O Souto dos Prodixios conta a historia de Curuxiño: O gardian do Souto dos Prodixios. Un lugar no que todo pode suceder. Non hai nada imposible baixo os castiñeiros: Os ourizos falan en varios idiomas, os raposos cantan ópera lixeira, os sapos compoñen poemas que riman, os osos fan punto de cruz nas silveiras, temos xirasoles que dormen de día e as estrugas non pican se lles chiscas un ollo.
ZOOZOOM propón unha forma lúdica de gozar do teatro de rúa, para que toda a familia participe, se divirta, se sorprenda. Creando un orixinal parque zoológico de animais construídos con materiais sinxelos. De maneira, fácil, rápida e imaxinativa, os participantes transformaranse en xirafas, flamencos, elefantes, peixes, cangrexos, dinosauros,...
Sinopse: Sobre a figura dun adestrador de natación con alumnos infantís, recae a sospeita, manifestada polos pais dos rapaces, de que puidera tratarse dun pederasta. A sospeita –provocada por un feito con tantos argumentos para que sexa fundada como para que sexa absolutamente infundada– medra pouco a pouco e alimenta o medo, esa sombra negra que, ao que parece, xa se converteu en presenza inevitable na nosa sociedade. E a bóla medra, e non hai quen a parala; e o monstro do medo desemboca en violencia.
Pepino, Pepone e Pepuccia camiñan polo mundo debuxando no seu mapa os lugares por onde pasan. Estiveron en moitísimos países; o país das chuches, o país da música, o país das cores... e no país dos Mandóns... O seu paso por este país, coincidiu cun gran cambio. Grazas a Clara, este lugar feo e triste, converteuse nun lugar bonito e feliz. Dende entón coñécese como O país da Igualdade.
Ghazafelhos adapta nunha obra de teatro tres contos da colección A Igualdade Conta de Edicións Embora.
Pepino, Pepone e Pepuccia camiñan polo mundo debuxando no seu mapa os lugares por onde pasan. Estiveron en moitísimos países; o país das chuches, o país da música, o país das cores... e no país dos Mandóns... O seu paso por este país, coincidiu cun gran cambio.
Grazas a Clara, este lugar feo e triste, converteuse nun lugar bonito e feliz. Dende entón coñécese como O país da Igualdade.
Ghazafelhos adapta nunha obra de teatro tres contos da colección A Igualdade Conta de Edicións Embora.
A obra representa a historia dun pequeno ogro que vive só coa súa nai nunha casa no medio dun tupido bosque, apartado da comunidade. O día en que empeza a ir á escola e ve a outros nenos descobre a súa diferenza, non só no seu tamaño, senón tamén no seu instinto: é o fillo dun ogro que a súa nai amou de forma apaixonada.
O Ogrocho, cos seus seis anos, a súa forza extraordinaria e a súa terrible herdanza, intenta reconcíliarse coa súa parte oculta, dominar os seus instintos nun intento de parecerse aos demáis.. Para elo ten que superar tres probas....
O circo máis pequeno do mundo presenta co seu espectáculo The piojos Show. O persoal do circo encárgase de sacar os piollos dos cabelos do público asistente para que poidan ver o show, mentres tanto os zancudos do circo amenizarán a espera con música e interacción.
Érase unha vez Georges Méliès, "o mago do cinema", o primeiro home que viaxou á lúa. Na terra, acosado polos monopolios da incipiente industria do cinema, a familia Méliès converteu o seu estudo de cinema nun teatro de variedades.
Le Petit Studio Cinéma, onde se contempla unha máquina capaz de atrapar o tempo, e capturar a memoria en movemento dunha historia teatral, un lugar onde a fantasía e a maxia se fan realidade, un lugar onde se burlan os límites físicos do mundo real.
Capitán Maravilla o superheroe profesional que se ri do perigo e o mundo ri con el.
Nunha mañá soleada e primaveral, aínda que na tarde chovera un pouco, ao Rei dun reino o don da fala e da risa desapareceronlle.
O Rei non falaba, o rei non quería falar, tampouco quería rir. Os máis achegados ao rei, os asesores do reino e o pobo en xeral non sabían que facer… e pensaban, pasaron días, meses e case un ano, cando de súpeto xurdiu da néboa un bufón, ben, unha bufona, ofrecéndose para devolverlle o don da fala e da risa ao rei a cambio de case nada.
