Día de Rosalía

Co gallo do Día de Rosalía, Narón acolle diversas actividades entre as que se encontra a lectura pública de textos de Rosalía de Castro na Biblioteca municipal ás 12 horas e, posteriormente, pola tarde a presentación do audiovisual e do libro Ariños Aires, de Xurxo Lobato. Ademais, a  Concellaría de Ensino, Bibliotecas e Normalización Lingüística do Concello de Narón ten programadas varias iniciativas para celebrar o Día de Rosalía. Repartiranse caraveis nas librerías de Narón para agasallar as persoas que nesa data merquen un libro en galego.

A Universidade de Vigo convida, dende o Campus de Ourense, a que os membros da súa comunidade universitaria transmitan a importancia da figura de Rosalía de Castro a través de pequenas gravacións de vídeo de 20 segundos na que se recite un pequeno fragmento ou estrofa dalgún poema da autora. Un xurado nomeado pola Vicerreitoría do Campus de Ourense seleccionará os traballos pola súa calidade, orixinalidade e capacidade para visualizar as partes da obra de Rosalía menos populares. Os premios consistirán en lotes de libros, de discos e de elementos publicitarios do campus de Ourense.

Homenaxe a Rosalía polo 180 aniversario do seu nacemento en Padrón cunha homenaxe que comeza na estatua do espolón e paseo polas rúas co Caldo de Gloria ás 13 horas. Pola tarde, proxectarase o filme gañador de Curtas para Rosalía 2016 e celebrarse un concerto de Ialma. A tarde de homenaxe remata coa preparación de degustación dun Caldo de Gloria na Casa de Rosalía e posterior foliada polas rúas de Padrón.

Máis información, aquí.

A Casa-Museo de Rosalía celebra esta efeméride tan especial en Santiago de Compostela -cunha ofrenda floral e un concerto no Hostal dos Reis Católicos- e tamén en Padrón, na Casa de Rosalía

Acto central do Día de Rosalía de Castro no Concello de Ames O auditorio da Casa da Cultura de Bertamiráns acolle o acto central de homenaxe á escritora. A entrada ao acto literario-musical é libre e gratuíta. Hai lecturas, dramatizacións e vídeocreacións con poemas rosalianos e música a cargo da vocalista e compositora, Najla Shami, que no 2013 publicou Na lingua que eu falo. Ademais, dous rapaces do Milladoiro Eric Fungueiriño e Noe Cutrín van a facer unha versión rapeada do poema rosaliano A xustiza pola man.

O Servizo de Normalización Lingüística, en colaboración coa Asociación Cultura Eira Vella e coa participación do alumnado do CEIP Francisco Vales Villamarín, do IES Francisco Aguiar e mais a Asociación Cultural A Fuliada, realiza o acto de homenaxe a Rosalía de Castro, nun acto que presentará Isabel Risco e pechará Najla Shami.

Na véspera do 180º aniversario de Rosalía de Castro desenvolveranse en Rianxo actos en honra.

Ás 19.30 horas, diante do monumento de Rosalía no Paseo da Ribeira ten lugar unha lectura pública, intervención de autoridades e ofrenda floral. Intervención musical a cargo de Sabela Galbán Rodríguez Rianxeira, Oli Xiráldez, Gustavo Couto Rodríguez e Alberto Pires. Artesán de Gaitas Galegas. interpretando a "Alborada de Rosalía"

Homenaxe con poesía e participación de Afra Torrado, Antón Blanco, Iria Alejandra Pazos, Lucía Novas, Malvares de Moscoso, Genaro da Silva, Pablo Rodríguez e Tamara Andrés. Completa esta homenaxe o concerto poético de CintaAdhesiva.

El Patito Editorial vén de rematar a súa colección de poesía completa de Rosalía ilustrada por artistas do país. Para conmemoralo a editora celebra durante este mes unha exposición na Galería Sargadelos de Santiago cunha escolma destes ilustradores: Fausto, Pepe Barro, Álvaro de la Vega, Manolo Figueira e Xurxo Alonso. O último libro, En las orillas del Sar, será presentado o día 21 ás 19:30 na propia Galería, nun acto poético e musical que tamén servirá para lembrar a Fran Pérez, Narf, recentemente falecido.

Na exposición, que segue a súa itinerancia por Galicia, Xurxo Lobato fai unha homenaxe a Rosalía de Castro con 50 fotografías nas que describe unha xeografía vital da escritora.

A principal finalidade desta iniciativa, organizada pola Fundación Rosalía e a Obra Social La Caixa, é transmitir ao público o coñecemento dunha das figuras clave das letras galegas e da proxección dos valores da nosa cultura.