A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Elenco: Diana Mera e Jorge Gallardo
Sinopse:
Lembra que ti tamén tes alma de animal
A partires desta idea esencial, establécese un reencontro cos animais como seres vivos únicos, sabios e inocentes dos que temos moito que aprender de establecermos unha relación equilibrada e orgánica, afastada da consideración de obxectos da nosa propiedade.
Un espectáculo diferente, innovador e creativo froito de unir a música celta, a cultura e mitoloxía galega e os antepasados históricos con influxos nórdicos, fusións étnicas e tradicionais.
A posta en escena é unha viaxe de retorno ás nosas herdanzas culturais, pasando por poboadores castrenses, celtas, romanos, suevos, e incluso polas tribus indíxenas.
A simbiose da música, a representación escénica e a iluminación forman un conxuro máxico que envolve ó público durante 80 minutos
Este concerto propón a recuperación do harmonio de igrexa como instrumento concertístico. Se hai un harmonio en estado como para ser empregado, o grupo habitualmente realiza polo menos 2 cancións co harmonio da igrexa. Ademáis, o harmonio portátil, ó lado da nickelharpa e a percusión, acompañando a voz. crean un concerto máxico e particular. Ó final do concerto os músicos adoitan a conversar co público que se queira achegar a coñecer estes instrumentos.
Un espectáculo enfocado os mais pequenos da casa no que mediante fábulas, contos, maxia interactiva e sombras chinescas os nenos desfrutarán dunha experiencia inolvidable
PRESENTADOR: MIGUEL APARICIO
ACTORES: Mago Deimi, Isla Letriska, Alberto Gómez, Pepe e Juan Collazo
A proposta que propoñemos está pensada para un público familiar e en clave de humor, pois hoxe as familias precisan ter unha vía de escape que rompa ca rutina que a pandemia impuxo e, sen dúbida, rir é a mellor receta.
Este espectáculo musical e teatral, que está a recibir moi boas críticas de prensa e público, ven da man dun libro-cd editado por GALAXIA.
A Casa do Terror é moi potente, moi rockeiro e sobre todo moi participativo. Ten influencias das películas de medo dos anos 50 e 60 e imaxinarios como A Bola de Cristal, A familia Adams ou Scooby Doo. A enerxía acadada co público neste espectáculo é moi alta.
Temas propios, versións de cancións populares, divertidos arranxos para un programa que transita por todos os estilos: latino, clásico, jazz, swing, bandas sonoras…
Que acontece cando parte da banda chega tarde e despistada ao lugar do concerto? Unha sucesión de situacións cheas de humor, de improvisación, de solucións disparatadas, pero sempre acompañadas pola mellor música.
Unha nova produción con ritmo, máis ritmo, que fará gozar, bailar e rir ao público.
O Mago Charlangas invítanos a viaxar a través do tempo co seu espectáculo @Temporal, onde a maxia e o teatro mestúranse creando unha historia na que navegaremos pola nosa imaxinación.
Un número de ilusionismo co que gozaremos de xogos con cartas, bolas, moedas, billetes e máis sorpresas que nos farán pasar unha leda xornada chea de maxia.
Coñeceremos a un científico tolo e os seus incríbles experimentos para adentrarnos nunha viaxe co Pirata Barbanegra na busca de máxicos tesouros
Estes policías encargaranse de poñer orde e respecto nas rúas, á súa maneira!!. Personaxes cómicos que basearán a súa animación na interacción constante con todos os peóns, á vez que publicitan e difunden a actividade que se lles encomende.
No ano 2007, na Pontraga, xorde Bouba, un grupo de mozas dispostas a tomar o legado que lle ofrecían os máis vellos cantadores e bailadores da zona, converténdose nas herdeiras e transmisoras da cultura do país e da festa ben feita.
Bouba non é soamente un grupo de música tradicional, somos moito máis e Vinculeiras é un paseo pola xeografía Galega e os seus cantos e toques máis auténticos.
As Bouba ben encaixamos en calquera tipo de festa ou encontro, romaría de campo ou evento de pitiminí, aquí ou alá e incluso no estranxeiro.
