Pasar por Nida é unha obra escrita e dirixida por Roberto Salgueiro, e interpretada pola Aula de teatro da Universidade de Santiago de Compostela.
Sinopse: “É unha estrada interminable que busca o horizonte, unha recta infinita de asfalto que atravesa o país dun extremo ao outro e que, coma min, parece buscar na distancia un lugar onde chegar".
Jordi Gomar é o autor desta comedia musical na que nove personaxes coas mesmas frustracións, medos e desexos que calquera, tiveron a sorte de dar cun psicólogo que lles axudará a entender que o mellor que podemos ser, ás veces nace do que consideramos peor en nós mesmos.
Obra de teatro escrita e dirixida por Fina Calleja e interpretada pola Aula de Teatro Universitario de Ourense.
Sinopse: "Se o mundo está cheo de cociñas, como dicimos aquí, non te podes atopar máis que con porcos... Penso cara onde camiña o ser humano e no que un fai para arranxar o mundo... Miro esta cociña, ou penso nas fábricas ou en todas esas cantidades de edificios que se levantan aquí e acolá, con todas esas oficinas e toda esa xente dentro e dígome; Meu Deus, xa está ben, non? Xa está ben."
Unha noite, nunha taberna chega un sinistro forasteiro que fai que se desvele un segredo gardado durante 36 anos. Manoel, o mais anodino dos clientes d’A Carrilana, fora o protagonista dunha historia conmovedora na guerra do 36. Ao rapaz da taberna médranlle as orellas, e sabe cousas que non debía saber aos seus anos. Ao longo das evocacións desta personaxe descubrimos unha estirpe esquecida nas guerras: Os Inocentes.
A Mostra Internacional de Teatro Universitario de Ourense (MITEU) celebra a súa vixésimo terceira edición, con preto de 30 representacións e numerosas actividades paralelas en diversos espazos da cidade. A edición deste ano conta coa participación de compañías e grupos universitarios achegados desde Portugal, Marrocos, Perú, Italia, Guinea Ecuatorial e Canadá, xunto con formacións galegas e doutras comunidades españolas
Un espectáculo para a primeira infancia que xoga coas formas.
Unha proposta visual, case sen palabras, para gozar en familia
A Mr. Round fascínanlle todos aqueles obxectos redondos, os máis curiosos obxectos con forma de circunferencia. Un día, na súa incesante procura atopará unha asombrosa esfera que agocha historias sorprendentes.
Autoría e interpretación: Laura Sarasola e Juan Rodríguez
Para nenos e nenas de 1 a 4 anos, e familias.
SÁBADO 7 de abril, ás 11:30 horas e ás 12:15 horas. Salón de actos
Un conto para nenos e maiores onde precisan da túa axuda para rematalo.
Intérpretes: María José Martínez, Chucho González e Míriam Rodríguez
Foto: J. Carrera
Deseño: Míriam Rodríguez
Conxunto de textos escritos por diferentes dramaturgas e dramaturgos do noso país.
Os textos teñen varios elementos en común: os seus protagonistas son exiliados, inmigrantes, refuxiados e cidadáns europeos que viven outra realidade ben distinta.
Tring, tring, tring! Miska e Muska son grandes amigas unidas por unha paixón común: a bicicleta! Tras un inesperado reencontro, comezarán a rememorar historias de bicis; e é que a elas nunca lles gustou o fume dos coches, o ruído que hai nas cidades... prefiren outros medios de transporte menos contaminantes. Lembraranse de cando se coñeceron, nunha tola viaxe polo mundo; de Lolo, que aprendeu el só a ir en bici; da pita da tía Amelia, que quería uns patíns; e da peculiar carreira entre unha lebre e unha tartaruga.
Borja Fernández presenta no Teatro Lauro Olmo Salvador, unha peza de teatro documento onde investiga o rastro do seu avó emigrado ao Brasil e a quen non coñeceu. Salvador é un proxecto escénico para un actor/músico e unha vídeo jockey/manipuladora de obxectos, sobre os movementos migratorios, as desaparicións e os encontros. Céntrase na figura dos avós, concretamente nos avós galegos emigrados a mediados do século pasado a Sudamérica, e do seu o impacto na historia recente na configuración das comunidades, familias e individuos contemporáneos.
