Evento: Sentinelas no limiar das tebras - Presentación en Pontevedra

Presentación en Pontevedra da banda deseñada "Sentinelas no limiar das tebras", de Andrés Castro, Ozo Perozo e Alexandre Senande; segunda parte da saga de mitoloxía e aventuras xuvenil (de 9 a 99 anos) iniciada con "Sentinelas da lúa carmesí", obra que iniciou a colección "BD Galaxia" da Editorial Galaxia, que este ano fai o 75 aniversario.

Acompañando a Senande e Castro, estará o escritor e tradutor Santiago Lopo que tratará de desvelar algúns dos segredos e "easter eggs" que se agochan entre as páxinas desta saga etiquetada coma o "Stranger Things á galega".

Ao remate haberá unha sesión de sinaturas cos autores. Entrada de balde ata completar cabida.