Actividade na que a cativada poderá descubrir, a través da realización de sinxelos experimentos e xogos, os principios científicos nos que se basea o funcionamento dunha das pezas que forman parte da colección do museo: a máquina de Winmshurst, unha máquina electrostática capaz de producir electricidade de alto voltaxe.
Venres 22 de novembro de 17:30 a 18:30
Nenas/os de 6 a 10 anos
Actividade gratuíta
Neste obradoiro explicaremos de maneira sinxela e amena a evolución das técnicas e decoracións na cerámica prehistórica. Tamén abordaremos como, dende a arqueoloxía, se realiza a clasificación das pezas e que formas podemos atopar ao longo da prehistoria en Galicia, empregando exemplos atopados en castros galegos. Para concluír a actividade, as pequenas e pequenos participantes elaborarán unha peza utilizando a técnica máis antiga coñecida: a técnica de churros.
Neste obradoiro as pequenas e pequenos participantes deseñarán e crearán os seus propios accesorios como pins, colgantes ou chaveiros a partir dunha ilustración escollida entre varias, que será transferida a unha folla plástica que ten a peculiaridade de que encolle e endurece ao aplicarlle calor.
Cada participante terá que elixir o deseño que máis lle guste, trasferilo á plantilla plástica, pintalo, perforalo e recortalo para poder crear o seu adorno, que poderá utilizar para decorar o que queira ou levalo posto.
Neste obradoiro a rapazada construirá un xoguete con materiais de reciclaxe. O obradoiro ten como obxectivo a elaboración de xoguetes con materiais comúns que nun principio parecerían descartables.
As pequenas e pequenos participantes desenvolverán a súa creatividade no deseño e na decoración de cada xoguete e, unha vez rematado, poderemos utilizalos e imaxinar historias con eles como protagonistas.
Neste obradoiro, explicaremos de maneira sinxela e amena a evolución das técnicas e decoracións na cerámica prehistórica. Tamén abordaremos como, dende a arqueoloxía, se realiza a clasificación das pezas e que formas podemos atopar ao longo da prehistoria en Galicia, empregando exemplos atopados en castros galegos. Para concluír a actividade, os participantes elaborarán unha peza utilizando a técnica máis antiga coñecida: a técnica de churros.
Celebramos o Día da Edición, que conmemora o aniversario do nacemento de Ánxel Casal, co obradoiro “Imprenta tipográfica creativa” da man de Alouette Machine. Como se imprimían os libros antigamente? Alouette Machine é unha imprenta itinerante que traballa coa Tipografía, recuperando esta técnica artesanal. Neste obradoiro faremos un equipo de impresores/as coas persoas participantes e crearemos un mini libro sobre o editor Ánxel Casal. Empregaremos o material de época: tipografías de madeira, as prensas de impresión, rolos, tintas e papeis.
Neste obradoiro de bordado básico aprenderemos a realizar tres puntos (punto partido, punto folla e punto rosa) cos que, ademáis de ser quen de rematar o deseño que se nos vai presentar, poderemos facer outros deseños bordados pola nosa conta. Todos os materiais están incluídos e non fai falla ter ningunha experiencia previa.
Lúa Mosquetera é a creadora dun clube de bordado na Coruña e doutro en Compostela dende o ano 2016
Neste obradoiro coñeceremos a lenda da orixe da cidade de Compostela, a da Raíña Lupa e de como, segundo esta lenda, se chegou a levantar a catedral no lugar no que está.
Veremos que na biblioteca hai libros que tratan este tema. Comezaremos contando a historia, veremos diferentes representacións desta e, para rematar a actividade, pequenas e pequenos participantes poderán plasmar a súa propia visión desta lenda creando monicreques de pau cos diferentes personaxes.
Que pode saír dun calcetín vello, dun guante ou dun retallo de feltro? Pois dándolle un pouco á cabeza e cun pouco de imaxinación poderemos dar vida a diferentes personaxes!! Poñerlle cara, pelo, vestilos, darlle nome e historia e...se dese tempo, poderiamos crear un conto en pequenos grupos.
Na sala infantil. Para 12 nenas e nenos de 6 a 12 anos. As persoas interesadas poden recoller a invitación no mostrador de información da biblioteca dende 30 min antes do comezo da actividade.
Ábrese o prazo de inscrición deste novo obradoiro en Viladonga, nesta ocasión para traballar sobre as técnicas téxtiles.
Haberá dúas quendas, unha pola mañá, de 10:00 h. a 14:00 h. e outra pola tarde de 16:00 h. a 20:00 h.
