Espectáculo

María Balteira, a bailadora primeira é un espectáculo que estimula nas crianzas o gusto e a curiosidade polo baile tradicional galego o tempo que achega os nenos e nenas ao Medievo, un momento chave para a lingua galego-portuguesa e da a coñecer, a través dunha obra de fición, a tres das figuras importantes da Idade Media en Galicia e Portugal, como son: O rei Afonso X o Sabio, o trovador Pedro Amigo e a máis famosa soldadeira, María Balteira.

Inculca o respecto pola natureza e a súa importancia para as nosas vidas  por medio do Bosque das Artes que cultiva o Rei Sabio.

“Hai quen conta ovellas para durmir...eu conto chibos”... A Biblioteca de Galicia celebra o Día da Narración Oral co espectáculo O Arquivo do Chibo. Trátase dunha fabulación libre ao redor do conto clásico dos 7 cabuxos e o lobo.

Catro estrella da comedia en redes sociais xúntanse para presentar en exclusiva mundial o seu primeiro espectáculo de comedia en vivo. O Cellas, Car de Lorenzo, Xurxo Carreño e Animalize21 xuntan entre os catro máis de 19 millóns de seguidores. Se todos os seus followers decidisen vir ver o show, a cola chegaría ata Sebastopol, así que non o deixes para o último día. Cada un deles, por separado, son referentes en Instagram, en Youtube ou en Tiktok e agora temos a ocasión de ver aos catro en vivo sobre un escenario.

“A maxia dos libros” é o resultado dunha combinación entre maxia, comedia e improvisación no que as variñas e bastóns máxicos que nos fan ver o inexplicable únense á fantasía creada polos lapis, bolígrafos e teclas, cuxa tinta é capaz de crear ilusión, derrotar a imperios ou xerar vida. Todo iso, unido á inestimable participación do público presente.

Unha escenificación máxica versátil que transmite habilidade e enxeño, empregando elementos cotiás que poden emerxer da nada, esvaecerse, levitar ou mudar de forma. Descobre a maxia que esconden os libros no seu interior.

Extra! é o “xornal musical” que Paco Nogueiras ideou para compartir con todas e todos vós. Un xornal que convida a conectar co mundo e transformar a realidade en canción. Quen dixo que non se poden cantar as noticias? E bailalas? En Extra! pódese. E cantos máis sexamos, moito mellor.

No salón de actos. Dirixido a nenas e nenos de todas as idades. A entrada é libre ata completar a capacidade da sala.

Seica te conformas con calquera cousa que che conten? Se tes sede máis aló dos Última hora de Twitter, Sairemos mellores é o teu espazo. Nós contámosche con graza onde van os teus impostos, os teus dereitos como autónoma, para que está a institución da Coroa en España ou se a UE é xusta con Murcia. Non só non te vas a durmir, senón que vas a espabilar. Sairemos mellores? Neste podcast, polo menos, imos tentar.

Na súa cabeza era espectacular é o segundo show de Pantomima Full desde que son coñecidos. Nin eles imaxinábanse que os vídeos dun minuto ían dar para tanto. Pero aquí están. Se che gustou o primeiro show de Pantomima Full, hanse currado outro 100% novo para que poidas volver velos e non te sintas estafado.

INFINIT cuestiona os difusos comezos e finais de todo o que nos rodea. Acrobacia, trapecio wáshington, clown, danza son os ingredientes deste remuíño de humor existencialista. Uns personaxes excéntricos e absurdos que buscan o final do seu propio espectáculo. A súa estupidez profundamente intelixente acabará cuestionando nosa propia esencia. Séntelo? Mentres les estas palabras o espectáculo xa está a ter lugar.

O volume 5 de Clásicas desfeitas, A barca do inferno, inspírase no Auto dá barca, obra fundamental do teatro clásico portugués escrita por Gil Vicente no século XVI. A partir dela, a compañía Moving Compass constrúe unha proposta que recolle elementos do teatro de monicreques vietnamitas e o desexo de explorar a auga como escenario para a creación dramática.

Existiu o teatro medieval en galego? A compañía Galeatro investiga e pescuda en Arte sen guión sobre a posibilidade dun teatro clásico galego do que non existen obras escritas. Partindo do estudo das estruturas narrativas e dramáticas medievais e dos materiais en lingua galega previos ao Rexurdimento, e coas ferramentas da improvisación contemporánea, a comedia e a música, Arte sen guión propón unha nova lectura do patrimonio cultural galego.