As persoas participantes dos clubs de lectura xuvenil da rede de Bibliotecas Municipais terán ocasión de conversar coa escritora Emma Pedreira, autora galardoada co Premio Jules Verne de Literatura Xuvenil no ano 2018 pola novela "Os corpos invisibles".
Encontro co escritor co escritor Antonio García Teijeiro, Premio Nacional de Literatura Infantil e Xuvenil no 2017, pola súa obra Poemar o mar, que conversará sobre o proceso creativo de escribir e publicar un libro.
García Teijeiro tamén recibiu os premios Merlín pola obra Na fogueira dos versos (1996), libro co que entrou na listaxe de honra do IBBY, o Premio Europeo Pier Paolo Vergerio, promovido por la Universidade de Padua (1998) e o Premio de poesía "Illas Sisargas" co poemario Arredor do teu corpo (2006), entre outros.
Actividade incluída na programación do Festival literario e cultural “PrimaLetras” posto en marcha na cidade da Coruña para celebrar as efemérides relacionadas co libro e a lectura dos meses da primavera (marzo/maio).
"Campo de plumas: poemas LGBT+ para a mocidade dende a Antigüidade ata hoxe" é unha escolma e tradución de Jesús Castro, que escolle moi atinadamente poemas de todos os tempos e latitudes que dan conta de diversas identidades e orientacións sexuais.
NO-DO, acrónimo de Noticiario Documental, foi o organismo de propaganda cinematográfica do réxime franquista e nel e a través del inventáronse e promocionáronse un gran número de arquetipos sobre Galiza. Isto convertiu a NO-DO nun potente aparato de representación cultural.
Cristina Fernández presidenta da asociación Querendo, explicará as consecuencias desta enfermidade, como afecta as mulleres e as respostas da ciencia para a mesma.
Para asistir a ela e dado o aforo limitado en necesario facer inscrición previa chamando aos teléfonos 988 788385/386.
Son as palabras esborranchadas nos libros as que transcenden. Elas aduban, contan, omiten, relatan, anuncian, renuncian, abraian e desolan. Mais son outras as que soerguen o texto, as que permiten que a arquitectura fráxil do relato se sosteña, andamios de estrutura firme, sen as cales a narración esborrallaría coma un castelo de xabre. Esas historias que non aparecen en ningún manuscrito, en ningunha proba de imprenta, en ningún texto publicado conforman un universo estraño e inédito, apenas intuído nos parágrafos.
Durero é o primeiro artífice ao norte dos Alpes que tanto na súa vida como na súa obra plástica e as súas reflexións teóricas manifesta a clara consciencia de ser un creador ao modo renacentista. No tránsito do século XV ao XVI iso implica superar a mera concepción artesá e a asfixiante estrutura gremial para subscribir unha ambición intelectual propiciada pola súa frecuentación dos círculos humanistas de Núremberg.
Durante as dúas primeiras décadas do século XVI, Roma e Florencia convertéronse na scuola do mondo. Os xenios de Leonardo, Miguel Ángel e Rafael encabezaron unha extraordinaria xeración de creadores, entre os que se contan un grupo de novos pintores e escultores españois que residiron e traballaron en Italia. Os Hernandos (Fernando Yáñez e Fernando Chairos), Pedro Machuca, Bartolomeu Ordoñez, Diego de Siloé ou Alonso Berruguete demostraron unhas calidades que lles permitiron descollar no competitivo mundo artístico italiano.
O pintor florentino Alessandro Filipepi, coñecido como Sandro Botticelli (1444/1445-1510), pasou de gozar de considerable fama en vida a caer nun certo esquecemento ata que no século XIX a súa memoria foi recuperada con entusiasmo, para converterse entón e ata os nosos días nun dos creadores máis admirados do Renacemento. Tras formarse con Filippo Lippi, emprendeu unha prolífica carreira autónoma que lle levou a dirixir un importante taller no seu Florencia natal capaz de competir cos de mestres como Perugino grazas ás súas apreciadas invencións e á súa coidada execución técnica.
No marco da programación do Ano Internacional María Casares nas Bibliotecas Municipais da Coruña, terá lugar na sala de adultos da Biblioteca Os Rosales unha conversa a cargo de Sabela Hermida en torno á figura de María Casares e os seus vencellos coa filosofía e o teatro existencialistas ao longo da súa carreira artística.
