Evento: Arqueoloxía en Monodose

Tras a boa acollida deste ciclo nos meses anteriores, no mes de novembro o MAPOUR continúa co ciclo de "Arqueoloxía en monodose", para descubrir novas propostas e coñecer mellor o noso patrimonio.

Nesta ocasión, Francisco Fariña Busto será o encargado da ponencia sobre as "Escavacións no Museo Arqueolóxico Provincial", do que foi director máis de trinta anos, ademáis de autor de numerosas publicacións sobre o Museo e a súa colección. Nesta ocasión abordará a evolución arquitectónica do vello pazo episcopal, dende as súas orixes ata o século XX. Así mesmo, falará dos resultados das intervencións arqueolóxicas desenvolvidas durante a actual intervención integral das obras que se están a realizar nos Pazos, torres e curral do Bispo de Ourense.

A conferencia terá lugar no Centro Cultural Marcos Valcárcel, rúa do Progreso, 30. Ourense

O mes de novembro complétase coas seguintes ponencias:

3 de novembro: Escavacións no patio das Josefinas e xardín do Posío, por Luis Orero Grandal

4 de novembro: Visita guiada ao cemiterio de San Francisco, por Afonso Vázquez-Monxardín Fernández

10 de novembro: Sepulturas no Ourense tardorromano, por José María Eguileta Franco

17 de novembro: Arte parietal megalítica en Galicia, por Fernando Carrera Ramírez