Teatro

Cociña Económica de Mofa e Befa é un dos espectáculos míticos do dúo cómico formado por Evarsito Calvo e Víctor Mosqueira.

Un espectáculo con case 20 anos de percorrido e que a día de hoxe continúa sendo un dos máis queridos polos fans de M&B. 

Fran Rei presenta o seu novo espectáculo unipersoal, no que sigue misturando narración oral, humor e maxia para contarnos Os Contos de Barriga Verde.

Escrito por Avelino González, a partir de tres das obras máis sobranceiras do escritor Manuel María (Barriga Verde, Os Soños na Gaiola e Aventuras e desventuras dunha Espina de toxo chamada Berenguela), Os Contos de Barriga Verde pretende ser un achegamento á poesía, prosa e teatro do autor lucense.

Os Sete Magníficos máis Un presentan Concerto Magnífico, unha revisión clown e desafinada do, ata agora, sempre serio mundo da música culta.

Creada pola propia compañía en colaboración co prestixioso dramaturgo e director arxentino Walter Velázquez, a partir de farsas circenses clásicas, dirixida por Iván Prado e protagonizada por Pedro Brandariz e Fran Rei, Concerto Magnífico é a decimo quinta produción de Os Sete Magníficos máis Un, que volven dirixirse ao público infantil e familiar despois de case catro anos xirando con Dous Pallasos en Máis Apuros (2011).

• SIMBAD retirouse do mar vendo a imposibilidade de seguir vivindo da pesca. Leva tempo pensando que facer e realizando no seu taller maquetas de barcos onde bota de menos o mar.
  VENADITA, a súa veciña e amiga, é unha mariscadora que sae ao mar todos os días e tenta convencelo sen éxito.É unha muller disposta, forte e que non pensa renegar do seu medio de vida. A pesar da súa insistencia non conseguiu convencer ao seu veciño e amigo SIMBAD.
  

A  Xoana, non lle gustaba moito ler, seu pai e súa nai poñen todo o empeño para que vaia collendo gusto aos libros e aumente o interese pola lectura.

Unha tarde chegou ao pobo unha fada dos contos, Anduriña, que se adica a percorrer todo o mundo co gallo de fomentar a lectura e a educación en valores. Esa tarde Xoana, por vontade de seu pai e súa nai, tivo que asistir á actividade. Ao principio foi con poucas ganas, pero  grazas á fada comezará a espertar o seu interese polos contos.

Autor: José Luís Prieto

Dirección: Marcos Orsi

Elenco: Jouse García e Xoque Carbajal

Espectáculo de Jose Luis Prieto producido por Malasombra producións S.L dentro da programación Cultura no Camiño.

Logo da chegada do home á lúa á humanidade só lle faltaba un reto: a chegada do home a Galicia. No ano 2010 (ano 25 despois de Gayoso), dous intrépidos exploradores tiveron o valor de adentrarse nas descoñecidas terras galaicas a través da ruta xacobea. 

Autores: Jordi Sánchez e Pep Antón Gómez

Dirección: Marcos Orsi e Xoque Carbajal

Elenco: Jouse García, Xoque Carbajal, Patricia Rodríguez.

En 1961 publicouse en Buenos Aires un dos libros máis sobranceiros da literatura galega. O máis editado, lido e traducido. O que todos lembramos con tenrura. O que todos asociamos con algunha vivencia propia ou herdada. Estamos perante unha importantísima celebración para a cultura galega: O 50 aniversario da 1ª edición das Memorias emorias dun neno labrego 

Neste ano 2016 cúmprense os 400 anos da morte de Miguel de Cervantes e William Shakespeare o 23 de abril de 1616. As súas obras son os cimentos da literatura pasada, actual e futura en todo o mundo. As súas escenas, os seus personaxes, os seus estilos seguen presentes no fondo de armario dos libros que se editan hoxe en dia.

Don Quixote é unha comedia gastronómica que mestura narración oral, manipulación de obxectos e cociña en directo para dar lugar a esta exitosa versión gastronómica da obra de Cervantes.