presentes para levarnos á tradición oral galega. Todo comenza con: "Ris, ras / aparta 'pa' alá / que perdo o compás". Partindo de aí o público viaxará a través da música, xogos, enredos e historia tradicionais da man dun trasgo que nace do amor entre Catarina (a Lúa) e Lourenzo (o Sol).

Vestido cun traxe de etiqueta dentro do que non acaba de sentirse cómodo, cumprindo co preceptivo protocolo, o dramaturgo, ou seica unha actriz amiga a quen pediu que o represente no solemne acto, vai ingresar na Academia pronunciando un discurso titulado Silencio.

Corochas é un espectáculo de pequeno formato dirixido á primeira infancia (0-3 anos), que combina a narración oral, a manipulación de obxectos e a música. A través do conto acumulativo, da canción e xogo de imitación viaxaremos por diversas paisaxes e coñeceremos personaxes estrafalarias que deben resolver múltiples enredos. Corochas, cachogas, celigras, cóchegas, coscas, deligras ou cóxegas: sensación que experimenta alguén ao lle seren tocadas levemente certas partes do corpo e que se manifesta nun riso involuntario. Por que será que existen tantos xeitos de chamarlles ás corochas?

Cadaval conta... “Complexo de Edipo”, un relato mítico que xa escoitaron oito mil colombianos e tamén tres mil setecentos africanos dos que tres mil eran canarios. Probablemente o público europeo coñece mellor a versión do ribeirán que a orixinal do inmortal Sófocles.

O mito do home que mata o pai, deitase coa nai, chámalle fillos aos irmáns e agora comentado por unha taberneira dun porto galego que ademáis é a nai do monhilista Cadaval. A cociñeira desdeña o mito clásico ao tempo que dá a receita da carne asada.

Gastronomía

Épica

Alta cultura

UNA IDA AL CANTO:
Unha ida ao canto é un tránsito. Tamén é un alto no camiño no que non se sabe se ela vén ou se vai, ou se tenta atoparse ou refugarse.

LAS IDAS:
Unha ida, un paso atrás, unha retirada. Os dous atópanse nun alto. Unha pequena pausa no seu camiño, só pospoñen o seguinte paso. Fóronse ou están idos?.

A palabra barbian vén do calo barban, que significa aire, e en castellano se di de alguén desenvolto, gallardo, atrevido. Cando escoite por primeira vez a Rodrigo Cuevas souben de inmediato que seria un perfecto barbian de zarzuela. É moreno e arriscado como a Mari Pepa de Chapi ou o Don Homobonode Parada, pero é ante todo un artista completo e un erudito da musica popular. A voz de Rodrigo tende pontes sen esforzo entre a tradicion e o underground. Descobre vinculos onde outros se empeñan en crear divisións.

O artista Antón Reixa presenta Melancoholemia (vida de Mamarracho), unha vídeo-performance na que reproduce imaxes editadas a través das cales vai tecendo un relato sobre o presunto personaxe, Mamarracho, tamén coñecido por Persoa. Ao personaxe fáltalle unha maneira de ser e o autor denomina ese estado como melancoholemia.

O texto é do mesmo Antón Reixa, o vídeo é unha creación do vídeoartista Antonio Segade, e utilízanse músicas do grupo Cahopou.