Ris Ras é un espectáculo para enredar, rir e bailar; un espectáculo musical e teatral para os pequenos e pequenas da casa, onde a palabra e as bromas están presentes para levarnos á tradición oral galega. Todo comenza con: "Ris, ras / aparta 'pa' alá / que perdo o compás". Partindo de aí o público viaxará a través da música, xogos, enredos e historia tradicionais da man dun trasgo que nace do amor entre Catarina (a Lúa) e Lourenzo (o Sol).
Vestido cun traxe de etiqueta dentro do que non acaba de sentirse cómodo, cumprindo co preceptivo protocolo, o dramaturgo, ou seica unha actriz amiga a quen pediu que o represente no solemne acto, vai ingresar na Academia pronunciando un discurso titulado Silencio.
Corochas é un espectáculo de pequeno formato dirixido á primeira infancia (0-3 anos), que combina a narración oral, a manipulación de obxectos e a música. A través do conto acumulativo, da canción e xogo de imitación viaxaremos por diversas paisaxes e coñeceremos personaxes estrafalarias que deben resolver múltiples enredos. Corochas, cachogas, celigras, cóchegas, coscas, deligras ou cóxegas: sensación que experimenta alguén ao lle seren tocadas levemente certas partes do corpo e que se manifesta nun riso involuntario. Por que será que existen tantos xeitos de chamarlles ás corochas?
Cadaval conta... “Complexo de Edipo”, un relato mítico que xa escoitaron oito mil colombianos e tamén tres mil setecentos africanos dos que tres mil eran canarios. Probablemente o público europeo coñece mellor a versión do ribeirán que a orixinal do inmortal Sófocles.
O mito do home que mata o pai, deitase coa nai, chámalle fillos aos irmáns e agora comentado por unha taberneira dun porto galego que ademáis é a nai do monhilista Cadaval. A cociñeira desdeña o mito clásico ao tempo que dá a receita da carne asada.
Gastronomía
Épica
Alta cultura
UNA IDA AL CANTO:
Unha ida ao canto é un tránsito. Tamén é un alto no camiño no que non se sabe se ela vén ou se vai, ou se tenta atoparse ou refugarse.
LAS IDAS:
Unha ida, un paso atrás, unha retirada. Os dous atópanse nun alto. Unha pequena pausa no seu camiño, só pospoñen o seguinte paso. Fóronse ou están idos?.
A palabra barbian vén do calo barban, que significa aire, e en castellano se di de alguén desenvolto, gallardo, atrevido. Cando escoite por primeira vez a Rodrigo Cuevas souben de inmediato que seria un perfecto barbian de zarzuela. É moreno e arriscado como a Mari Pepa de Chapi ou o Don Homobonode Parada, pero é ante todo un artista completo e un erudito da musica popular. A voz de Rodrigo tende pontes sen esforzo entre a tradicion e o underground. Descobre vinculos onde outros se empeñan en crear divisións.
O artista Antón Reixa presenta Melancoholemia (vida de Mamarracho), unha vídeo-performance na que reproduce imaxes editadas a través das cales vai tecendo un relato sobre o presunto personaxe, Mamarracho, tamén coñecido por Persoa. Ao personaxe fáltalle unha maneira de ser e o autor denomina ese estado como melancoholemia.
O texto é do mesmo Antón Reixa, o vídeo é unha creación do vídeoartista Antonio Segade, e utilízanse músicas do grupo Cahopou.
Partindo da cor, a materia e o son, Pinxit mostra o proceso de creación dun artista; un traballo de experimentación nos límites da plasticidad e dos novos medios e métodos da arte.
Pinxit é un espectáculo visual e sonoro que propón un achegamento entre arte e primeira infancia a través da creación dun universo poético conxunto; un espazo compartido e libre que abra ao neno as portas da sensibilidade estética e a reflexión; da capacidade de emocionarse e comprender diferentes visións e realidades do mundo.
Mercedes máis eu é un traballo de colaboración da artista Janet Novás e a compositora Mercedes Peón no que ambas exploran as relacións particulares que existen e establécense entre a súa danza e a súa música.
Os «instagramers» máis divertidos converten os seus vídeos nunha sucesión de desternillantes monólogos sobre as realidades cotiás no mundo da parella.
