Animaremos á cativada a crear a súa propia obra de arte neste obradoiro cheo de cores. Utilizando pigmentos naturais poderán experimentar coa pintura dactilar mentres estimulan a súa creatividade mesturando cores e deseñando diferentes motivos de Nadal que levarán como adorno para as súas casas.
-Público destinatario: infantil, de 4 a 7 anos
-Hora: 16:30-18 h.
-Inscrición previa a partir do 23 de noviembre
A partir das ferramentas creativas formuladas polo adbusting, neste obradoiro de collage repsaranse os estereotipo de xénero da imaxe das mulleres na publicidade da xornais e revistas.
Obradoiro cunha duración de 3 horas de 18.00. a 21.00h está pensado para persoas maiores de 15 anos.
As inscricións poden facerse chamando aos número de teléfonos 988 788385 / 386.
Actividade realizada ao abeiro do Pacto do Estado contra a Violencia de Xénero.
Os nenos e nenas poderán gozar desta actividade científica na que aprenderán como se forman os fósiles. Posteriormente farán unha busca en sedimentos de terra e aprenderán a extraelos e limpialos con coidado para a súa conservación.
Finalmente crearán o seu propio “fósil” que poderán levar a súa casa de recordo.
-Público infantil, de 8 a 12 anos
-Hora: 16:30-18 h.
Este xoves temos unha accción colaborativa no Museo das Peregrinacións e de Santiago: “Mantra da paz”. Organizada pola Asociación de Profesores de Expresión e Comunicación Visual (APECV, Portugal), e conta ca colaboración do Grupo Liter21 (USC) e o colectivo C3 que promove accións artísticas.
Finalizamos a programación da Semana contra a violencia machista con 'Festexando a igualdade', un xogo en familia que nos levará a descubrir as contribucións da loita feminista no desenvolvemento dunha sociedade máis xusta e igualitaria. Equipos formados por persoas adultas e mozas deberán superar xuntos un conxunto de probas cunha meta común: a igualdade.
Arrincamos a semana cun taller que busca facernos reflexionar sobre a maneira na que nos relacionamos con outras persoas, tomando conciencia sobre comportamentos, actitudes e expresións que en moitos casos esconden violencias ou posturas machistas non sempre fáciles de detectar. Dirixido a estudantes de ensino secundario, 'Seguridade violeta' pretende, a través do debate e a participación activa, contribuír á construción de vínculos sans entre as e os adolescentes, refugando condutas nocivas e prexuízos.
Con este obradoiro preténdese facer un achegamento á orixe do xogo medieval do Alquerque de 3. Elaboración do taboleiro e das fichas. Realizaranse partidas entre as familias participantes.
Inscricións: reservas.mdperegrinacions@xunta.gal
Teléfono: 881 867 401
Lugar: salón de actos
Datas: 14, 15, 16 e 17 de novembro
Horario: de 10 a 13:30
A biblioteca cede o espazo ao colectivo SocialDocs para a realización deste obradoiro de creación de teatro, que forma parte do seu proxecto De Maior Crea.
Vive a experiencia de facer teatro desde dentro
Durante o obradoiro impartirase técnica teatral e potenciaranse as habilidades propias das persoas participantes.
Obradoiro gratuíto - Prazas limitadas
Lugar: salón de actos
Datas: 21, 24 e 30 de novembro e 5 de decembro
Horario: de 10 a 13:30
A biblioteca cede o espazo ao colectivo Socialdocs para a realización deste obradoiro de creación audiovisual, que forma parte do seu proxecto De Maior Crea.
Para facer un filme só se precisa un móbil con cámara unha cabeza e un corazón. Cada participante dispón da súa propia ferramenta.
Obradoiro gratuíto - Prazas limitadas
Centro de interese para recoñecer a ciencia na nosa vida. Sala de Infantil da Biblioteca Pública Nós.
