Cultura no Camiño

Ao ritmo de música discotequera dos '80, este par de zancudos non pararán de bailar, animando a todos os presentes a que se unan a súa Funky-Party móbil polas rúas da Vila.

Maxia para soñar é un espectáculo sorprendente,para gozar en familia, onde o ilusionista  Mago Marco propón unha viaxe de soños envolto en misterio

Diferentes artistas circenses deleitarannos ó longo dunha hora e media con números de clown, malabares, equilibrios, acrobacias aéreas e moita interacción co público. O Circo Moc Moc é un espectáculo familiar, único e irrepetible, que fará vibrar a todo o público coa súa maxia.

Adaptable tanto a interior como a exterior; consultar condicións técnicas en cada caso.

Culturactiva SCG presenta Sénior, un espectáculo cómico sobre a crise dos 50.

Cos coñecidos e populares actores Luís Iglesia e Marcos Orsi como protagonistas, e dirixida por Avelino González, trátase dunha reflexión en clave de humor sobre a chegada ás portas da terceira idade. Cando se abandona a madurez e se comeza a ser sénior? Estamos realmente aviad@s para os retos e problemas que se nos botan enriba ao cumprir o medio século? E, sobre todo, estamos preparad@s para ser vell@s?

PERFUSIÓN: unha mistura única, natural e enerxética da música e baile galego coa música e a danza africana. Un espectáculo visual e sonoro, no que as vibrantes percusións, as dulces melodías e as fermosas danzas de ambas culturas, son fusionadas de xeito orgánico para facer desfrutar a todo tipo de públicos. Estas 3 mulleres e 4 homes galegos/as demostran, coa súa sorprendente proposta, que a unión de culturas a través da arte é unha ferramenta potente para promover a solidariedade e a empatía entre os pobos do mundo.

Unha traxicomedia biodegradable e ecosostible arredor da obsolescencia programada, da relación do ser humano cos obxectos e da degradación ecolóxica do planeta por mor da perversa lóxica capitalista, do crecemento e do consumo masivo de produtos.

Elenco: Marián Bañobre e Avelino González

Nas culturas celta, babilonia, sumeria, etrusca, nipona, azteca, semita, mesopotámica, exipcia, chinesa, xermánica, nórdica, lituana, grega e romana o pobo rendiu culto a distintas deusas da sexualidade, os desexos e mailo pracer. En Galicia, nos tempos que corren, a carnalidade e o instinto teñen templo en case cada casa no corpo de cada muller. Non é o mesmo ser divinidade que diva. Pero por sorte as divas son moito máis fáciles de alcanzar.

Co gallo do galardón das Letras Galegas 2020 a Carvalho Calero homenaxeamos a súa figura e ideario lingüístico con música e contos. A nova proposta do dúo Rilo & Penadique convídanos a unha viaxe polas terras da lusofonía para contar, cantar, bailar e brincar cos contos de tradición oral e a música.

Dequenvessendo é un grupo de música galega que nace no 2016 dentro da Asociación Cultural Triskell de Armentón (Arteixo), coa idea de formar un proxecto baesado nos cuartetos de música tradicional. No seu inicio, estaba formado por Bieito Romero Diéguez, Miguel Ocampo Bermúdez e os irmáns Miguel ePablo Rosales Reboiras.

Pouco a pouco comezan a introducirse no folk, inspirados na forma de facer música de grupos como Luar na Lubre, Milladoiro, Silly Wizard ou The Tannahil Weavers, claramente enmarcados no folk celta atlántico.

Atención! Este espectáculo está en obras. Si: está sen acabar. Pero non vos preocupedes. Temos un andamio, tubos de antenista, unha guitarra eléctrica cun looper, unha batería cun capacho e un caldeiro, ferramentas... e a axuda inestimable do público.

Malo será que entre tod@s non acabemos estas historias cheas de música e ritmo. Osos tristes, extraterrestres que viaxan en caldeiros de fregar, cans de palleiro que se converten en superstars...

A nova tolería de Brais das Hortas. Narración, música, títeres, instrumentos con obxectos e moita interacción co público.