Cultura no Camiño

• Sobre o escenario ou no seu mítico carro amplificado remolcado por un motocultor, os Festicultores convirten cada festival ou verbena pola que pasan na maior pista de baile do mundo.  
•     Os máis experimentados cultivadores de festas de Galicia volven á carga coa súa  mestura de humor, performance e música festeira que non deixa indiferente a ninguén. As atmósferas ciganas e festeiras coas que enchen as rúas e os escenarios fan que o público non deixe de bailar no que dura a festa.

Unha mostra da nosa terra galega coa actuación do actor BRUXO e do seu meiga que invocarán aos Deuses Celtas a través de de o lume, música e a forza escénica, onde mesturasen a tradicional queimada coas novas tendencias escénicas. Conservando en todo momento a exaltación da nosa terra galega a través, das bruxos e bruxas, da Santa Compaña, da Queimada, etc. Os actores interactúa co público facéndoo partícipe do espectáculo.

Beo beo, o Xacobeo, porque é un milagre ter dous xacobeos… Con este lema o grupo musical De Vacas presenta nova xira, reclamando máis anos xacobeos e establecer así un nexo de unión eterno co próximo Xacobeo 2023. Porque un gran fito merece unha conmemoriación excepcional, sen fin, coma aqueles veráns da adolescencia, ou o sabor do primeiro bico con lingua. As súas músicas celestiais son un refuxio para aliviar o cansazo de milleiros de peregrinos que chegan á nosa terra diariamente.

Carapaus é un grupo de música tradicional formado en Santiago de Compostela no verán do 2010.

BLACK e un proxecto musical coruñés que reinterpreta grandes éxitos da música negra. No seu formato acústico levan dende 2014 amenizando diversos espazos de toda a comunidade autónoma co seu espectáculo "Un paseo pola música negra". Tras o éxito dos especiales “Música do Nadal”, “Soul e literatura” e “Voces de muller” agora chegan co espectáculo “Especial Amy Winehouse”, un espectáculo deseñado ca intencionalidade de percorrer a vida da admirada cantante británica e poñer en valor a significativa mostra de talento que ofreceu na súa corta existencia.

O Polbo finalmente escapoue e o noso gran Cheff anda a súa procura polas rúas, pois xa non é posible preparar as súas xeniais “tapas de polbo á feira”.

Unha fantástica actividade de pasarrúas moi dinámica, interactiva e dinamizadora co público asistente.

A Banda Xangai é moito máis que un grupo: colle prestado o alcume do tren que durante décadas uniu Galicia e Catalunya.

“EUFORIA” é o espectáculo de gran formato de Dani Polo, xoven mago galego, finalista do programa “Pura Magia” de TVE e premiado en diferentes puntos de Europa.

Presenta un espectáculo único, cun ritmo trepidante onde todo, absolutamente todo, é posible, dende persoas que aparecen ou se cortan pola metade ata espectadores que conseguen voar. O humor, a participación do público e sobre todo a maxia máis espectacular son as claves da proposta. Unha iluminación coidada, unha posta en escena impecable con grandes aparatos e efectos pirotécnicos farán que non poidas nin pestanexar.

Neste contacontos musicado, Xoán Curiel narra a súa propia experiencia naquel verán no que decidiu montar a súa propia banda de música "A banda do verán".

Os rapaces e rapazas asistentes participan activamente sendo invitados a, tamén eles, imaxinar que poden montar a súa propia banda, compoñer e crear as súas propias cancións. Un espectáculo moi participativo onde se mesturan a palabra contada e as cancións con elementos teatrais e de clown.

Esta proposta ten participado nestes últimos anos en diferentes programas de normalización lingüística por toda a nosa xeografía.

Novo disco e novo espectáculo: "Xabón Lagarta", inspirado no universo vital das lavandeiras e neses espazos de liberdade, confidencias e insubmisión que eran os lavadoiros. O pasado e o presente. As experiencias e as conquistas herdadas. O berro confiado porque antes outras berraron por nós. A busca do noso lugar nesta gran espiral que é a vida. Tirando do fío para traelo á actualidade desde un punto de vista moderno e contemporáneo, cun espectáculo moi coidado a nivel escénico.