Evento: Peza do mes: Cáliz tardogótico

Peza do mes: Cáliz tardogótico
xoves, 1 maio, 2025 a sábado, 31 maio, 2025
Museo Arqueolóxico Provincial de Ourense,
Ourense

Peza do mes: Cáliz tardogótico

Presentación e publicación virtual mensual para afondar no coñecemento de pezas pertencentes aos fondos do Museo

A presentación pública terá lugar o 14 de maio ás 20:00 h, na sala de exposicións "Escolma de escultura", con entrada libre.

 

Como cada mes, o Museo escolle algunha peza de entre os seus fondos (neste caso, do fondo de Belas Artes) para ser tratada de xeito pormenorizado e darlle maior visibilidade, afondando no seu contexto e características, datas, filiacións, etc., e reforzar así o seu valor.

O cáliz é unha das pezas principais da celebración eucarística, e como tal é representativo da ourivaría litúrxica, receptor das mellores técnicas e materiais. Este é o caso da peza obxecto de estudo deste mes, un destacado cáliz en prata na súa cor no exterior e sobredourada no interior.

Aínda que carece de marcas e inscricións, responde a unha tipoloxía de cáliz tardogótico moi  empregada nos talleres peninsulares da primeira metade do século XVI. Cun pé amplo e circular, destaca o deseño da mazá, que vira a estruturas discretas, probablemente xa comezando a asimilar formulacións renacentistas.

A publicación virtual sobre esta peza está dispoñible neste enlace do Museo Arqueolóxico de Ourense, onde se pode afondar sobre as súas características, cunha descrición máis pormenorizada, e os paralelismos estilísticos con pezas semellantes. Este estudio elaborado, nesta ocasión, por Ángel  Domínguez López.

Máis eventos de tipo Xornada/Congreso

250530_cartel_negueira
O monte é noso
30 de maio
Local social de Negueira de Muñiz
Curso de verano USC_Relatos_da_morte
Relatos da morte no pasado: ósos, pedras, barro e tinta
26 de xuño a 27 de xuño
Museo A Domus do Mitreo
Presentación libro
31 de maio
Biblioteca Pública de Ourense
LecturArte
12 de marzo a 17 de xuño
Museo de Belas Artes