Teatro

A Companhia de Teatro de Braga viaxará ata Compostela en febreiro para representar o día 11 Um Picasso, de Jeffrey Hatcher, dentro do plan de intercambio e colaboración coa escena portuguesa que mantén o Centro Dramático Galego (CDG).

Esa representación forma parte da oferta do Bono de Teatro Galego e Portugués que manteñen o Concello de Santiago e a Axencia Galega das Industrias Culturais. O Salón Teatro, o Teatro Principal e a Zona C forman parte desta iniciativa, que posibilita obter 5 entradas para 5 espectáculos por un total de 35 euros.

Nesta ocasión o actor e presentador da Tvg Javier Varela presenta o seu espectáculo, acompañado por Rafa Durán como Mestre de ceremonias e Miguel Granero como director musical.

A compañía de teatro Talía leva ao escenario unha comedia escrita e dirixida por Avelino González, con María Ordóñez, Toño Casais e Artur Trillo.

Dirección: Avelino González
Elenco: María Ordóñez, Toño Casais e Artur Trillo
Xénero: Comedia
Duración: 55 minutos
Público: Xuvenil/ Adulto

Toño Casais e Artur Trillo de Talía Teatro afondan na situación sociolingüística de Galicia con Bicos con lingua; unha divertidísima comedia dirixida por Avelino González e galardoada co Premio María Casares ao Mellor Texto Orixinal e ao Mellor Actor Protagonista.

María Torres e Gonçalo Guerreiro - dirección

Carolo Losada Soto - escenografía

Dani Pais - iluminación

Marcia Edleditsch - vestiario

Ángela Blanca - coreografía

Esta é a historia dunha muller anana que vive á sombra da piedade dos habitantes dun pequeno pobo do interior. A anana, que mide só uns oitenta centímetros, torpe e ruda, sempre xemendo de dor, é para outras mulleres como un ser rastreiro, como unha nena que nunca crece.A súa existencia limítase aos ollos dos demais, á súa deformidade, a súa monstruosidade. Vive das sobras das persoas grandes, do amor posible, o amor dos infelices.

Noites de retranca fai os seus primeiros anos e para celebralo Manuel Manquiña e Rober Bodegas estarán en xaneiro no mítico Cine Teatro Salesianos de Vigo. Un espectáculo conducido por Mofa e Befa que fará rir e rir a cachón. Cinco anos repartindo risos a mancheas, complicidade co público e humor.

Chíos son trinta minutos de poesía sensorial para bebés de 0 a 3 anos e pais/nais acompañantes, con cantigas, bailes, música, poemas visuaiss, xogos e estimulación olfativa e táctil. Con este espectáculo os cativos descubren o mundo a través dos sentidos, transforman obxectos, disfrutan coa música e as palabras.

Autor e director: Artur Trillo

Elenco:
Marta Ríos
María Ordóñez
Diego Rey
Rubén Prieto

Sinopse: A avóa e a mamá están preparando a cea, e que cociñarán?, se pregunta a pequena bruxa. Achégase ao caldeiro e berra:

- Nooon!! Outra vez sopa de sapo!!! Todos os días sopa de sapo!!

- Ben sabes pequena, di a avóa, que para ser unha boa bruxa …ou sexa unha bruxa como ten que ser… ou sexa unha bruxa pérfida e malvada non hai nada como comer a diario sopa de sapo

Autor e dirección: Cándido Pazó

Elenco: Toño Casais e Artur Trillo

Sinopse: Unha situación, un conflito, personaxes e diálogo. Catro pés para o banco da comunicación teatral. Alquimia dramática entre o humor e a emoción, entre a dor e o pracer, entre o divertimento e a reflexión. En resumo, a fraxilidade humana resoando no fondo do precipicio.