Evento: Poetas di(n) versos
Poetas di(n) versos
POETAS DI(N)VERSOS segue a demostrar a súa solidez, excelencia e boa saúde renovando a súa vitalidade a través dos anos. A coidada programación poética da Concellaría de Cultura da Coruña volve por oitavo ano con novas citas mensuais que reunirán poetas de Galicia e do mundo en encontros abertos e gratuítos. O único ciclo estable que inclúe poetas internacionais de xeito regular en toda España, regresa así ao centro Ágora
As lecturas poéticas, sempre en idioma orixinal e con traducións ao galego, volverán ter lugar no Auditorio do centro, en luns de cada mes e en horario das 20:30h do serán, contando arredor dunha hora de duración. As librarías da cidade seguirán ofrecendo a posibilidade de adquirir os volumes dos e das convidadas, así como de conseguir as súas sinaturas.
A oitava edición de POETAS DI(N)VERSOS dá o do de peito anunciando unha programación do máximo nivel para o primeiro trimestre do 2016, e algúns dos poetas máis renomeados da actualidade mundial contemporánea pasarán polo ciclo dirixido pola poeta e dinamizadora cultural Yolanda Castaño. Tamén ao seu cargo quedará a conducción dos actos e as traducións ao galego dos textos estranxeiros.
Programación:
*Luns 25 de xaneiro : Juan Carlos Meste e Miguel Mato Fondo, dende a Coruña e o Bierzo, música e posesía da man dun poeta da Xeración dos 80 e do Premio Nacional de Poesía 2009
Luns 29 de febrero: Sarah Holland-Batt e Ledicia Costas, a primeira poeta asustraliana en sete anos do noso ciclo, a carón de toda unha flamante Premio Nacional chegada de Vigo
Luns 14 de marzo: Ricardo Domeneck e Rosalía Fernandez Rial, a sesión mais moderna e interdisciplinar do ano mestura o acento de Bergantiños e o brasileiro con vídeo e son
Entrada libre, ata completar capacidade.
