A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
O concerto compónse de cancións feitas polo dúo con extractos de Cantares Gallegos, obra de Rosalía. Algunhas pezas son con harmonio, de ritmos populares e alegres e outras son con piano. Complétase con cancións que fixo o dúo con poemas que outros autores dedicaron a Rosalía de Castro, como Curros, Otero Pedrayo e García Lorca. Habitualmente incluimos algún tema con letra nosa, como Nana do Couto Mixto ou Alalá dende Turín.
Los Jinetes del Trópico, loitamos sen lanternas! Despois de varios anos de constante evolución, os Jinetes estabilizanse cunha formación disposta a loitar nos mellores escenarios.
Cumbia, ritmos tropicais, reggaeton galego e moito máis! Todas as cancións reflicten o compromiso, a creatividade, o amor, a festa e os soños destes novos Jinetes. Lonxe de asentarse despois de sacar o disco e varios sinxelos, a máquina non para e os Jinetes teñen moitas cancións na recamara que sairán mes tras mes durante o verán.
Unha experiencia cultural diseñada e executada por unha profesonal da pedagoxía da danza, animadora sociocultural e xestora cultural
Marta Doviro criouse na Costa da Morte. En “Memorias dunha rapasa da costa” Marta fala do seu periplo polas distintas vilas do lugar nas que viviu durante gran parte da súa infancia ata hoxe. Retrata en clave de comedia, o carácter carismático das súas xentes, experiencias, vivencias e ata historias reais de piratas. Ademáis, como cinéfila empedernida que é, obsequia ao público cun divertido paralelismo entre a nosa realidade (a realidade galega) e a realidade “hollywoodiense” (a que vemos nas películas).
EXTRA! é un espectáculo baseado no libro-cd “Extra!” editado por Kalandraka Editora, na que se combinan cancións e interpretacións cos rexistros máis divertidos.
Chega o “xornal musical” que Paco Nogueiras ideou para compartir con todas e todos vós. En EXTRA! os temas dispóñense en distintas seccións onde cada composición aborda noticias nacionais e internacionais, sucesos, información social, cultural e divulgativa, deportes, opinión, pasatempos e ata unha axenda de actividades.
A Toupiña e o seu axudante Protonio andan a buscar ás persoas científicas do futuro e para iso exploran facendo divertidos e dinámicos experimentos utilizando o método científico, promovendo a curiosidade e mostrando a gran importancia que ten o facer preguntas para aprender e avanzar.
As bandas de dixie son treméndamente versátiles, integradas por instrumentos acústicos que resultan fáciles de transportar, caracterizando o seu son alegre, festivo e desenfadado, moi característico do carnaval de New Orleans.
O noso repertorio comprende os temas máis coñecidos entre os anos 20 e 30 cando o swing e os himnos causaban furor entre as masas.
Damas e cabaleiros, nenos e nenas, o espectáculo que todos estiveron esperando. Raquel Feroz, a auténtica Raíña do Circo, deixarache pampo virando sobre o seu trapecio. Girisho, o Gran Ditador do Circo, sorprenderache coa súa forza e estupidez. Xuntos danche circo 100% puro. Alto en acción e baixo en conversación. Alto en satisfacción e baixo en decepción. Alto en irresponsabilidade e baixo en precaución. É rápido, é divertido, é acrobático, é fermoso. Viaxaron polo mundo realizando as súas incribles habilidades e agora preséntanche a súa obra mestra. Tes sorte, Somos Circo!
Primordiais, grupo formado por Marcelo DoBode e Luis Martíns, dous músicos do ámbito da música galega folk máis actual. Os dous artistas invitannos a unha viaxe polos belos xardíns onde medran e afloran toda a beleza que une o arpa coa voz e percusión máis terreal. O seu primeiro traballo «Droguería Moderna» é un exemplo de que a tradición musical galega continúa creando e innovando.
Neste espectáculo veremos unha aloucada entrada en escena coa Testarrosa, o miniciclo de Peter Punk. A máxica desaparición dun globo no seu bandullo. A destreza dun voluntario con tres aros e un trebello baleira ideas. E como colofón, un final único no mundo: A CHUNGATRONA!! Un aparello pensado por un pallaso, que manterá ao público en tensión ata que… algún incauto resulte totalmente mollado e a cara cuberta de tarta. Todo isto, para desatar a risa, a diversión e a loucura do público: nenas, nenos e maiores.
