Evento: O mar de Galicia e o cambio climático

Xosé Antón Álvarez Salgado, investigador no Instituto de Investigacións Mariñas (CSIC), que se poderá seguir no portal de Afundación en casa. O relatorio está enmarcada no programa promovido por Afundación e ABANCA para concienciar sobre a importancia do coidado da protección do medioambiente e os océanos. Na súa charla, Xosé Antón Álvarez Salgado analizará a evolución do mar galego. Desde mediados do século XX, os ecosistemas mariños de Galicia veñen sufrindo importantes cambios asociados á actividade humana a escala global. Así, a temperatura superficial da auga aumentou 0,6 ºC, o nivel medio do mar ascendeu 17 cm e a intensidade e frecuencia das nortadas características da primavera e verán reducíronse nun 50 %. Estes impactos ?que están a afectar ao tempo de renovación das rías, a viabilidade das infraestruturas portuarias ou á produtividade pesqueira e marisqueira de Galicia, tanto presente como futura? analizaranse nesta charla.

Xosé Antón Álvarez Salgado

Doutor en Química pola Universidade de Santiago de Compostela, a súa especialidade é a Oceanografía Química. Desde 1999 é integrante do Instituto de Investigacións Mariñas (CSIC), en Vigo, onde exerce como profesor de investigación. O seu traballo céntrase no estudo dos ciclos do carbono e os sales nutrientes en augas costeiras, de plataforma e oceánicas, con especial énfase no sistema de afloramiento de Galicia, tanto desde o punto de vista da explotación dos recursos vivos como do cambio global. É autor de máis de 150 artigos científicos.