Teatro

Gladys! Naciches para estar casada, din Papá e Mamá. Desgraciadamente ela é un pouco estraña e excéntrica, e a pesar de todos os seus esforzos, ela non chega a entrar no molde reductor dos roles asignados pola sociedade. Ás veces, sobre o fío da navalla, déixase ir resultando insensata, ata que lembra que é sensata.
Laura Herts embarca ao público nun mundo barroco, onde o mimo bordea unha presenza escénica desbordante. Coa felicidade no xesto, os golpes na cara ou os instantes melancólicos. A artista vibra en todos os sentidos e adestra aos espectadores no seu mundo extravagante.

Unha incrible historia de amizade, amor e paixón.
A encarnación do triunfo da beleza moral e da intelixencia fronte a fermosura física e o mundomaterial.
Unha traxicomedia do mellor Teatro Clásico francés para o público actual.

Este coñecido clásico represéntase en As noites teatrais de Vilamarín, onde a comedia é a protagonista nesta edición de 2015.

Percorrido, en clave de humor, a través da nosa historia: Desde os celtas e romanos, ata as máis recentes loitas tribais libradas nas "beiras" das nosas "fragas".
Leva ao público por todos eses períodos de luz e sombras, ás veces de apagón total que fixeron dos galegos o que hoxe son.

Esta actuación forma parte do cartel de As noites teatrais de Vilamarín

As fillas bravas son tres mulleres que tocan e cantan o que lles peta como antes fixeron a súa nai e a nai da súa nai, porque todas son fillas do vento, mulleres de andar a pé do toxo, orgullosas de vir de tras da silveira, cantoras dunha estirpe de voces furtivas que berran entre raposos.

As fillas bravas veñen para reafirmar modelos empoderados de muller, vencellados a expresións culturais tradicionais que agochan berros emancipatorios e cantos de rebeldía insospeitados.

PAN!PAN! conta a historia de Harry, un cowboy americano que viaxa de Mississippi a Arkansas perseguindo a un indio salvaxe que roubou á súa muller, da que está profundamente namorado.

A través da aventura deste antiheroe, o público redescubre ese mundo sen lei dos ranchos vaqueiros, das cantinas e dos desertos cheos de perigos. Coma nunha película do Far West, hai whisky, balas e country. Amor e vinganza a partes iguais.

Interpretación contemporánea da obra de W. Shakespeare "Ricardo III".

Un curioso cliente, que nunca antes estivera nun banco, vai pedir un préstamo para algo inusual, e o banqueiro á súa vez, quere amarralo custe o que custe...

Baseado no libro de poemas de María Canosa. Espectáculo multidisciplinar onde se mestura o traballo actoral, a manipulación de títeres e a poesía. Amosando a maxia e abundancia do patrimonio lingüístico e mariño galegos.

Nunha pleamar, o mar devolveu á terra historias que debían ser contadas. Por iso, a rúa apareceu chea de area e de zapatos.
Os paseantes pregúntanse asombrados Como chegaron ata aquí? De quen son? Que queren contarnos?

Andante é teatro de máscara que narra, de forma poética, sen palabras e cun coidado sentido do humor, historias que non deberiamos esquecer. Historias de zapatos anónimos en época de guerra. Zapatos que poderían ser os nosos.

Premio ao Mellor Espectáculo Rueiro de Euskadi. XVI. UMORE AZOKA 2015

Lectura dramatizada da obra: O chapeau do indixente, de Julio Fernández Peláez, dirixida por Tito Asorey e teatralizada por Melania Cruz e Alfonso Míguez.

Julio Fernández Peláez, 1963. Dramaturgo, novelista, poeta e artista visual. Desde o ano 2007 vive e traballa en Vigo. É cofundador e codirector da revista de artes escénicas Núa, coordinador do Festival Poéticas para unha vida e compoñente do colectivo de arte de acción Inaudita.