Como chove muidiño, A xusticia pola man ou Campanas de Bastabales son algúns dos poemas que soarán no salón de actos da Real Academia Galega, a partir das 19.30 horas.
Baixo o título Rosalía no son e na voz de Amancio Prada, o acto é un agasallo do músico berciano no día do aniversario do nacemento de Rosalía (Santiago de Compostela, 24 de febreiro de 1837-Padrón, 15 de xullo de 1885), figura clave do Rexurdimento.
O Concello da Estrada celebrará ese día acompañado por mozas e mozos dos colexios e institutos do concello así como do grupo Cantar a Mares.
A Fundación Rosalía comeza os actos do Día de Rosalía cunha homenaxe á poeta e a José Afonso (que morreu o 23 de febreiro de 1987). Os actos terán lugar no auditorio da Casa de Rosalía:
18.00h: Conferencia: “Minho / Galiza – 2.000 anos de mãos dadas”, de Eduardo Pires de Oliveira.
19.00h: Concerto do grupo Canto D´Aqui (Braga) con repertorio de José Afonso e Rosalía.
Esta mostra conta coa colaboración da Fundación Rosalía. O libro inclúe imaxes relacionadas coa vida de Rosalía, cos lugares nos que viviu e coa trascendencia que acadou a súa figura.
As poetas, as letras e os cometas co Colectivo As Raiolas Obradoiro de escrita creativa cun achegamento á figura de Rosalía e doutras poetas galegas.
Para rapaces de 7 a 12 anos.
Precisa inscrición.
Celebramos o aniversario do nacemento de Rosalía de Castro cun obradoiro dramatizado sobre a grande escritora galega. Rosalía sae dos libros para levarnos a un mundo cheo de palabras e poesía a través de xogos de creación literaria. Un xeito divertido, vivencial e inesquecible de coñecer a Rosalía que ri, que xoga e que canta a Galicia.
Para nenos e nenas de máis 5 anos.
Entrada libre.
Neste obradoiro explorarase a vida de Rosalía e narrarase mediante a técnica do Kamishibai.
O primeiro día debuxarases as láminas e escribirases o texto, e o segunda farase a lectura no noso teatro de papel.
A cargo de Gisela Pérez e Cristina Señaris, estudantes en prácticas de Animación Sociocultural.
Para nenos e nenas de 7 a 12 anos.
Exposición de documentos que posúe a biblioteca relativos a estes temas propostos, completados con bibliografías e, en ocasións, con fotos e textos para conmemorar deste xeito o Día de Rosalía.
Partindo da lectura dun poema de Rosalía de Castro, as rapaces e rapazas comentarano e traducirano a imaxes a través dunha ilustración. Os participantes fan tamén un mural conxunto.
Técnica: recortables, debuxo, pintura.
Actividade que se realiza coa Escola Lucense de Tempo Libre.
Sala Multiusos para 20 nenos e nenas de 4 a 12 anos.
A protagonista desta produción é Rosalía de Castro.
Utilizando monicreques de mesa e as ferramentas da narración oral tradicionais, danse a coñecer pasaxes da vida e algúns dos poemas de Rosalía, da man da actriz e titiriteira Larraitz Urruzola.
Xogando a crear atmósferas poéticas, situacións que xorden da transformación dos obxectos e espazos, contribuíndo a iniciarse no mundo da poesía, dos contos e do teatro a través da inventiva, da creación efémera e espontánea.
