Teatro

Dirección: Colectiva

Elenco: Olga Cameselle e Alfredo Rodríguez

Autora: Areta Bolado

Dirección: conxunta

Elenco: Areta Bolado, Noelia Fernández, Ailén Kendelman

A compañía 3DTrans ofrece unha hora de risas, a través dunha reflexión subxectiva, próxima á parodia sobre un episodio da vida de tres actrices. Este espectáculo xurde da idea de levar ao teatro os sketches que lles fixeron gañar o concurso “Os Humorosos”, do programa Luar da TVG.

Esta programación pode sufrir modificacións. Confirmar datas e horas os espazos onde se representa: Auditorio Municipal de Cedeira.
 

Un escenario, tres comediantes e un mundo onde todo é posible. Esta é a proposta de Al tun tun, unha obra de teatro chea de humor exquisito, absurdo e cun surrealismo delicioso que deixará coa boca aberta a grandes e pequenos.

Obra representada pola compañía Teatrozero no marco dos actos previos á Marcha contra as Causas da Fame, organizada polo Movemento Cultural Cristiano.

A ciencia pode ser divertida e aparecer onde menos o esperas: na cociña, no baño, na escola, no parque... A través da peza teatral Que traballo tan curioso! os máis pequenos resolverán situacións cotiás a través de argumentos científicos e rigorosos que nos deixarán coa boca aberta (adultos incluídos).

Duración: 1 hora.

Entrada libre ata completar a capacidade (150 prazas). Para público familiar.

O compositor e cantante Xoán Curiel propón un espectáculo no que dá a coñecer o universo das cantigas de amigo de Martín Codax, dun xeito musical, para amosar os sentimentos e intensidade emocional que as propias cantigas conteñen.

Esta actividade forma parte da campaña de dinamización da lectura Ler conta moito, que desenvolve a Rede Galega de Bibliotecas.
 

Coa posta en escena de A tempestade culminan tres anos de traballo arredor da produción dun espectáculo que reúne unha nutrida representación dunha nova xeración de artistas multifacéticos que está a sobresaír a nivel estatal. Así, destacados nomes da escena contemporánea española e portuguesa súmanse ao equipo habitual de Voadora baixo a dirección artística de Marta Pazos, gañadora de dous premios María Casares á Mellor Dirección e finalista do Certame Nacional de Directoras de Escena o pasado ano 2013.

O Centro Dramático Galego (CDG) estrea unha nova versión de As laranxas máis laranxas de todas as laranxas, da man do director luso-brasileiro José Caldas.

Interpretado maxistralmente por Evaristo Calvo, O turista madrileño é unha creación de Zopilotes, trío composto polos guionistas Andrés Mahía, Carlos Ares "Parrocho" e Xosé Castro "Pato", artífices de AIR GALICIA, programa de humor emitido durante varias tempadas na Televisión de Galicia e gañador do Premio Mestre Mateo á mellor serie do audiovisual galego en 2008.