Cultura no Camiño

10 temas, 10 maneiras de mover o corpo... De grooves descarados e onda moderna, ao novo álbume da vocalista, galardoada e dúas veces nominada aos Premios Martín Códax da Música (Galician Music Awards, categoría "Blues, Funk & Soul" e "World Music"), flúe por estilos como o Neo Soul, o R&B Contemporáneo e as chamadas Músicas do Mundo, interpretadas aquí na súa vertente máis persoal dando vida propia a un disco ecléctico, diferente, e de coidada produción sobre a que repousa a súa xa inconfundible voz.

Música: Olga Brañas 

Arranxos: Pedro e Pablo Pascual (Marful) 

No espectáculo somos sete músicas (Lorena Sotelo VOZ, María Blanco VIOLINO, Olalla Rodríguez CLARINETE, Olalla López SAXOFÓN, Olga Brañas PIANO E PANDEIRETA, Raquel Huete TUBA E BAIXO e Marta Figueiredo PERCUSIÓN).

Na actualidade estamos gravando o noso primeiro disco no estudio A Ponte (Tomás Ageitos), que presentaremos na primavera da man da Editorial Galaxia.

Os nosos Piratas desembarcan en busca de nova tripulación para ou seu barco , son algo brabucons e mostran todas as súas habilidades, pero todo aquel neno ou meniña , pai ou nai , que sexa capaz de pasar as probas con eles , terán a sorte de poder embarcar non seu barco e sucas vos sete mares.

Espectáculo para todos vos públicos , non que se mostran diferentes habilidades cicrcenses , e unha constante interacción co público .

Elenco: Marcos Bejarano e Jonathan Valencia

Dúas bailarinas e dous cables de funambulismo dirixidas por un pallaso.

Up2Down é un espectáculo de danza-circo contemporáneo no que o humor e a danza mestúranse cunha disciplina circense nova en Galicia: O funambulismo; creando un universo singular no que dúas personalidades cohabitan ao redor do arame circense.

Elenco: Marta Alonso e Paula Quintas

Ula Lúa é un espectáculo dirixido a un público familiar, onde valores como a tenrura, o respecto oua solidariedade cobran importancia para levarnos a un mundo ondea violencia non ten cabida e a ilusión fai dos soños unha realidade.

A gatiña Lúa non ten irmáns e a avoa non lle deixa saír fóra, mais ela soña con viaxar, coñecer novos lugares e ter amigas para xogar. Cando logra saír atópase cun gato que tamén intenta impedirlle que realice os seus soños, pero Lúa di NON, porque ninguén ten dereito a destruír os seus soños e ilusións.

Actores manipuladores: Eduardo Rodríguez "Tatán", Miguel Borines e Andrés Giráldez

Tres trogloditas convídannos a entrar no primeiro teatro da prehistoria: a cova, onde asistir a un cómico espectáculo cheo de humor e tolería. Da man dos Monicreques e das súas primitivas habilidades imos coñecer a singular forma de vida dos nosos antepasados máis divertidos.

Unha sorprendente ambientación, a orixinal linguaxe e unha prehistórica escenografía farán que o espectador perda durante a representación o sentido do tempo e do aburrimento.

Peter Punk é xa unha personaxe e un espectáculo de referencia en calquera programación de Galicia.
Gañador do Premio do Público do Mundoclown 2008 e recentes xiras por Canarias, Madrid, Brasil, Portugal, Palestina, Cataluña, Asturias, ....

Autor: Nelson Quinteiro Roia

Un orixinal espectáculo para nenos e nenas de todas as idades que consiste na instalación dun vistoso teatrillo na túa rúa, praza ou teatro, a modo dunha barraca de feira ou de circo antigo e no que o mestre de cerimonias "Pedrito Mendrugo" e a súa pulga "Jacinta Florette" farán as delicias dos máis pequenos e tamén dos máis creciditos transformando algúns contos populares desde un punto de vista moito máis cómico e actual.

Un par de trapeiros chegan a unha parada no seu camiño despois de días de longa viaxe cara á Feira do Vento. Traen consigo unha carga enorme de todo tipo de obxectos estraños: cortinas rimbombantes, paus de todos os tamaños, bolsas das que despuntan teas dunha chea de tecidos e cores distintas, e algo que semella ser unha enorme e aparatosa mochila de madeira. Abraiados ante a abundancia de público, dispóñense a situar as súas pertenzas no espazo con ánimo de venderlle algunha aos alí reunidos.

Percorrido polas composicións máis lexendarias do grupo Milladoiro dende as súas orixes ata hoxe. Unha homenaxe á longa traxectoria do grupo folk galego por excelencia.