Teatro

La Burla Negra é un gran barco pirata que leva anos sucando os mares das costas galegas na procura de grandes tesouros.

Aproveitando a temática mariñeira das aventuras piratas, Tusitala Contacontos propón esta singular actividade: facer unha xymkana de probas e rastreo para pertencer a un bravo grupo de bribóns capaces de saquear unha biblioteca polo seu afán á lectura e habilidades documentais. Ademais, os participantes terán como motivación durante todas as probas a idea de atopar un tesouro real que serán libros de préstamo e moedas de chocolate.

A representación forma parte dunha actividade de dinamización da lingua galega dirixida á mocidade que se desenvolve en 23 concellos galegos pertencentes á Rede de Dinamización Lingüística entre abril e decembro de 2014.

As fabas máxicas é unha proposta teatral pensada para nenos e nenas de máis de 4 anos e as súas familias, que gozarán do espectáculo tanto coma os cativos por mor da coidada escenografía, do humor e da poesía con que se vai tecendo a historia. Trátase dunha versión renovada do conto tradicional "Xan e as fabas" en que o propio Xan, coa axuda duns xeitosos monicreques, nos narra en primeira persoa as súas aventuras.

A compañía considera esta peza un refrexo da fragmentación da sociedade, da incertidume, da crise que nos asolaga con ragtime de comedia. A obra sitúase no día despois da gran deflagración, non hai argumentos posibles, só quedan anacos; de distintos seres, anacos de memoria, refugallos industriais e domésticos, imaxes rotas, conversas interrompidas, interferencias, enerxías cruzadas... Como recompoñer o que destruimos?  

Esta proposta ofrece espectaculares peludos, esperpénticos mutantes, surreais, pintorescos, actuais, críticos, acedos e divertidos.

Pan! Pan! é unha comedia musical, gañadora do Primeiro premio Xuventude Crea 2013,  que conta a historia de Harry, un cowboy americano que viaxa de Mississippi a Arkansas perseguindo a un indio salvaxe que lle roubou a súa muller, da que está profundamente namorado. A través da aventura deste antiheroe, redescubriremos ese mundo sen lei dos ranchos vaqueiros, as fedorentas cantinas e os desertos cheos de perigos. Como nunha película do Far West, haberá whisky, balas e country. Amor e vinganza a partes iguais!

A cargo de Quinquilláns e Volta e Dalle Teatro para o PAAR de Campo Lameiro dentro do proxecto Gestart. Este espectáculo trata de achegar o teatro á historia compartido man a man con todos os visitantes. En O Retorno, Néstor, grandísimo estudoso dos petróglifos e membro da Sociedade Arqueolóxica de Pontevedra volve a Campo Lameiro despois de case oitenta anos morto.

Todas as funcións deste espectáculo son únicas, xa que se van remodelando cada vez, adaptándose a cada lugar, a cada público, á actualidade do momento, etc. Isto fai que, Ride, ride...!, sexa un espectáculo sempre vivo, que ademais rompe a cuarta parede, polo que están en comunicación directa co público en todo momento.

Esta programación pode sufrir modificacións. Confirmar datas e horas nos espazos onde se representa: Teatro da Beneficiencia de Ortigueira

Ranpunzel e Grettel Chanetti chegan en bicicleta con contos express e precisarán da colaboración do público para axudar a Camilo Comilón a cociñar os alimentos que lle dan os seus amigos e prepararán saborosas receitas. E de sobremesa, suxestivos petiscos doces, tirados do libro Contos silenciosos.

Esta actividade de Ler conta moito está dirixida a nenas e nenos de 4 a 12 anos e ten unha duración aproximada de 45 minutos.

Dous criados foron condenados de por vida a contar a historia que lles tocou vivir. As loitas irmandiñas, as batallas e desencontros entre nobreza e clero, a vida nos castelos, nas aldeas e nas vilas. A vida cotiá desde a Idade Media contada con emoción.

Dirección: Tero Rodríguez e Lucho Penabade

Duración: 50 min

Para todos os públicos.