A sexta edición de Cultura no Camiño desenvolverase do 16 de abril ao 30 de setembro nun total de 103 concellos situados nas diferentes rutas xacobeas de Galicia.
O programa xurdido ao abeiro da conmemoración do VIII Centenario da Peregrinación de San Francisco de Asís a Compostela desprega unha carteleira de 342 actuacións escénicas e musicais, protagonizadas por 146 formacións artísticas galegas. Artículase como un circuíto de espectáculos que ademais de contribuír á descentralización da oferta cultural, amplía as posibilidades de distribución do teatro, a música, a danza, a maxia e o novo circo producidos de maneira profesional na nosa Comunidade.
Con iAlma é un espectáculo de baladas e boleros, de sona e recoñecidos, de sempre que agochan unha historia real de vida nas súas letras ou na súa música, versionados para piano e voz.
Neste acústico pretendemos sentir a música dunha maneira máis íntima, e trasladalo dun xeito sensible ó noso público. Queremos narrar vivencias, historias reais, cantadas e contadas, dende a ialma.
Vén coñecer con Pitusa Semifusa os instrumentos da gran familia da música. E a cantar e bailar con ela. Coa rapaza máis cantareira que nunca houbo no mundo.
Pitusa Semifusa é un mollo de cancións de Olga Brañas protagonizadas por unha nena dese mesmo nome, neta dunha famosa directora de orquestra. Pitusa, a avoa e o irmán de Pitusa irán explicándolles ás cativas e aos cativos as familias de instrumentos musicais nun espectáculo participativo, divertido e didáctico.
BENVIDAS Ó FUTURO é un disco que mira ó pasado (facendo alusión ó primeiro disco da banda, Disparados ó futuro, lanzado no 1997) pero sobre todo ó momento presente.
Tras dezaioto anos de existencia a banda Pepe Vaamonde Grupo quere festexar a súa maioría de idade ofrecendo un espectáculo en directo para esta tempada, composto polos mellores temas dos seus catro traballos discográficos.
Cancións tradicionais e pezas instrumentais de composición propia que superaron o filtro do público ao longo de todos estes anos.
Xornada de tres pezas de danza contemporánea para ser representadas no mesmo día
Chey Jurado, Akira Yoshida
Este é o ano da escritora e tradutora Xela Arias. Con este motivo ven de estrearse a obra inédita “NON TE AMOLA!”; a única das súas obras dirixida ao público infantil e única dentro do estilo narrativo. Trátase dun texto en gran medida autobiográfico sobre a súa nenez que como un moderno “Memorias dun neno labrego” conta a esencia dunha xeración enteira de nenas e nenos galegos que viviron a súa nenez nos anos 90 do século pasado.
Concerto de Paloma Suanzes cos seus arranxos de música folk, guitarra e voz en acústico que non deixarán indiferentes ao público.
Nesta ocasión está acompañada por Tania Capón (violín e voz), Maite Belon (pianista) e Sofía López (voz)
Pandeiretas e Adufes son perfectos aliados da copla, gala do xardín encantado da lírica galega como dicía Cabanillas.
O novo traballo de Xabier Díaz (Berroguetto, NovaGalega de Danza, aCadaCanto) xunto coas Adufeiras de Salitre, un grupo de percusionistas e cantoras de música popular, preséntase como o lugar onde a tradición non esmoreceu, onde queda sitio para o baile e o aturuxo…
Que pasa cando dúas amigas non se ven dende hai tempo? Que se traen entre elas?
Intencións e emocións ocultas expostas á mirada da xente que pasa ao redor desta casa sen paredes
Risas, mimos, líos e anécdotas pasan neste piso moderno de 12 metros cadrados ...
Moita, moita historia é a que teñen entremáns elas dúas. Compartindo a súa intimidade co público achegado.
Elementos: Mástil chinés, acrobacia, manipulación de obxectos dende o prisma do teatro físico e a danza contemporánea.
Compañia Duelirium. Formada por Raquel Oitavén e Mercé Solé.
VERTO son dous rapaces máis ou menos de Santiago que fan, antes ca nada, música Pop, da moderna, da de agora. Teñen influencias do trap e do R & B máis actual, pero miran con ansia cara a música dos anos 80.
