Cultura no Camiño

Desastronauts chega cun incrible espectáculo de acrobacias aéreas que inclúe técnicas de trapecio en voo, unha especialidade tan espectacular, como arriscada e pouco habitual.

Unha muller forte, intelixente, atractiva e divertida topa cun home... Estúpido. El ha facer o que sexa para estar con ela, e ela fará todo o posible por escapar. Ela é dona de si mesma, el é infantil. Veremos como a súa loita frenética vaise intensificando a medida que atopan un trapecio de balanceo, cordas aéreas e un hula-hoop de lume.

O mago Antón  emprendeu no 2018 unha nova aventura no magomobil coa idea de achegar a maxia a todos os concellos de Galicia.

O magomobil é un vehiculo deseñado para a presentación de espectáculos de maxia para un máximo de 70 espectadores por función. Faranse cinco funcións en horario de mañan e tarde. Un espéctaculo de 45 minutos   para todo tipo de público (de todas as idades e moi axeitado para grupos familiares: netos, pais abós..) no que se suceden a un ritmo trepidante unha ducia de xogos de maxia, todos eles de creación propia do Mago Antón. 

Un cabaleiro quedou preso na súa armadura. Agora a súa familia non sabe cal é o seu verdadeiro aspecto. A súa esposa máis o seu fillo loitan desesperadamente por liberalo. Función de monicreques dinámica e amena para tod@s cunha mensaxe moi importante sobre a igualdade de xénero.

Brassica Rapa é un grupo de música popular nacido a finais do 2017 buscando darlle unha volta ao concepto de charanga. Formado íntegramente por rapazas, tocando instrumentos de vento metal e percusión crean unha atmosfera alegre coa súa música, de repertorio coñecido e fresco, coa que a festa está asegurada. Dúas trompetas, dous trombóns, un saxo alto, unha tuba, unha caixa e un bombo compoñen o seu persoal, que pretende reivindicar a presencia da muller neste tipo de agrupacións a través da troula.

Elenco: Dani Blanco

Volve Rogelio, cun espectáculo desde a súa casa. Unha cura colectiva para perder o medo. Unha terapia de choque. Cos números de circo máis terroríficos que xamais se viron e que nos porán os pelos de punta.

Malabares, faquirismo, acordeón, equilibrios e moitas sorpresas máis non aptas para cardíacos.

“Para facer un universo truncado, tan só precisamos vintecinco paus de madeira ou metal” 

VOO é a quinta das pezas creadas por Anxela Blanco. Unha peza de danza acrobática para rúa, unha reflexión familiar sobre as personas desprazadas e a necesidade de unirse para construir unha solución. Arquitectura, Atlas e o desexo de bailar.

Elenco artístico

Vero Rilo
Sonsoles Penadique

Arre Ru é unha palabra que vive na boca, non quere dicir nada, pero o A abre o asombro, o RRE a repetición, e o RU a delicadeza.

Un espectáculo máxico e literario, cargado de ilusións sustentadas na narrativa e poesía, na figura ensaista e lingüista, en resumo, nas sorpresas da vida e obra de Carvalho Calero.

Dende Ferrol até Lugo e Santiago, pasando por “O silenzo axionllado” ou “Scorpio”, xérase unha trama tecida no encantamento das palabras do creador da inxente: “Historia da Literatura Galega Contemporánea”

En 1961 publicouse en Buenos Aires un dos libros máis singulares da literatura galega. O máis editado, lido e traducido. O que todos lembramos con tenrura. O que todos asociamos con algunha vivencia propia ou herdada. Estamos ante unha importantísima celebración para a cultura galega: O 50 aniversario da 1ª edición das Memorias dun neno labrego

A Maxia do Mago Rafa afástase da maxia máis convencional. En todos os seus espectáculos hai varios denominadores en común: humor, tenrura, unha excelente técnica interpretativa, unha fantástica selección musical, unha escenografía moderna e espectacular e maxia moi orixinal e impactante que comunica a través do absurdo e do cotián.

Moitos definen os seus espectáculos como "A Maxia diferente, a próxima e a de verdade".

Este espectáculo realízase en formato Gala e Rafa conta coa colaboracion de magos de recoñecido prestixio Internacional.