Teatro

Este traballo representa o segundo capítulo dun proxecto maior chamado Will you still love me tomorrow?, unha investigación sobre os conceptos de tensión, a perseverancia e a resistencia (Folk-s, 2012 - UNTITLED_I will be there when you die, 2013 –AURORA, 2015). Neste novo traballo, o movemento malabar (o lanzamento de obxectos) evoca a fraxilidade da existencia humana. A idea é despoxarnos de todos os esterotipos que normalmente se asocian a esta arte circense na imaxinación colectiva, para permitir así a súa exploración como unha linguaxe.

La máquina de la soledad é a amplitude dun instante feito dunha tecnoloxía precaria, diminuta, invisible, que se activa cada vez que hai tinta entre as mans, de fronte a un papel, unha distancia, unha ausencia.

O duende Dada lembrará a Rosalía de Castro e deleitaranos cun repertorio de contos marabillosos, nos que se traballarán valores como a convivencia, a igualdade e o respecto polo medio ambiente. Actividade desenvolta polo grupo EDUVIA.

A Deputación e o Museo de Pontevedra poñen en marcha un novo ciclo de Teatro no Museo, que  ten como obxectivo principal achegar o teatro a todos os públicos, cun amplo abano de idade e temática, e abrir o espazo do Museo a todas as compañías e asociacións de teatro afeccionado da provincia.

A compañía encargada desta primeira sesión será Teatro da Zarabándula (Cuntis, Pontevedra), que presentará a obra Entre nós, mulleres, dirixida por Toño Pena e coa interpretación de Chelo do Rejo e Chus Picallo.

Atlas chega por primeira vez a Galicia como unha performance que reúne 100 persoas de diferentes profesións enriba do escenario. Nesta obra, Ana Borralho & João Galante pretenden construír un Atlas da organización social humana, unha representación dos seres humanos a través da súa función na sociedade. Unha revolución silenciosa. Unha obra motivada pola crenza de que a arte debe desempeñar un papel activo na sociedade.

En Vontade de Ter Vontade o escenario tórnase un territorio. Un país. Portugal. E atravesar o escenario é embarcar nun camiño en que as dimensións individual e colectiva, persoal e histórica se xuntan no mesmo traxecto. Unha viaxe a través do espazo e do tempo, para posibles destinos e futuros potenciais. 

A trama explora a situación que se crea coa presenza de alguén a través da súa ausencia: Mario desaparece e, na súa busca, familiares e amigos atopan que as versións de cada un deles en torno á mesma persoa son distintas e ás veces contrapostas. 

A obra está escrita pola mexicana Bárbara Colio, Premio Internacional María Teresa León para Autoras Dramáticas en 2004.

Máis información

O Festival de Teatro, Domingos do Principal, regresa un ano máis para achegar aos máis pequenos da casa ás artes escénicas. Faino cun amplo repertorio de obras pertencentes a compañías de todo o territorio nacional.

Nesta ocasión serán sete os espectáculos que formarán parte dun ciclo que se estenderá do 11 de xaneiro ao1 de marzo. Todos eles representaranse, como vén sendo habitual, no Teatro Principal en dobre sesión, ás 12.00 e ás 18.30 horas.

Máis información

Autor: Jordi Galcerán

Dirección: Fernando Bernués

Elenco: Antonio Durán "Morris" e Pedro Alonso

Sinopse: No noso civilizado mundo, cando necesitas cartos vas ao banco e pides un crédito. Se non cho conceden volves para a casa, coa cabeza gacha, pensando que as cousas están moi mal, que os tempos cambiaron, que o crédito non flúe… Pero se cadra hoxe non. Talvez hoxe, cando che deneguen o crédito non marcharás para a casa co rabo entre as pernas, manso coma unha ovella...

A nova produción propia do CDG que dirixe Cándido Pazó, a partir da obra do portugués Abel Neves. Produción inserida no acordo de colaboración entre o Centro Dramático Galego e o Teatro Dona María II de Lisboa.